1304.
08. 00. (Df.272921)
Nycolaus prepositus et capitulum Quinqueecclesiensis ecclesie omnibus Christi
fidelibus presentes scriptum cernentibus salutem in salutis largitore, ad universorum
noticiam tenore presencium volumus pervenire, quod magister Dominicus canonicus
ecclesie Sancti Johannis de castro Quinqueecclesiense socius noster, qui per
venerabilem in Christo patrem dominum P. Dei gracia episcopum Quinqueecclesiensem
dominum ad nobilem verum magistrum Johannem filium Elek de genere Zolok egrotantem
missus fuerat et Paulus sacerdos ecclesie Beate Margarete de Hergues qui eiusdem
magistri Johannis ultimam audivit fassionum de cuius / /mu ipse magister Johannes
sacram et extrem/ / unctionem in nostri presencia personaliter constituti sunt
confessi, quod ipsis et alijs multis nobilibus / / testimonium convocatis /......./us
magister Johannes filius Elek / /sanus mente suum condens testamentum proprijque
/ / carnalis fratris / / solacio destitutum /........./carentes presidio / /anus
transirent aliena/ / Peech fratrem / /essorem eundem assumen/ / in heredem adoptivum
/ /as testamenta/ / suas omnium ac / / possessionum suarum ubique existencium
/ / et specialiter dimidietatem possessionis sue Gereche nominate ac unum servum
suum M/ /patum cum duobus filijs suis Benedicto et Paulo nominatis et una /...../
Pyla vocata cum uno filio et una filia eiusdem Pyla parvulis reliquisset et
legasset / / Rolando filio Georgij fratri suo uterino, tam per se, quam per
suos heredes ad habendum perpetuo et pacifice ac quite possedendum, sicut est
quidam alij socij nostri potiores, scilicet persone ex nobis eundem magistrum
Johannem ipsi Rolando hec premissa reliquisse et legasse eis evidenter constitisse
retulerunt. Ita nichilominus, quod quartam partem premissarum totalium possessionum
suarum, quam idem magistre Johannes domine consorti sue filie comitis Domonici
Zwp dicti reliquit et legavit et aliam quartam partem earundem possessionum
similiter per ipsum magistrum Johannem ecclesie Beate Johannis Baptiste in prememorata
possessione Guereche situate donatam seu legatam, si ipsa domina aut eadem ecclesia
nolentes vel non valentes pro se reservare, vendere aut qualicunque modo alienare
intenderent non alijs nisi Rolando vendere possent et deberent vel eodem permittente
aut emere nolente sive non valente et non aliter alijs vendendi vel alienandi
haberent facultatem. In cuius rei testimonium memoriamque firmiorem presentes
concessimus litteras sigilli nostri munimine roboratas. Actum anno Domini millesimo
CCCo quarto mense augusto, magistris Nicolao cantore, Demetrio custode et alio
Demetrio decano ceterisque quampluribus ibidem existentibus. Datum per manus
discreti viri magistri Galli lectoris Quinqueecclesiensis.
1308.
01. 00. (Df.260243)
Capitulum Quinqueecclesiensis ecclesie omnibus Christi fidelibus presentem paginam
inspecturis salutem in omnium salvatore, ad universorum noticiam tenore presencium
volumus pervenire, quod nobilis domina Barbara nomine filia Nicolai fratris
Batyz de genere Negol relicta Thome filij Pauli de genere Geur unacum duobus
parvulis filijs suis ex eodem Thoma generatis, Johanne videlicet undecim annorum
in etate, ut videbatur et Thadeo infantulo, qui in ulnis ferbatur ab una parte,
et comite Petro filio Ocha genero suo ab altera coram nobis personaliter constitutis
eadem domina Barbara proposuit oraculo vive vocis, quod cum debite dilectionis
ex affectu, qua domina Clara filiam suam consortem predicti comitis Petri et
ipsum comitem Petrum generum suum matrinaliter amplectitur cum etiam ob id ut
prenotati orphani filij sui in tenera etate constituti quos sustentandi facultatem
propter suam inopiam non habere se dicebat per industriam et diligentem procurationem
ipsius comitis Petri facilius ....../ sustentari et comodius educari terre eorum
Gunchel vocate in comitatu Barane habite a prenotato Thoma marito suo sibi et
/predictis ?/ filijs suis rite cedentis et iure remanentis terciam partem racione
dotis sue ad ipsam et pretextu quarte ad dominam Clara filiam suam antedictam
spectantem ut asseruit pariter pertinentem ex consensu et voluntate predictorum
filiorum suorum utputa fiduciaria tutrix eorundem cum omnibus utilitatibus et
pertinencijs eiusdem tercie partis dicte terre ipsius domine Clare filie sue
et per eam prefato comiti Petro marito eiusdem genero suo dedisset, donasset
et assignasset perpetuo et irrevocabiliter possidendam dicimus etiam, quod prenominatus
Johannes parvulus maior filius dicti Thome per nos interrogatur per se et per
Thadeo infantulo fratre suo iuxta modulum sue etatis respondens premissam donacionem
per dominam matrem suam factam ex eorum voluntate dixit processisse. In cuius
rei testimonium firmitatemque perpetuam presentes concessimus litteris sigilli
nostri munimine roboratas, actum anno Domini Mo CCCo octavo mense januario,
magistris Nicolao cantore, Demetrio decano ceterisque quampluribus ibidem existentibus.
1308.
08. 00. (Dl.86904)
Capitulum ecclesie Quinqueeclesiensis omnibus Christi fidelibus presens scriptum
cernentibus salutem in omnium salvatore, ad universorum noticiam tenore presencium
volumus pervenire, quod cum nos ad instanciam et peticionem nobilis viri magistri
Egedij filij magistri Gregirij de genere Monozlo, qui propter temporis inpacati
maliciam et viarum insidias ad nostram presenciam personaliter accedre se non
posse nunciabat ad audiendum et sciendum voluntatem ac ordinacionem eiusdem
unum ex nobis virum ydoneum magistrem videlicet Nicolaum socium et concanonicum
nostrum misissemus, tandem idem socius noster ad nos reversus nobis dixit, quod
in ipsius presenciam predictus magister Egedius proposuisset oraculo vive vocis,
quod quandam possessionem suam Dornolch vocatam cum castro habito in eadem et
cum alijs utilitatibus ac pertinencijs eiusdem possessionis universis ea integritate
seu plenitudine, qua Petro vaywade cognato suo contulerat, dedisset, donasset,
contulisset magistro Nicolao filio magistri Laurencij de genere Aba genero suo
et per eum suis heredibus heredumque suorum successoribus iure perpetuo pacifice
et quiete ac irrevocabiliter possidendam, tenendam et habandam tali modo, quod
idem magister Egedius et sui heredes a quolibet impeditore molestare seu quoquomodo
inquietare volente et specialiter a facto dotis et rerum parafelnalium nobilis
domine relicte memorati Petri woywode et racionem quarte filie eiusdem eundem
magistrem Nicolaum et suos heredes super premissa possessione expedire tenebuntur
propriis eorum laboribus sumptibus et expensis. In cuius rei testimonium perpetuamque
firmitatem presentes concessimus litteras sigilli nostri munimine roboratas.
Actun anno Domini Mo CCCo octo mense augusto.
1311.
05. 14. (Dl.86917)
Nos capitulum Quinqueeclesiense memorie commendamus significamus quibus expedit
universis, quod Elyssabeth filia Chepani filij Mathie de Zydmer, relicta Petro
filij Karoli, nunc consors Ladyslai filij Salamonis de Viliam astante sibi eodem
Ladislao marito suo coram nobis personaliter constituta proposuit oraculo vive
vocis, quod filiam suam Issalth nomine a predicto Petro marito suo de Stephano
filio Nicolai de Barlad legitimam tenderet in consortem et quia propter suam
indignantiam eidem Issalth filie sue in honoris aparatu in ornamentis nuptialibus
providere ut decori se nequivisse assebat ob hoc medietatem terre Buzuldek racione
dotis et rerum suarum parafelnalium ac quarte predicte filie sue sibi et dicte
filie devolute cum utilitatibus et pertinencijs eiusdem medietatis universis
in comitatu de Barana in vicinitate terre filiorum Deniper existentis, quam
predictis Petrus maritus suus mediantibus litteris privilegialibus conventus
monasterij Waradyensis precio comparat, sicut dixerint, dedisse, donasse, contulisse
et statuisse prefate Issalth filie sue et per eam dicto Stephano marito suo
ac successoribus eorundem sexus utriusque ex ipsa domina Issalth pro heredibus
iure perpetuo et irrevocabiliter possidendam, ita nichilominus, quod si ipsam
dominam Issalth filiam suam sine herede decedere contingerit, extunc memorata
medietas terre rediet et revolvetur ad manus predicte domine Elyssabeth vel
suorum successorum pleno iure et aliam vero medietatem eiusdem terre Buzuldek
similitercum omnibus utilitatibus suis in nostri presencia dedit, statuit et
assignavit Thome et Paulo filijs suis ex prefato Ladislao secundo marito suo
procreatis et etiam in suc..... pro creandis ac ipsi Ladislao marito suo perpetuo
et irrevocabiliter possidendam presentes autem nostro privilegio comfirmare
promisimus, dum nobis usque festum nativitatis Domini fuerint reportare. Datum
sexta feria proxima ante festum Ascensionis Domini, anno eiusdem M CCC undecimo.
1312.
03. 10. (Dl.330)
[L]adislaus prepositus et capitulum ecclesie Quinqueecclesiensis universis Christi
fidelibus tam presentibus, quam futuris presentes litteras inspecturis, salutem
in eo, qui est portavenie pariter et salutis de universorum noticiam tenore
presencium volumus pervenire, quod nos ad peticionem nobilis iuvenis comitis
Dominici Voszigy dicti litteras privilegiales super duobus predijs et quibusdam
alijs negocijs, prout inferius tenore eiusdem privilegij presentibus inserto
continentes sub sigillo nostro priori, hoc ex predecessores nostri utebantur,
non viciatum nec in aliqua parte sui cancellatum vel abrasum per subcustodem
ecclesie nostre remuneri et de verbo ad verbum presentibus inseri fecimus, cuius
tenor tali est: ***. Datum die versis ante dominicam qua cantatur Iudica, anno
Domini M CCC duodecimo, Nicolao cantore, Laurencio custode, Nicolao decano ceterisque
quam pluribus ibidem Deo devote famulantibus.
1313.
01. 00. (Dl.49232)
[L]adislaus
prepositus et capitulum ecclesie Quinqueelesiensis omnibus Christi fidelibus
presentem paginam inspecturis, salutem in Domino sempiternam, ad universorum
noticiam tenore presencium volumus pervenire, quod comite Stephano filio Alexandri
de Chob ab una parte, comite Mychaele filio Adulmas pro se et pro Petew fratre
suo carnali ab altera coram nobis personaliter constitutis propositum extitit
per eosdem, quod possessionibus eorum Fyuzygh.an nominatis per magistrum filium
magistri Gregorii bone memorie domini ipsorum pro fidelibus et specialibus serviciis
eorum privilegiis nostris mediantibus ut dicebant comite eis donatis et collatis
eo quod eedem possessiones in diversis comitatibus ab invicem longe distantibus
existant et usum earundem in comitatu percipere comode non possint talem permutacionem
seu concambium inter se ordinassent, quod idem comes Stephanus porcionem suam
in predicta terra Fyuzygh in comitatu Bachyensis iuxta terram archyepiscopatus
Ornath vocate habitam medietatem scilicet eiusdem terre Fyuzygh cum suis utilitatibus
dedisset et statuisset comiti Mychaeli et Petew filiis Adulmas antedictis; et
econverso ydem filii Adulmas porcionem ipsorum, quam habent in predicta terra
Karan, que est in comitatu Symigiensis similiter medietatem ipsius terre Karan
cum suis utilitatibus universis dedissent et assignassent comiti Stephano prenotato,
et sic eadem terra Karan integraliter et in toto comiti Stephano et suis heredibus
predicta vero terra Fyuzygh similiter ex integro eisdem comiti Mychaeli et Petew
filiis Adulmas ac eorum posteritatibus cessissent in porcionem et perpetuo ac
irrevocabiliter extitissent devolute, quod autem hec permutacio firmius perseveraret
inter ipsos eedem partes taliter se obligarunt, quod quiqumque parcium hanc
permutacionem sive concambium in posterum retractare niteretur in quinquaginta
marcis ante litis ingressum persolvendis contra partem alteram coniunceretur
eo facto. In cuius rei testimonium presentes concessimus litteras sigilli nostri
munimine roboratas, actum anno Domini millesimo CCC tredecimo mense januario,
magistris Nicolao cantore, Laurencio custode, Demetrio decano ceterisque quam
pluribus ibidem existentibus. Datum per manus discreti viri magistri Endere
lectoris Quinqueeclesiensis.
1313.
05. 02. (Df.208490)
Nos capitulum Quinqueecclesiense memorie commendamus, quod discretus vir magister
Thomas rector ecclesie Beati Bartholomei apostoli et concanonicus noster in
personis filiorum Andree filij Stephani dicti Zabalus de Karan ad nostram accedendo
presenciam exhibuit nobis duo paria nostrarum clausarum petens nos cum instancia
ut quia propter diuturnam ipsarum litterarum emanacionem de continencijs earundem
sibi et dictis filijs Andree non constaret, ideo eadem abcidi et tenorem earundem
in forma litterarum patencium ipsis dare dignaremur ad cautelam quorum unius
tenor talis est. Nos igitur peticionibus ipsius magistri Thome iustis et legitimis
inclinati predicta duo paria litterarum abcidi et unius tenorem presentibus
de verbo ad verbum transscribi et ipsum pariter in capite sigilli nostri inclusum
eisdem restituimus ad cautelam. Datum feria quinta proxima ante dominicam Letare,
anno Domini Mo CCCmo quinquagesimo secundo.
1318.
08. 03. (Dl.86936)
Nos capitulum Quinqueeclesisense damus pro memoria, quod anno Domini M CCC decimo
octavo in festo invencionis corporis Sancti Stephani Prothomartiris Balase filius
Acho serviens magistrorum Emrici et Egedij de Bechey vice et nomine eorundem
dominorum suorum coram nobis personaliter constitutus per modum protestationis
nobis dixit, quod Isow filius Gregorij porcionem in terra seu possessione Kerekyghaz
vocatam de iuxta Danubium cum eadem ecclesie Krekyghaz vocata a plaga meridionali
reambulasset, quam quidem terram seu particulam terre dominus rex eisdem contulerat,
ut dixerunt, vestrum predictum Issow a reambulacione et occupacione idem Balase
vice et nomine dictorum dominorum suorum inhibuit coram nobis contradicendo
et contradixit inhibendo. Datum die et anno prenotatis.
1325.
03. 22. (Dl.58480)
[S]tephanus prepositus et capitulum Quinqueecclesiense omnibus Christi fidelibus
presentibus pariter et futuris presens scriptum cernentibus salutem in eo, qui
est porta venie pariter et salutis, ad universorum noticiam harum serie volumus
pervenire, quod magistro Nicolau Treutul dicto comite Posoniensi ab una parte,
et magistro Johanne fratre Chama de genere Scentemaguch ab altera unacum honorabili
viro domino Dyonisio archidiacono Tolnensi socio et concanonico nostro et iuxta
tenorem litterarum magnifici barronis domini Philippi palatini ad exequenda
infrascripta pro testimonio per nos transmisso coram nobis personaliter constitutis
propositu extitit per eosdem et relatum, quod in causa furti, quam idem magister
Nicolaus contra eundem magistrum Johannem coram eodem domino palatino movebat,
super qua etiam duellum inter eos judicatum extiterat, et postmodum idem duellum
per preceptum domini regis ad presenciam eiusdem domini regis devenerat in area
... [ips]ius duelli ex permissione ipsius domini regis mediantibus et competentibus
magnificum baronum, videlicet domini Demetri magistri thawarnicorum domini regis,
comitis Alexandri iudicis curie eiusdem domini regis, magistri Mykch magistri
thawarnicorum domine regine, Pauli bani de Macho, magistri Endre prepositi Budensis
et vicecancellarij eiusdem domini regis, necnon domini Thome woyvode partis
Transilvanie, propter bonum pacis concordie, unionem in facto ipsius duelli
taliter se concordassent seu in talem pacis devenissent unionem, quod magister
Nicolaus totalem .... suam perhabitam, quam contra eundem magistrum Johannem
moverat racione furti totaliter et omnino eidem magistro Johanni relaxasset
et cassatas relinquisset et relinquit coram nobis; econverso autem idem magister
Johannes duas possessiones suas Zalathna et Bykol nominatis in comitatu Tholnensis
existentes ab Ambrosio filio Barrabe mediantibus privilegialibus litteris conventus
Waradiensis emptas coram nobis exhibitis et perlectis et ad manus eiusdem magistri
Nicolai ad maiorem certitudinem redditis, et pro eo etiam, quam eedem duas possessiones
ad possessiones predicti Ambrosij pertinebant, quas dominus rex eidem magistro
Nicolao pro fidelibus serviciis donaverat et perpetuaverat, pro eo etiam, quia
idem magister Nicolaus pro predictis possessionibus triginta marcas persolvit,
[supradictis] litteris conventus Waradiensis videmus [contineri....] sub testimonio
predicti soci[is.....] et hominis nostri coram comite Petro Kaba dicto homine
domini regis presentibus commetaneis et vicinis simulque convocatis, videlicet
Johanne filio comitis Petro de Kubli, Stephano filio Gabriani, Laurencio filio
Iwan, Johanne filio Dyonisij, alio Johanne filio Pauli, et alijs nobilibus per
veteres metas, et ubi necesse fuerat novas erigendo, prout inferius subsecuntur,
iuxta tenorem predictarum litterarum domini palatini reambulatam et geratam
ipsis consentientibus et nullo omnino contradictore existente eidem magistro
Nicolao Treutul dicto dedisset, tradidisset, donasset et assignasset et assignavit
coram nobis cum omnibus utilitatibus et pertinecijs universis sibi et per eum
suis heredibus heredumque suorum successoribus iure perpetuo et irrevocabiliter
possidendas, habendas et tenendas, tali pena mediante, quod si idem magister
Johannes vel sui heredes temporis in processu vel aliqua in posterum ipsum magistrum
Nicolaum, suos successores vel heredes racione predictarum possessionum quoqu[omodo]
occulte vel manifeste in litem vel aliqualiter molestare nitteretur, extunc
tamen in duello convictus haberetur et convinceretur eo facto preterea dixerunt,
quod quia iuxta tenorem predictarum litterarum domini palatini id[em magis]ter
Nicolaus in facie eiusdem possessionis ubicumque privilegium conventus monasterij
Waradiensis veteres metas exprimere non posset, ipse ad secundum suam metas
novas erigere potuisset, tamen ipsi in facie ipsius [porti]onis per composicionem
proborum virorum predictorum et de bona voluntate eiusdem Johannis ipsas novas
metas concorditer erexissent, omnes etiam litteras, per ipsum magistrum Johannem
racionem predictarum possessionum vel in processibus causarum aut protestatore
quoquomodo habitas, palam vel occulte relinquerunt, cassatas inanes et iuribus
carituras, cursus autem metarum predictarum hoc modo distinguntur, quod prima
meta incipit a plaga meridionali circa unum rivulum Kopornuk vocatum, ubi sunt
tres mete terree, que separant a terra Stephani filij Gabrini ab una parte,
et a terra Johannis antedicti, abhinc vadit versus partem australem circa pratum
ad quendam virgultum et ibi sunt due mete terree semper in vicinitate eiusdem
magistri Johannis, deinde eundo in modico spacio in eadem commetaneitate ad
quandam magnam viam, in qua itur versus Vorgan, et ibi sunt due mete terree
ex utraque parte eiusdem vie transeundo ipsam viam in latere cuiusdam montis
adhunc in vicinitate eiusdem magistri Johannis vadit ad quosdam dumos, et ibi
sunt due mete terree, abhinc vadit ad quandam arborem piri silvestris, sub qua
sunt due mete terree, abhinc ad eandem plagam in eadem commetaneitate asscendit
ad quendam monticulum, ibi sunt due mete in terris arabilibus descendentesque
de ipso monte sub quandam vineam in valle sunt due mete terree, abhinc asscendit
iuxta eandem vineam et in superiore parte sub quandam arborem piri sunt due
mete terree semper in eadem v[icinitat]e, abhinc directe adhuc eundo venit ad
quandam magnam viam, iuxta virgultum sunt due mete terree, deinde vadit ad quandam
silvam et ibi sunt due mete terree, abhinc flectitur se versus orientem [partem],
eandem silvam eundo venit ad arborem ilicis, sub qua sunt due mete terree, adhuc
eundo iuxta [eandem silvam] in vicinitate adhuc eiusdem magistri Johannis venit
ad magnam viam, qua itur in villam .....kol et ibi sunt tres mete terre, que
distinguntur terram ipsius magistri Nicolai ab una parte, [et terram eiusdem]
magistri Johannis ab alia parte, et terram Johannis filij Pauli a tercia parte,
abhinc vadit in ea[dem] vicinitate terre Johannis filij Pauli ad unam antiquam
metam [terre]am ab oriente ipsius [vie .....] in eadem via per silvam eundo
venit ad duas metas terreas antiquas iuxta ........ ab occidente eundo in eadem
via continue venit ad ..... metam terream ab oriente ..... ex eundo de eadem
silva venit ad quendam puteum Egerkuta dictum pro meta signatum et ... vicinitate
terre Johannis filij Pauli terminatur ab alijs vero ........ partibus possessioni
eiusdem magistri Nicolai dixerunt vicinasse. In cuius rei testimonium perpetuamque
firmitatem ad peticionem partium presentes litteras nostras concessimus sigilli
nostri maioris munimine roboratas. Actum undecimo kalende aprilis, anno dominice
incarnationis Mo [CCC] XXo quinto. Datum per manus magistri Johannis lectoris
ecclesie nostre discretis viris Paulo cantore, Gregorio custode, Petro decano
alijsque quam pluribus ibidem deo devote famulantibus.
1325.
05. 29. (Dl.38679)
Nos capitulum Quinqueecclesiense damus pro memoria, quod cum secundum continenciam
litterarum magnifici viri comitis Alexandri iudicis curie domini regis feria
quarta proxima post festum Penthecostes inter Nicolaum et Corardum, filios Jacobi
filij Corardij ab una parte, Michaelem, Dokou et Deseu, filios Ladislai ab altera
per probos viros in predictis iudicis litteris contentos coram nobis arbitrium
fieri debuisset, tamen in feria secunda proxima ante predictam quartam feriam
partes coram nobis comparentes assumpmentes ipsum arbitrium et volentes fieri
in ipsa secunda feria coram homine nostro, scilicet magistro Johanne socio et
concanonico nostro ad hoc specialiter per nos destinato, qui unacum predictis
arbitratoribus ad nos reversus nobis dixit, quod dum ydem arbitratores inter
ipsas partes arbitrium posuissent seu fecissent, predicti filij comitis Jacobi
arbitrium predictorum arbitratorum omnino assumpsissent, pars vero adversa,
scilicet filij Ladislai nolentes arbitrium illorum, scilicet proborum virorum
assumpmere seu acceptare recessissent, sed tamen propter maiorem cautelam et
certitudinem cause ipsorum usque predictam quartam feriam ipsos filios Ladislai
ijdem filij Jacobi expectaverunt coram nobis propria in persona; qui quidem
filij Ladislai postmodum non venerunt, nec aliquem pro se miserunt ad faciendum
arbitrium antedictum. Datum in quarta antedicta anno Domini Mo CCCo XXo quinto.
1325.
09. 27. (Dl.2260)
Nos capitulum Quinqueecclesiense memorie commendantes significamus quibus expedit
universis, quod magister Stephanus filius Gabriani de Kubli unacum magistro
Johanne filio Gregorij de genere Zenthemaguch conmetaneo suo in nostri presentia
personaliter constituti medietatem cuiusdam possessionis seu Kethel vocate terris
metis infrascriptis distinctam et separatam cum medietate patronatus ecclesie
Beate Margarethe virginis ex permissione et bona voluntate eiusdem magistri
Johannis commetanei sui Cosme filio Benedicti de Kupi genero suo personaliter
astanti viginti marcis prius ab eodem, sicut dixit, plene receptis confessus
est se vendidisse sibi et per cum suis heredibus heredumque suorum successoribus
iure perpetuo et irrevocabiliter possidendam, habendam et tenendam, mete autem
eiusdem terre hoc modo distingi dixerunt, quod prima meta a plaga occidentali
prope dictam ecclesiam sub dumo ilicis est terris cumulata, abhinc procedit
versus orientem contra ecclesiam, et cadit ad quandam magnam viam, que procedit
per eandem villam, et in eadem via vadit versus plagam meridionalem usque ad
finem eiusdem ville et ibi terra quandam semitam, que cursit ipsam viam per
modum crucis est una meta terrea, abhinc in ipsam semitam vertit se versus orientem
et vadit ad quendam locum et circa eundem iuxta ipsam semitam in duabus arboribus
ilicis est una meta terrea, abhinc reliquendo ipsam semitam vadit versus orientem
ad quendam monticulum Thoumal dictum et ibi quandam arborem piri est una meta
terrea, abhinc descedendo de eodem monticulum versus septemtrionem cadit in
quandam semitam et in eadem semita vadit ad quondam molendinum in rivulo, qui
ruit de Kubli et idem rivulus descedendo separat ipsam terram a possessionibus
magistri Johannis antedicti et sic terminatur; presentes autem privilegio nostro
promisimus confirmare quantumque nobis fuerit reportate. Datum feria sexta proxima
ante festum Beati Mychaelis archangeli, anni Domini Mo CCCo vigesimo quinto.
1325.
10. 06. (Dl.86975)
Nos capitulum Quinqueecclesiense memorie commendamus, quod magister Egidius
de Beche ab una parte et Stephanus zulga dictus ab altera coram nobis personaliter
constituti confessi sunt viva voce, quod super omnibus nocumentis, dampnis,
iniurijs et quibuslibet articulis causarum motis et habitis inter eos usque
modo sive ad datum presentium per compositionem proborum virorum mutuo sibi
et in invicem satisfacientes ad perpetue pacis devenissent unionem, reddentes
se super premissis omnibus absolutus penitus et expeditos coram nobis. Datum
in octavas festi Beati Mychaelis archangeli, anno Domini Mo CCCo vicesimo quinto.
1325.
10. 18. (Dl.67693)
Nos capitulum Quinqueecclesiense memorie commendamus, quod Stephano et Nicolao
filijs Jacobi filij Ambrosij pro se et pro magistro Johanne ac Matheo fratribus
suis carnalibus ab una parte, item Laurencio et Andrea filijs Johannis de Geredey
similiter pro se et pro Philippo ac Matheo fratribus ipsorum carnalibus nec
non pro Stephano et Beke filijs Stephani ab eodem Geredey ab altera coram nobis
personaliter constitutis propositum extitit per eosdem, quod super vulneracionem
predicti Stephani per ipsos Stephanum et Nicolaum filios Jacobi causaliter vulnerati
mediantibus probis viris taliter inter se concordassent, quod partes sex probos
viros, scilicet Hectorem, Paulum filium Johannis et Beke filium Lonoeti, ydem
filij comitis Jacobi, item Stephanum filium Leonardy, Nicolaum filium Alexi
et Paulum, ydem filij Johannis de Geredey adducere tenebuntur et coram homine
nostro Quinqueecclesiis in octavis Beati Nicolai confessoris nunc venientis
secundum proposicionem parcium super facto ipsius vulneracionis ijdem nobiles
arbitrabunt inter partes tali obligacione mediante, quod si ydem filij comitis
Jacobi de arbitrio dictorum nobilium resilirent in toto vel in parte extunc
predictis Stephano et Beke quindecim marcas solvere tenerentur. Si vero idem
Stephanus et Beke idem arbitrium non assumpmerent vel assumpmere non curarent,
ut premittitur, extunc similiter ydem filij Johannis de Geredey ipsas quindecim
marcas eisdem filijs commitis Jacobi pro eisdem solvere tenerentur, ut assumpserunt
coram nobis, nichilominus easdem partes assumpmentes, quod si qua pars partem
alteram medio tempore, scilicet usque ad octavas ipsius Beati Nicholai confessoris
ad presenciam alicuius iudicis super facto ipsius vulneracionis citare vel in
litem trahere nitteretur, similiter in supradictis quindecim marcis contra partem
alteram convinceretur eo facto, et insuper ad presenciam cuiuscunque iudicis
liberam habebit citandi facultatem hoc non pretermisso, quod idem Beke dixit
et assumpsit pro se et pro predicto Stephano fratre suo firmiter obligando,
quod si de arbitrio predictorum nobilium resilire vel assumpmere non curarent,
extunc viginti marcas ante litis ingressum eisdem filijs Johannis de Geredey
solvere tenerentur. Datum feria sexta proxima post festum Beati Galli confessoris
anno Domini Mo CCCo XXo quinto.
1325.
11. 24. (Df.261443)
Nos capitulum ecclesie Quinqueecclesiensis memorie commendantes significamus
tenore presentium, quibus expedit universis, quod magnificus baro dominus Demetrius
magister thawarnicorum domini regis, comes Trinchiniensis et Bachiensis in nostri
presentia personaliter constitutus confessus est oraculo vive vocis, quod ipse
unum mancipium sui Keresiam vocatum cum filijs et filiabus suis, item unam vineam
suam Genchi vocatam in possessione sua Nekche vocata existentem dedisset, donasset
et donavit coram nobis (domine filie sue) Katerina vocate consorti magistri
Laurencij filij comitis Nicolai Bakou dicti, sibi et per eam suis heredibus
heredumque suorum successoribus iure perpetuo et irrevocabiliter possidenda,
habenda et tenenda, presentes autem privilegio nostro promisimus confirmare
dum nobis fuerint reportate; Datum die dominico proximo post festum beate Cecilie
virginis, anno domini Mo CCCo XXo quinto.
1326.
06. 13. (Dl.67695)
Nos capitulum Quinqueecclesiense memorie commendantes significamus tenore presencium
quibus expedit universis, quod Jacobus et Thomas filij Johannis filij Roman
de Nogwagh ad nostram personaliter accedens (sic) presenciam quandam possessionem
ipsorum hereditariam Romanfolde vocatam in Wrman existentem sub metis et terminis
in privilegialibus litteris honorabilis viri domini Pauli prepositi quondam
ecclesie nostre Quinqueecclesiensis bone memorie contentis coram nobis exhibitis
plenius vidimus contineri cum omnibus utilitatibus suis et pertinencijs universis,
tunc racione proximitatis, tunc etiam decem marcis denariorum Stephano et Beke
filijs Stephani Geredey prius plene habitis et receptis ab eisdem sicut dixerunt
confessi sunt se vendidisse sibi et per eos eorum heredibus heredumque suorum
successoribus iure perpetuo possidendas (sic) et habendas (sic). Datum feria
sexta proxima post festum Beati Barnabe apostoli, anno Domini Mo CCCo vicesimo
sexto.
1326.
06. 27. (Dl.67696)
Excellentissimo domino eorum Karolo Dei gracia illustri regi Hungarie capitulum
Quinqueecclesiense oraciones in Domino. Receptis litteris excellencie iuxta
tenorem earundem cum Stephano filio Blsey homine magnitudinis vestre hominem
nostrum Bartholomeum sacerdotem de Sancto Rege ad exequenda infrascripta pro
testimonio transmisimus, qui postmodo ad nos reversi nobis communiter dixerunt,
quod ipsi in festo Beati Barnabe apostoli magistrum Johannem, Stephanum et Nicolaum
filios Jacobi filij Ambrosi et ad eosdem proponentes a percepcione omnium utilitatum
terre Rumanfeuldij vocate verbo celsitudinis vestre prohibuissent. Datum in
festo Beati Regis Ladislay, anno Domini Mo CCCo XXo sexto.
1326.
11. 06. (Dl.67697)
Nos capitulum Quinqueeccelesiense memorie commendamus, quod Andrea filius Johannis
de Geredey pro se et pro Matheo, Philpus, Laurencio fratribus suis carnalibus
ab una parte, Beke filio Stephani de eadem Geredey similiter pro se et pro Stephano
fratre suo carnali ab altera coram nobis personaliter constitutis propositum
extitit per eosdem et relatum, quod ipsi mediantibus et componentibus probis
viris super omnibus nocumentis, dampnis, iniurijs, lesionibus, vulneribus effusionibus
sanquinis et alijs omnibus quibuslibet antedictis causarum motis et habitis
inter eos et inter predictos fratres ipsorum usque modo sive usque ad datum
presentium mutuo sibi et in invicem satisfacientes ad perpetue pacis devenissent
unionem reddentes se in invicem super premissis omnibus absolutos et penitus
expeditos coram nobis assumpsit idem Andreas firmiter obligando, quod quicunque
ex predictis fratribus suis eosdem filios Stephani super premissis omnibus in
litem trahere vel quoquomodo molestare nitteretur, extunc ipse eisdem filijs
Stephani viginti marcas solvere teneretur, econverso autem idem Beke assumpsit
similiter obligando se quod quicunque predictus Stephanus frater suus eosdem
filios Johannis super premissis in litem trahere vel aliqualiter molestare niteretur,
extunc ipse eisdem filijs Johannis similiter viginti marcas solvere teneretur,
ut assumpserunt coram nobis. Datum feria quinta proxima ante octavas Omnium
Sanctorum, anno Domini Mo CCCo XXo sexto.
1327.
12. 23. (Dl.86992)
Nos capitulum ecclesie Quniqueecclesiensis damus pro memoria, quod anno Domini
Mo CCCo XXmo septimo feria quarta proxima ante festum Nativitatis Domini magister
Egidius frater magistri Emerici de Beche castellani de Lewa ad nostram personaliter
accedens presenciam vice et nomine ipsius magistri Emerici et filiorum eiusdem
per modum protestacionis nobis dixit, quod Nicolaus filius Kompoldij de Wossor
quandam possessionem ipsius magistri Emerici et filiorum eiusdem Look vocatam
in comitatu de Barana iuxta possessiones episcopales prope Danobium existentem
sub nostro testimonio coram homine domini regis reambulassent ipsis magistro
Emerico et filijs suis ignorantibus et magistro Johanni filio comitis Logrety
comiti de Barana cum omnibus suis utilitatibus statuissent, unde cum eandem
possessionem eisdem magistro Emerico et filijs suis per collacionem domini nostri
domini regis pertinere dixissent predictum Nicolaum filium Kompoldij a statucione
et perpetua commune et prenominatum magistrum Johannem ab occupacione et alienacione
predicte possessionis Look vocata inhibuit contradicendo et contradixit inhibendo
coram nobis pro eo etiam, quod quidam sacerdotis capelle de villa Feldwar in
die reambulacionis dicte possessionis ipsam possessionem domini sui magistri
Emerici et filiorum suorum esse asseruissent pro eo etiam, quod cum quandam
villicus ipsius magistri Emerici coram nobis eosdem prohibere voluissent predictus
Nicolaus filius Kompoldij extracto cutello fixorali eundem efugasse. Datum die
et anno prenotatis.
1327.
00. 00. (Df.259831)
Nos capitulum Quinqueecclesiense, damus pro memoria, quod Saldenus filius magistri
Sermoni vice et nomine magistri comitis camere domini regis in nostri presencia
personaliter confessus est oraculo vive vocis, quod magistri Nicolaus et Corrardus
filij comitis Jacobi de presenti collectam, quam iuxta tenorem litterarum domini
regis sui super centum mansiones duodecim marcas posuerunt de omnibus possessionibus
ipsorum ubicumque existentibus eidem comiti camere domini regis omnimodam satisfactionem
inpendissent reddens eosdem filios Jacobi et omnes ad ipsos pertinentes super
predicta collecta et p................ exemptos penitus et expeditos coram nobis.
Datum feria sexta proxima post festum Beati ...............anno Domini Mo CCCo
XXo septimo.
1328.
11. 14. (Dl.50551)
(S)tephanus prepositus et capitulum ecclesie Quinqueecclesiensis omnibus Christi
fidelibus tam presentis, quam futuris presens scriptum cernentibus salutem in
omnium Salvatore, ad universorum noticiam tenore presencium volumus pervenire,
quod Dominicus filius Bene nobilis de Dennaberke ad nostram personaliter accedens
presenciam exhibuit nobis quasdam litteras nostras patentes non cancellatas
non abrasas nec in aliqua sui parte viciatas petens nos cum instancia, ut tenorem
predictarum litterarum nostrarum presentibus inseri et sigillo nostro faceremus
sigillari. Nos igitur peticionibus eiusdem inclinati tenorem dictarum litterarum
nostrarum de verbo ad verbum presentibus inseri et sigillo nostro fecimus sigillari
cuius tenor talis est:...lásd Baranyai helytörténetírás .......... In cuius
rei testimonium perpetuamque firmitatem presentes litteras concessimus sigilli
nostri munimine roboratas. Actum mense novembri decimo Idus eiusdem mensis,
die Lune, anno ad incarnacionis Domini Mo CCCo XXmo octo discretis viris Nicolao
cantore, Petro custode, Laurencio decano ceterisque quam pluribus ibidem Deo
devote famulantibus.
1329.
08. 06. (Dl.67701)
Nos capitulum Quinqueecclesiense memorie commendamus, quod magistro Laurencio
filio Johannis de Gerede pro se et pro magistro Philippo fratre suo carnali
ac alijs fratribus suis ab una parte, et Dionisio filio Purbuzlo de eadem similiter
pro se et pro Nicolao, Mychaele fratribus suis et pro Paulo ac Henk filijs Jacobi
fratris sui patruelis, item Laurencio filio Kemen pro se et pro Nicolao fratre
suo carnali, item Thoma filio Pauli nobilibus de eadem ab altera coram nobis
personaliter constitutis per predictum magistrum Laurencium vice sua et vice
fratrum suorum propositum extitit et relatum, quod ipsi de illa possessione,
quae est in predicta Geredey ab meridie, quam magister Nicolaus comes uduarnicorum
domini regis condicionaria possessione ipsius domini regis recaptivavit, si
secundum formam iuris eorum hereditariam esse(t) obtinere poterint, extunc porciones
eorundem predictorum nobilium omnium, quas esse in ipsa terra affirmabant, eisdem
ex integro restituerent pleno iure et permitterent possidere pacifice quiete.
Datum die dominica proxima post festum Beati Dominici confessoris, anno Domini
Mo CCCmo nono.
1330.
03. 08. (Df.280221)
Nos capitulum ecclesie Quinqueecclesiensis memorie commendantes significamus
quibus expedit universis, quod cum secundum continenciam litterarum conventus
monasterij Beati Egedij de Symigio inter Mychaelem, Wyzlou et Susuk filios Gregorij
de Wyzlou ab una parte, et Aron filium comitis Jacobi de eadem fratrem eorundem
patruelem ab altera, feria secunda proxima post dominicam qua cantatur Reminiscere
coram homine nostro per partes adducto sub penis decem marcarum per probos viros
arbitrium fieri debuisset, ipso termino adveniente coram magistro Demetrio prebendario
ecclesie nostre per nos ad hoc transmisso, sicut idem homo noster ad nos reversus
una cum predicto Wyzlou pro se et pro fratribus suis et Aron predicto ac Mychaele
filio Dyonisij de iuxta Sibolch uno ex arbitratoribus eorum personaliter retulit
et ydem retulerunt coram nobis, quod ydem filij comitis Gregorij et Aron per
arbitrium proborum virorum taliter inter se concordassent et concordarunt coram
nobis, quod super omnibus nocumentis, dampnis, iniurijs, lesionibus et quibuslibet
articulis causarum motis et habitis inter eos usquemodo sive usque ad datum
presencium mutuo sibi satisfacientes ad perpetue pacis devenisent unionem tali
modo, quod idem Aron totalem porcionem suam propriam, quam in terra Wyzlou in
comitatu de Barana existente et ibidem in villis Dumburou et Tothfolu notatis
habere dignosscitur reliquisset et relinquit coram nobis cum omnibus suis utilitatibus
et pertinencijs predictis filijs comitis Gregorij fratribus suis patruelibus
iure perpetuo et irrevocabiliter possidendam, habendam et tenendam, nil pro
se reservando, pro eo quia iden Aron possessionem eorum sive porcionem quam
in Selizio in Sancto Egedio habebant vel que ipsos communiter tangebat absque
scitu eorundem filiorum Gregorij cum domina sorore eorum tempore contractus
nupciarum Mychaeli filio Demetri tradidisset et perpetuasset, ita videlicet,
quod ydem filij Gregorij eundem Aron racione ipsius terre de Sancto Egidio processu
temporis molestare non possint, sed contra eundem Mychaelem racione ipsius possessionis
Sancti Egidij ydem filij Gregorij actionem liberam habebunt absque contradictione
dicti Aron aliquali alias vero possessiones eorum, videlicet Wyzlou cum suis
pertinentijs in comitatu Symigiensi, Zenthmargyta et Wyfoluu in eodem comitatu
existentes, item porcionem eorum, quam habent in Sibolch iuxta tenorem provilegiorum
ipsorum usque ad octavas diei medy XLe mediantibus probis viris dividunt ad
duas partes et privilegia quelibet eorum ibi exhibere tenentur, quarum quidem
possessionum medietas redit in porcionem filiorum Gregorij predictorum alia
terre vero medietas redit in porcionem Aron antedicti et post hec privilegia
eorum super quatuor possessionibus, videlicet super terra Gathmihalfeulde super
porcione in Sibolch habita, Zenthmihal et Wyfolu notatis tenerentur et assumpserunt
duplicare inter se coram nobis obligavit etiam se idem Aron quod quicunque predictum
Mychaelem filium Demetri sororium suum contra eosdem filios Gregorij in aliquo
adiuvaret vel aliquas litteras contra eosdem pro eodem Demetrio exhiberet in
triginta marcis convinceretur ita tamen, quod si per inquisicionem nostram veritas
super hoc posset suffragari. Datum feria quinta proxima post dominicam Reminiscere,
anno Domini Mo CCCo tricesimo.
1330.
05. 21. (Dl.99921)
Nos capitulum ecclesie Quinqueecclesiensis memorie commendantes significamus
universis quibus expedit presentium per tenorem, quod magister Emericus filius
comitis Aladari ab una parte, et Nicolaus filius comitis Ivanka de Wgaal una
cum Stephano fratre suo pro se et pro Jacobo ac magistro Paulo protonotario
magnifici viri comitis Pauli iudicis curie domini Karoli illustris regis Hungarie
domini nostri fratribus suis uterinis ab altera coram nobis personaliter constituti
per predictum magistrum Emericum propositum extitit coram nobis et relatum viva
voce, quod totalem possessionem suam in terra Moha vocata in comitatu Albensis
existentem et ipsum iure empcionis contingentem cum suis pertinencijs universis,
scilicet terris arabilibus, fenetis, molendino et iure patronatus ecclesie lapidee
in eadem existentis aquarum cursibus ea integritate et iuris plenitudine qua
eadem possessio Moha per comitem Aladarium antedictum primum et postmodum per
ipsum ab antiquo habita extitit et possessa pacifice et quiete prenotatis filijs
comitis Iwanka septuaginta marcis denariorum ponderis Budensis receptis et numeratis
plene coram nobis vendidisse et vendidit in nostri presencia salvo tamen iure
alieno sibi et eorum heredibus heredumque suorum successoribus iure perpetuo
irrevocabiliter et irretractabiliter possidendam, habendam et tenendam et ad
maiorem rei certitudinem privilegium honorabilis capituli Albensis ecclesie,
quo mediante predictam possessionem possedit usquemodo ad manus predictorum
Nicolai et Stephani restituit coram nobis dixit etiam litteras seu instrumenta
si aliqua reservasse vel reservare super possessione antedicta fraudulenter
vel dolose cassatas relinquit et inanes ac iuribus carentes assumpsit etiam
et obligavit se idem magister Emericus, quod quicunque predictos filios comitis
Ivanka processu temporis racione predicte possessionis Moha vocate in causam
traheret vel aliqualiter molestare nitteretur, ipse et sui heredes expedire
tenerentur propriis laboribus et expensis hoc non pretermisso, quod quicunque
eundem magistrum Emericum racione predicte possessionis Moha vocate coram quovis
iudice in causam trahere aut aliqualiter inquietare nitteretur predicti filij
comitis Ivanka per se vel per sufficientem procuratorem eorum in quolibet termino
exhibere ad excusacionem eiusdem magistri Emerici tenerentur privilegium capituli
Albensis ecclesie antedictum vero ijdem magistri Nicolaus et Stephanus pro se
et pro fratribus eorum assumpserunt coram nobis. Datum feria secunda proxima
post festum ascensionis Domini, anno eiusdem Mo CCCo tricesimo.
1330.
07. 30. (Df.259832)
Nos capitulum Quinqueecclesiense, damus pro memoria, quod magister Nicolaus
Loch dictus prebendarius ecclesie nostre, quem nos magistro Johanni de Bonaghunca
comiti camere domini regis ad videndas soluciones cambii presentis monete ipsi
magistro Johanni faciendas concesseramus ad nostram personaliter accedens presenciam
nobis dixit viva voce, quod magistri Nicolaus et Korrardus filij Jacobi filij
Korrardi de omnibus possessionibus ipsorum, scilicet primo de villa Kemed maiori,
item de villa Kemed de sud castro, item de Kemed parva, item de villa Thul,
Namya, item Zederken, item Belwarad, item Jula, item parva Jula, item de villa
Perman, item Holozy, item Hedreh, item Taboodi, item Hashagh, item Chobkuta,
item Lenchekuth, item Lach, item Tadap, item Petre, item Gerat, item Cher, item
de villa Polcyrna, item de istis villis heremitarum Nokfolua et Sancti Ladislay
cambium predicte monete plene et integraliter coram ipso homine .... ipsius
magistri Johannis persolvissent et ipse vice eiusdem domini sui ipsos super
premissis solucionibus ex(peditos) .... reliquisset. Datum secunda feria proxima
post festum Sancti Jacobi apostoli, anno Domini Mo (CCCo) XXXmo.
1331.
06. 07. (Dl.67702)
Nos capitulum Quinqueecclesiense memorie commendamus, quod Stephanus filius
Stephani de Geredey pro se et pro Beke fratre suo carnali ac Stephano filio
Mykou proximo suo ab una parte, et Petrus ac Johannes nec non Deseu filij Pobor
ex altera coram nobis personaliter constituti sunt confessi oraculo vive vocis,
quod ipsi super omnibus nocumentis, dampnis, iniuris, lesionibus, destructionibus
et quibuslibet alijs articulis causarum hinc et inde ipsorum et parentum eorundem
temporibus factis et illatis usquemodo seu usque ad datum presentium mediantibus
et componentibus probis viris mutuo sibi satisfacientes ad perpetue pacis unionem
devenissent reddentes se super omnibus premissis absolutos et penitus expeditos
coram nobis assumpmens predictus Stephanus filius Stephani, quod si predictis
(sic) Beke et Stephanus filius Mykou ipsos filios Pobor hanc pacis unionem non
assumpmentes et racione omnium premmissorum vel pro singulis (et) ipsorum in
causam attraherent, ipse eosdem filios Pobor expedire teneretur proprijs laboribus
et expensis. Datum feria sexta proxima post octavas festi Sancte Trinitatis,
anno Domini Mo CCCo XXXo primo.
1331.
06. 20. (Dl. 67703)
Nos capitulum Quinqueeclesiense memorie commendamus, quod Laurencius et Andreas
filij Johannis de Gerede pro se et pro Filippo fratre eorum uterino ab una parte,
et Stephanus filius Stephani pro se et pro Beke fratre suo ab eadem Gerede ab
altera coram nobis personaliter constituti sunt confessi viva voce, quod ipsi
causam, quam ydem filij Stephani contra predictos filios Johannis movere intendebant,
mediantibus et componentibus probis viris in talem concordiam devenissent, quod
ydem filij Johannis assumpsissent et assumpserunt in presenciarum astando, quod
infra octavas Beati Georgii martiris nunc venturas citatoriam aliquam vel litis
materiam ad presenciam alicuius iudicis movere regni Hungarie simul vel aliquis
ex ipsis persona singularis contra ipsos filios Stephani minime facere possit,
qui si secus fecerint, extunc ante litis ingressum in decem marcis sine porcione
iudicis predictis filijs Stephani persolvendis convincerentur, et insuper citatio
ipsa cassa et Johannis remanere(nt) et ydem filij Stephani, tamquam actores
quamcunque voluerint actionem promendi in figura ipsius iudicis, ad cuius presenciam
fuerint citati, contra predictos filios Johannis liberam haberent facultatem.
Datum feria quinta proxima ante festum nativitatis Beati Johannis Baptiste,
anno Domini Mo CCCo XXXmo primo.
1331.
09. 10. (Dl. 67704)
Nos capitulum Quinqueecclesiense memorie commendamus, quod Stephanus filius Stephani
de Geredey pro se et pro Beke fratre suo carnali ab una parte, Nicolaus filius
Herranth et Johannes filius Chabaka ex altera coram nobis personaliter constituti
proposuerunt oraculo vive vocis, quod ipsi super omnibus nocumentis, dampnis,
iniurijs, lesionibus super facta possessionis Romanteluke vocate in Wrman habite
et alijs omnibus et quibuslibet causarum articulis motis et habitis inter ipsos
usque modo et usque ad datum presencium mediantibus et componentibus probis viris
mutuo sibi satisfaciones ad perpetue pacis unionem devenissent reddentes se super
omnibus premissis ............. et per omnia absolutos coram nobis, dixerint etiam
Nicolaus et Johannes prefati, quod eosdem filios Stephani in commetaneitatem et
vicinitatem super facto possessionis Romanfeulde prefate et ipsorum heredes recepissent
et plenam distinctionem eiusdem possessionis inter se et eosdem filios Stephani
haberent probis viris mediantibus. Datum tercio die post festum nativitatis Beate
Virginis, anno Domini Mo CCCo XXXo primo.
1332.
06. 22. (Dl.97863)
Nos capitulum Quinqueecclesiense memorie commendamus, quod anno Domini Mo CCCo
XXXo secundo secundo diei qundenis festi Penthecostes Petrus filius Abel de
Zeuleus de comitatu de Budrug ad nostram personaliter accedens presenciam per
modo protestacionis nobis dixit, quod magister Cykou iuvenis aule regie maiestatis
possessionariam porcionem suam in predicta villa Zeleus habitam unacum homine
domini regis et sub nostro testimonio reambulasset et sibi stauere procurasset
in preiudicium et maximum dampnum ipsius Petri non modicum gravamen, ut dicebat,
unde ipse eundem magistrum Cikou non a reambulacione, sed ab occupacione et
predictum hominem domini regis a statucione, perpetuacione ipsius possessionarie
porcionis in facie eiusdem possessionis coram eodem homine nostro, videlicet
magistro Paulo inhibuisse contradicendo, sicut idem homo noster nobis retulit
viva voce et etiam contradixit inhibendo coram nobis. Datum die et anno prenotatis.
1333.
03. 20. (Df.250386)
Nobili viro et honesto comiti Paulo iudici curie domini regis capitulum Quinqueecclesiense
paratam amiciciam cum honore litteras vestre nobilitatis in hec verba noveritis
nos recepisse discretis viris amicis suis capitulo Qunqueecclesiensi comes Paulus
iudex curie domini regis sincere reverencie continuum incrementum noverit vestre
discrecionis amicicia, quod cum secundum continenciam priorum litterarum nostrarum
modum et formam iudicarie deliberacionis nostre exprimencium Stephanus et Beke
filij Stephani de Gerede actores Philippus, Laurencius et Andreas filij Johannis
de eadem Gerede in causam attracti quandam possessionariam porcionem in dicta
possessione Gerede a parte meridiei prope Mekche existentem ac aliam possessionariam
porcionem terre eandem terram Gerede et inter fluvium Keuruswyze vocatum sitam
iuxta cursus metarum in vestris litteris privilegialibus patentibus per ipsos
filios Stephani exhibendis repertarum per homines domini regis presentibus vetris
testimonijs in quindena Beati Jacobi apostoli proxime preteritis reambulari et
contradictores, si qui exceptis prefatis filijs Johannis fierent, contra prefatos
filios Stephani citari facere seriemque ipsius totalis exequcionis ad octavas
festi nativitatis Beate Virginis in vestris litteris nobis reportare debuissent
ipsius, quod reportati seriey discussio Paulo filio Jacobi in causam contra prefatos
filios Stephani attracto ad octavas Beati Martini confessoris prorogatha extitisset
ipsis, octavis Beati Martini occurentibus prefato Stephano filio Stephani pro
se personaliter et pro dicto Beke fratre suo cum procuratoriis litteris vestris
et conventus cruciferorum ecclesie Sancte Trinitatis de Calidis Aquis astante
et prenominato Andrea filio Johannis similiter personaliter pro se et pro dictis
fratribus suis ac Paulo filio Jacobi cum procuratoriis litteris vestris adherente,
quia tenor litterarum vestrarum memoratos filios Stephani actores non iuxta cursus
metarum prout littera instrumentalis eorum distingebat, sed extra ipsarum metarum
distinctiones hominis domini regis vestri testimonia adduxisse explicabat, idemque
Stephanus filius Stephani suo et dicti Beke fratris sui nomine de huiusmodi eorum
perverso processu nullam nobis poterat reddere racionem, ideo ipsos filios Stephani
in nostro iudicio regali ante litis ingressum in termino reportacionis seriei
infrascripte deponendo decrevimus convictus extitisse contra filios Johannis prefatos,
quare vestram amiciciam presentibus petimus diligenter, quod mittatis testimonia
vestra fidedigna in quorum presencia homines domini regis quorum nomina in eisdem
prioribus litteris nostris continentur in octavis medy XLme nunc venturis, scilicet
feria quarta ad faciem dictarum possessionarum porcionum accedant et ea omnia,
que in eisdem prioribus litteris nostris per utrasque partes nobis exhibendis
plenius continentur iuxta continenciam earundem sine diminucione et augmento exequantur
iuris moderamine congruente si partes nequirent reformari et posthac seriem omnium
premissorum ad octavas beati Gregorij martiris nunc venturas nobis rescribatis,
ut visa serie premissorum tam inter ipsas partes quam dictum Paulum filium Jacobi
iudicium et iustitiam facere valeamus iuris moderamine congruente. Datum in Wyssegrad
octavo octavarum Beati Martini confessoris predictarum, anno Domini Mo CCCo XXXmo
secundo; Nos igitur vestre nobilitatis peticionibus inclinati una cum Fynta filio
Salamonis et Nicolao filio Karuli hominibus regie maiestatis duos ex nobis viros
ydoneos, Nicolaum et Stephanum magistros socios et concanonicos nostros ad premissa
exequenda pro testimonio duximus transmittendos, qui demum ad nos reversi nobis
concorditer retulerunt, quod prefati filij Stephani et filij Johannis de Geredey
antedictis octavis medy XLme super predictis duabus possessionariis porcionibus
in predicta Gerede habitis presente dicto nostro testimonio et multorum proborum
et nobilium virorum amicabili composicione interveniente pacem inter partes reformante
predicte partes propter bonum pacis et perpetue concordie unionem necnon super
alijs omnibus iniurijs, dampnis et nocumentis ac aliorum hinc inde malorum gravaminum
illacionis usquemodo processis ad perpetue concordie unionem devenissent et devenerunt
coram nobis, causa vero predicti Pauli filij Jacobi cum predictis filijs Stephani
de Geredey pendet iuxta tenorem vestrarum litterarum predictarum, qui ad concordie
unionem devenire nequivissent. Datum sabbato proximo ante dominicam Iudica, anno
Domini Mo CCCo XXXo tercio.
1333.
07. 14. (Df.250386)
Nos capitulum Quinqueecclesiense memorie commendamus, quod nobilis domina Elena
vocata filia Petri filij Keme de Gara relicta Nicolai filij Ders de Kukenus una
cum duobus filijs suis scilicet Benedicto et Johanne parvulis ad nostram personaliter
accedens presenciam predictam possessionem eorum Kukenus in comitatu de Budrugh
existentem cum ecclesia lapidea in honore Beati Nicolai confessoris in eadem constructa
ac alijs omnibus utilitatibus et pertinencijs universis, videlicet terris arabilibus,
silvis et locis sessionalibus nec non alijs omnibus utilitatibus ad eandem spectantibus
magistro Thuteus filio Emerici de Bechey quinquaginta marcis denariorum banalium
prius plene habitis et receptis ab eodem ut dixerunt confessi sunt se infra octavas
festi Omnium Sanctorum nunc venturas pignori obligasse in eisdem octavis pro eadem
pecunie quantitate redimendam coram nobis tali obligacione mediante, quod si ipsis
octavis advenientibus dicta domina cum filijs suis predictis dictam possessionem
eorum predicta pecunie quantitate ab eodem magistro Thuteus redimere non possent
vel non curarent, extunc cum pena dupli elapsis ipsis omnibus redimere tenerentur
possessionem ipsorum (pre)libatam. Datum feria quarta proxima post festum Beate
Margarete virginis, anno Domini Mmo CCCmo XXXmo tercio.
1333.
11. 15. (Df.278622)
Nos capitulum Quinqueecclesiense, damus pro memoria, quod anno Domini Mo CCCo
XXXo tercio secunda feria proxima post festum beati Martini comfessoris Petrus
filius Lucachy nomine et vice magistri Thuteus filij Emerici de Bechey ad nostram
personaliter accedens presenciam extitit nobis protestatus, quod cum nobilis domina
Elena vocata filia Petri filij Kemed de Gara, relicta Nicolai filij Ders de Kukenus
secundum continenciam litterarum nostrarum priorum quandam possessionem eorum
Kukenus vocatam in comitatu de Budrugh existentem a magistro Thuteus predicto,
prout in eisdem litteris nostris per eundem coram nobis exhibitis vidimus contineri,
quinquaquinta marcis denariorum banalium in octavis festi Omnium Sanctorum proxime
preteritis sub penis et obligacionibus in eisdem litteris nostris contentis una
cum Benedicto et Johanne redimere coram nobis debuisset, ipsis octavis advenientibus
nec ipsa domina nec filij sui predicti, ut debuissent, eandem redemissent. Datum
die et anno prenotatis.
1334.
02. 05. (Dl.67707)
Nos capitulum Quinqueecclesiense memorie commendamus, quod Beke filij Stephani
de Geredey pro se et pro Stephano fratre suo uterino ab una parte et Dyonisio
filio Porbozlow de eadem Geredey similiter pro se et pro Nicolao fratre suo carnali
ab altera personaliter coram nobis constitutis idem Beke suo et dicti fratris
sui nomine quandam particulam terre ipsorum arabilis in territorio eiusdem possessionis
Gredey ultra Fyzesd in vicinate terre predictorum filiorum Porbozlou existentis
novem iugera in se habentis et quoddam fenetum in facie eiusdem terre particule
a parte occidentis adiacens et existens cum omnibus utilitatibus suis pertinencijs
universis predictis filiis Porbozlou a data presencium infra revolucionem quinti
anni centum banalibus prius plene receptis ab eisdem sicut dixit confessus est
se pignori obligasse, ita tamen quod antea quandocunque ydem filij Stephani ipsam
terre particulam cum feneto predicto ab eisdem filijs Porbozlou redimere possint,
extunc eisdem filijs Stephani sine difficultate aliquo reddere et restituere tenerentur
filij Porbozlou pretaxati, si vero redimere non possent vel non curarent, tunc
elapsis ipsis quinque annis a prenotatis filijs Porbozlou prenominati filij Stephani
cum duplo redimere tenerentur, ut partes voluerunt. Datum sabbato proximo post
festum purificacionis Virginis Gloriose, anno Domini Mo CCCo XXXmo quarto.
1334.
06. 11. (Dl.99950)
Capitulum ecclesie Quinqueecclesiensis omnibus Christi fidelibus tam presentibus,
quam futuris presens scriptum inspecturis salutem in omnium Salvatore, ad universorum
noticiam harum serie volumus pervenire, quod comite Ladislao filio Martini de
Ond et Paulo filio Isep de Selorond ac filio alterius Isep de Ozuagy ab una parte,
item magistro Ladislao filio Nicolai de genere Karthal procuratore et serviente
magnifici viri domini Mykch bani totius Slavonie cum sufficientibus litteris eiusdem
procuratorijs ab altera personaliter coram nobis constitutis ijdem comes Ladislaus
et Paulus ac Nicolaus quandam possessionem ipsorum Surd vocatam in comitatu Symygyensi
existentem cum utilitatibus suis omnibus et pertinencijs universis, videlicet
terris arabilibus, pratis, pascuis, locis molendinorum, nemoribus alijs utilitatibus
ad eandem pertinentibus et spectantibus eo titulo et iure, quo mediantibus litteris
privilegialibus serenissimi Bele quondam incliti regis Hungarie felicis recordacionis,
necnon Erneij bani et iudicis quondam curie regis Hungarie bone memorie exhibitis
plenius vidimus contineri ad manus patrum suorum predictorum fuisset devoluta
predicto magnifico viro domino Mykch bano quinquaquinta marcis prius plene receptis
et habitis ab eodem sicut dixit confessi sunt se vendidisse sibi et per eum suis
heredibus heredumque suorum successoribus perpetuo et irrevocabiliter ac irretractabiliter
possidendam, tenendam pariter et habendam, nichilominus se firmiter obligando
assumpserunt, quod quandocumque processu temporis per quempiam racione predicte
possessionis ipse dominus banus vel filij sui aut ipsorum heredes modo quolibet
inpeterentur, ipse comes Ladislaus et Paulus ac Nicolaus aut ipsorum heredes in
iudicio et extra iudicium premissa litteras privilegiales in specie exhibere pro
expedicione huiusmodi negocij deberet et tenerentur. Actum tercio ydus junij,
anno ab incarnacione Domini millesimo trecentesimo trigesimo quarto. Datum per
manus magistri Johannis lectoris ecclesie nostre discretis viris Nicolao cantore,
Petro custode, Phillipo decano ceterisque quampluribus ibidem Deo devote famulantibus.
1334.
12. 02. (Dl.67708)
Nos Ladislaus divina miseracione episcopus Quinqueecclesiensis memorie commendantes
significamus tenore presencium quibus expedit universis, quod Dyonisius filius
Benth de Kezew nobilis iobagio ecclesie nostre ab una parte, Andreas filius Blasy
de eadem Kezew famulus noster similiter nobilis iobagio ecclesie nostre ab altera
coram nobis personaliter constituti, idem Dyonisius quandam particulam terre sue
arabilem quinque iugera continentem in teritorio eiusdem ville Kezew adiacentem,
cui a parte meridionali terra Budow filij Budrugh, a parte vero septemtrionali
terra Petus filij Thome, sicut nobis refertur, vicinantur et existunt, pro tribus
pensis denariorum banalium receptis prius plene ab eodem Andrea, sicut dixit,
est confessus eidem Andree festo Beati Andree apostoli proxime preterito incipiens
usque ad aliam revolucionem eiusdem festi annualem pignori obligasse, ita videlicet,
quod si idem Dyonisius usque terminum prenotatum predictam particulam terre ab
eodem Andrea redimere potuerit liberam habebit pro eadem pecunie quantitate redimendi
facultatem, elapso autem ipso termino quandocunque redimere voluerit cum duplo
predicte pecunie redimere tenebitur ab Andrea prenotato. Datum Quinqueecclesiis
tercio die festi prenotati, anno Domini Mo CCCo quarto.
1335.
03. 29. (Df.259840)
Nos capitulum Quinqueecclesiense damus pro memoria, quod anno Domini Mo CCCo XXXmo
quinto feria quarta proxima post dominicam Letare Fundur filius Mark serviens
magistri Nicolai filij Jacobi vice et nomine nobilis domine mariti ipsius magistri
Nicolai domini sui, filie Nicolai filij Jule, sororis magistri Petri de Suklos
ad nostram personaliter accedens presenciam extitit protestatus, quod predictus
magister Petrus de Suklos frater ipsius domine unacum filij suis in omnibus possessionibus
ipsorum ubique locorum existentibus divisionem facere nitteretur et ipsi domine
pro quarto sua filiali de ipsis possessionibus nullam satisfactionem inpendissent.
Datum die et anno prenotatis.
1335.
07. 02. (Df.259841)
Nos capitulum Quinqueecclesiense damus pro memoria, quod anno Domini Mo CCCo XXXmo
quinto die dominico proximo post festum Beatorum Petri et Pauli apostolorum magister
Nicolaus filius Jacobi filij Corrardi ad nostram personaliter accedens presenciam
dixit nobis protestando, quod magister Petrus de Suklos et filij sui, videlicet
Paulus, Stephanus et Nicolaus quandam possessionem ecclesie Sancte Trinitatis
Iwan vocatam et pertinentem ad ipsum vendere, inpignorare et alienare Nicolao
dicto Orrus genero suo nitteretur, unde predictum magistrum Petrum de Suklos et
filios suos antedictos a vendicione inpignoracione et alienacione predicte possessionis
et predictum Nicolaum dictum Orrus ab occupacione eiusdem et quoslibet ab occupacione
racione vicinitatis inhibuit contradicendo et contradixit inhibendo coram nobis.
Datum die et anno prenotatis.
1336.
09. 27. (Dl.67709) Nobilibus viris et honestis amicis ipsorum reverendis magistro
Dominico vicecomiti de Barana et quatuor iudicibus nobilium eiusdem comitatus
capitulum Quinqueecclesiense amiciciam paratam receptis litteris nobilitatis
vestre inquisitorie ac inhibitorijs iuxta earundem continenciam cum Stephano
filio Mykow homine nobilitatis vestre nostrum hominem magistrum Vincentium et
prebendarium ecclesie nostre ad inquirenda et inhibenda infrascripta pro testimonio
transmisimus, qui postmodum ad nos reversi nobis communiter retulerunt, quod
sicut idem homo nobilitatis vestre presente ipso testimonio nostro feria quinta
proxima ante festum nativitatis Virginis gloriose a nobilibus et ab alys libere
condicionis hominibus habita diligenti et fideli inquisitione scire potuisset,
sic scivisset, quod cum Phillippus, Laurencius et Andreas filij Johannis de
Geredey feria tercia proxima ante festum Beate Elyzabeth in terra Stephani et
Beke similiter in eadem Geredey habita tributum exigere seu recipere voluissent,
et ipsi eosdem Phillippum, Laurencium et Andream ab exactione ipsius tributi
prohibere voluissent, ydem Phillippus, Laurencius et Andreas super domum eorum
potencialiter veniendo ipsum Stephanum ictu sagitte wlnerassent, item etiam
prenominati Phillippus, Laurencius et Andrea terram predictorum filiorum Stephani
per distinciones metarum ab ipsis separatam arari fecissent, et quod in loco
domus partes eorum in cymiterio existenti domum idem Andreas conflui fecisset,
item etiam prohibuisset, idem homo nobilitatis vestre presente ipso testimonio
nostro eosdem Phillippum, Laurencium et Andream ab usu eiusdem terre, quam ab
eisdem per distinctiones metarum separatam, ut pretactum est, haberent etiam
ab percepcione usuum fructum seu utilitatem universarum terrarum aliarum ubique
existentium Stephano et Beke predictoris. Datum in festo Cosme et Damiani martirum,
anno Domini Mo CCCmo XXXmo sexto. 1336. 11. 10. (Dl.91275)
Magnifico viro et honesto domino et ammico ipsorum reverendo domino Nicolao
bano de Machov capitulum Quinqueecclesiense amiciciam paratam cum honore receptis
litteris magnitudinis vestre inquisitorijs iuxta earundem etiam cum Nicolao
de Bagdan homine magnitudinis vestre nostrum hominem Borth sacerdotem chori
nostri ad inquirenda infrascripta pro testimonio transmisimus, qui postmodum
ad nos reversi nobis communiter retulerunt, quod sicut idem homo magnitudinis
vestre presente predicto testimonio nostro in octavis festi Omnium Sanctorum
ab omnibus a quibus decuit et licuit scire, potuisset scire et scivisset, quod
Nicolaus de Katha, nepos quondam domini Endre Albensis ecclesie prepositi anno
iam tercio elapso, ante festum Nativitatis Domini duas equas magistri Johannis
filij Pauli socij et concanonici nostri valentes decem marcas ac quatvor boves
de curia sua Quinqueecclesiensi habita abduxisset et postmodum, cum ab eodem
predicta repetere voluisset, idem Nicolaus evaginato gladio una cum famulo suo
Johanne videlicet ad domum suam eundem magistrum Johannem affugasset, et nisi
quidam famulus suus ipsum defendisset, modis omnibus eundem interfecisset et
interficere voluisset. Datum tercio die octavarum festi Omnium Sanctorum predictarum,
anno Domini Mmo CCCmo XXXmo sexto.
1338.
03. 15. (Df.259846)
Nos capitulum Quinqueecclesiense memorie commendamus, quod Tadeus filius Thome
filij Pauli in nostri presencia personaliter constitutus medietatem possessionarie
porcionis sue, in Gunchel habite, cum omnibus suis utilitatibus et pertinencijs
universis, videlicet terris arabilibus, locis sessionalibus, silvis, pratis,
nemoribus et loco unius molendini ac alijs omnibus utilitatibus et pertinencijs
universis ad eandem medietatem possessionarie porcionis sue pertinentibus et
spectantibus magistro Nicolao filio Jacobi de Kemud, similiter personaliter
astanti, pro quinque marcis denariorum banalium, quamlibet marcam cum sex pensis
computando, prius plene habitis et receptis ab eodem, sicut dixit, confessus
est se vendidisse sibi et per eum suis heredibus heredumque suorum successoribus
iure perpetuo et irrevocabiliter possidendam, habendam et tenendam salvo iure
alieno, presentes autem promisimus litteris nostris privilegialibus confirmare
dum nobis fuerint reportate. Datum in dominica Oculi, anno Domini Mo CCCmo XXXmo
octavo.
1338.
06. 12. (Dl.87080)
Nos capitulum Quinqueecclesiense memorie commendamus, quod Cosmas filius Stephani
de Ormand, Petrus et Johannes filij Benedicti de eadem ad nostram personaliter
accedens presenciam sunt confessi oraculo vive vocis, vendicioni possessionum
Hyzlold et Kostand vocatarum per Johannem litteratum de Enche filium videlicet
Petri, magistro Tuteus filio comitis Emerici de Beche facte prebuisse consensum
et assensum ymo prebuerunt coram nobis recipientes ipsum et suos heredes in
ipsorum vicinos universos et commetaneos spontanea voluntate. Datum in crastimo
festi Corporis Christi, anno eiusdem Mmo CCCmo XXXmo octavo.
1338.
06. 21. (Df.273869)
Nos capitulum Quinqueecclesiense memorie commendamus, quod magistro Jacobo dicto
Gender aule regie iuvene ab una, et magistro Stephano filio Beke parte ab altera
coram nobis personaliter constitutis, idem magister Jacobus possessionariam
porcionem suam in Genzche habitam a regia maiestate sibi datam et collatam cum
omnibus suis utilitatibus et pertinencijs universis predicto magistro Stephano
pro viginti quatvor marcis denariorum banalium, marcam quamlibet cum sex pensis
computando, prius plene habitis et receptis ab eodem, sicut dixit, confessus
est se pignori obligasse, ita videlicet, quod quantumque temporis in processu
ipse magister Jacobus dictam possessionariam porcionem suam ab eodem magistro
Stephano pro dicta pecunie quantitate redimere poterit, tunc idem magister Stephanus
eidem magistro Jacobo reddere et restituere cum litteris patentibus regalibus
et privilegio comitis Pauli iudicis curie regie excellencie super predicta possessionaria
porcione eiusdem Jacobi confectis et per eundem Jacobum ad manus eiusdem magistri
Stephani datis et resignatis teneretur, tali obligacione mediante, quod si ipse
magister Stephanus eidem magistro Jacobo dictam possessionariam porcionem cum
litteris predictis ipsius redempcionis non restitueret vel restituere non curaret,
extunc ipsa possessionaria porcio in ius et proprietatem eiusdem Jacobi absque
solucione aliquali seu restitucione pecunie predicte revolveretur, ut antea,
si vero ipse magister Jacobus redimere eandem nollet, sed vendicioni exponeret
aut eandem niteretur alienare nulli alteri nisi predicto magistro Stephano vendere
possit vel alienare, ita tamen, quod partes ad faciem dicte porcionis adducere
tenebuntur probos et nobiles viros communi voluntate electos, qui probi et nobiles
viri coram homine nostro per partes adducendo eandem porcionem possessionariam
estimabunt iuxta ipsorum conscientiam, que si ipsis viginti quatvor marcis fuerit
estimata eo facto perpetuaretur magistro Stephano antedicto, si autem estiomacio
eiusdem porcionis ultra ipsas viginti quatvor marcas se extenderit, tunc illud
quod superfluum fuerit, eidem magistro Jacobo pretactato magister Stephanus
solvere tenebitur plenarie atque refundere. Datum die dominica proxima ante
festum nativitatis Beati Johannis Baptiste.
1338.
07. 14. (Dl.87083)
Stephanus prepositus Quinqueecclesiensis, Colocensis ecclesie electus et totum
capitulum eiusdem ecclesie Quinqueecclesiensis omnibus Christi fidelibus tam
presentibus, quam futuris presens scriptum inspecturis salutem omnium salvatore,
ad universorum noticiam harum serie volumus pervenire, quod Nicolao filio Johannis
nobili de comitatu de Bodrugh ab una parte, item magistro Tuteus filio Emerici
de Bechee ab altera coram nobis personaliter constitutis idem Nicolaus filius
Johannis totalem possessionariam porcionem suam in terra Putha vocatam in comitatu
predicto de Bodrugh habita et sita ipsum titulo quovis et iure attingentem cum
locis sessionalibus, terris arabilibus, fimatis et campestribus ac alijs universis
utilitatibus ad eandem possessionariam porcionem suam pertinentibus et spectantibus
etiam cum iure patronatus ecclesie Sancti Ladislai in eadem Puthe constructe,
quod ipsum de iure in eadem ecclesia Sancti Ladislai attingit, predicto magistro
Tuteus pro viginti quinque marcis denariorum banalium computi Budensis prius
plene habitis et receptis ab eodem, ut astruxit, confessus est se vendidisse
sibi et per eum suis heredibus heredumque suorum successoribus iure perpetuo
et irrevocabiliter ac irretractabiliter possidendam, tenendam pariter et habendam,
absque tamen preiudicio iuris alieni. In cuius rei memoriam perpetuamque firmitatem
presentes litteras nostras privilegiales ad peticionem prefati magistri Tuteus
concessimus sigilli nostri maioris munimine roboratas. Actum secundo idus julij,
anno ab incarnacione Domini millesimo trecentesimo tricesimo octavo. Datum per
manus discreti viri magistri Johannis lectoris ecclesie nostre, discretis viris
magistro Nicolao cantore, Petro custode, vaccante decano ceterisque quam pluribus
ibidem Deo devote famulantibus.
1338.
08. 08. (Df.219450)
Stephanus prepositus Quinqueecclesiensis, Colociensis ecclesie electus et totum
capitulum eiusdem ecclesie Quinqueecclesiensis omnibus Christi fidelibus tam
presentibus quam futuris presens scriptum inspecturis salutem in omnium Salvatore,
ad universorum noticiam harum serie volumus pervenire, quod magister Theutus
filius Emerici de Bechey ad nostram personaliter accedens presenciam exhibuit
nobis quasdam litteras nostras patentes non abrasas, non cancellatas, nec in
aliqua sui parte viciatas super facto inpignoracionis cuiusdam possessionis
Kukenus vocate confectas petens a nobis cum instancia, ut tenorem eiusdem de
verbo ad verbum presentibus transscribi transumptumque in formam et modum nostri
privilegij redigi faceremus et sigillo nostro cum pendenti ad cautelam consignari,
cuius tenor talis est. [...] Nos igitur peticionibus predicti magistri Thuteus
iustis inclinati tenorem dictarum litterarum patencium de verbo ad verbum presentibus
inseri in seriemque in formam et modum privilegij nostri redigi fecimus et sigillo
nostro cum pendenti communiri. Datum sexto idus augusti, anno ab incarnacione
Domini Mo CCCmo octavo. (Datum per manus) magistri (Johanni ) lectoris ecclesie
nostre, Nicolao cantore, Petro custode, Phyllippo decano ceterisque quam pluribus
ibidem Deo devote famulantibus.
1338.
09. 04. (Dl.69959)
Nos capitulum Quinqueecclesiense memorie commendamus tenore presencium significantes
quibus expedit universis, quod Stephanus filius Petri de Suklous ad nostram
personaliter accedens presenciam est confessus viva voce, quod quia magister
Nicolaus filius Ders proximus suus quandam possessionem suam Berke vocatam in
comitatu de Barana in Belkuz existentem, dudum sibi inpignoratam, cum suis utilitatibus
et pertinencijs universis eidem restituisset et resignasset, nunc ipse unam
aliam possessionem suam Chehy vocatam in comitatu de Barana predicto in eadem
Belkuz habitam, que sibi in divisione cum patre et fratribus suis habita extitisset,
devolutam cum omni plenitudine sui iuris ac utilitatibus eiusdem universis specialiter
cum pisscinis et piscaturis, que ad ipsam possessionem dinosscuntur pertinere
predicto magistro Nicolao pro sexaginta marcis denariorum banalium promptorum
marcam quamlibet cum sex pensis computando prius plene numeratis et habitis
ab eodem, sicut dixit, inpignorasset et inpignoravit coram nobis tali modo,
quod quantumque deinceps ipse Stephanus ipsam possessionem Chehy ab eodem magistro
Nicolao pro ipsis sexaginta marcis denariorum promptorum omni estimacione exclusa
redimere poterit, extunc idem magister Nicolaus eidem Stephano reddere et restituere
absque difficultate et ampliori gravimine teneretur, assumpnens insuper idem
Stephanus eundem magistrum Nicolaum pretextu dicte possessionis inpignorate
ab omnibus molestare et inquietare volentibus medio tempore expedire proprijs
suis laboribus et expensis. Datum feria sexta proxima post festum Beati Egidij
abbatis et comfessoris, anno Domini Mmo CCCo XXXmo octo.
1339.
06. 02. (Dl.104483, Dl.100017, Dl.100022)
Excellentissimo domino eorum Karolo Dei gracia illustri regi Hungarie capitulum
ecclesie Quinqueecclesiensis oraciones in Domino litteras vestre serenitatis
patentes honore cum decenti recepimus in hec verba: Karolus Dei gracia rex Hungarie
fidelibus suis capitulo ecclesie Quinqueecclesiensis salutem et gratiam, dicit
nobis magister Pousa comes de Karassow fidelis noster, quod patronatus cuiusdam
monasterij in honore Beati Regis Ladislay constructi in monte Lyuliahegh in
comitatu Symigiensi existentis ac universes possessiones et possessionarie porciones
Johannis filij Pouka fratris sui patruelis dudum iam defuncti, videlicet existentes
et quovis nomine vocate exceptis duabus possessionibus Zeuleus et Keer que racione
dotis et rerum paraphelnalium Johanni filio Gregorij de eadem Zeuleus existunt
devolute ipsius fuissent hereditarie et ad ipsum iure hereditario pertinerent
et deberent pertinere, quod quia idem magister Pousa in varijs nostris et regni
nostri expedicionibus in confinibus regni nostri incessantur et cont..............
editus et occupatus hactenus extitisset et existat ob hoc patronatu dicti monasterij
sui universasque possessiones et possessionarias porciones prefati fratris sui
patruelis ipsum iure hereditario contingentes ab indebite decentoribus per quos
dudum tempore inpacato fuissent occupate requirere nequisset nunc vero premissa
omnia iudiciario ordine in /pristnum/ statum veris reducere et sua iura restaurare
prout per predecessores suos a tempore fundacionis dicti monasterij fuissent
possessa et conservata super quo fidelitati vestre firmiter precipimus per presentes
quatenus vestrum mittatis hominem pro testimonio fidedignum coram quo Jacobus
filius Pasta aule nostre iuvenis vel idem Johannis filius Gregorij de Zeuleus
memorata alio absente homo noster ad locum dicti monasterij accedendo et ad
facies possessionum et possessionariarum porcionum prenotati quondam Johannis
filij Pouka fratris dicti magistri Pousa patruelis convocatisque vicinis et
commetaneis earundem legitime et presentibus recapiat easdem per veras suas
metas et antiquas novas metas ubi necesse fuerit iuxta veteres erigendo recaptivatasque
tam patronatu sepedicti monasterij, quam easdem possessiones et possessionarias
porciones statuat ipsi magistro Pousa et filijs suis exceptis predictis duabus
possessionibus eo iure, quo ad ipsos dynoscuntur pertinere perpetuo possidendas
si non fuerit contradictium contradictores vero si qui fuerint contra eundem
magistrum Pousa ad nostram legitime citet presentiam ad terminum conpetentem
et post hec seriem ipsius facti nobis fideliter rescribatis. Datum in Wysegrad
feria quarta proxima post festum Penthecostes, anno Domini Mo CCCo XXXmo nono.
Nos igitur preceptis vesrte celsitudinis satisfacere cupientes ut tenemur cum
prefato Johanne filio Gregorij homine sublimitatis vesrte nostrum hominem fidedignum,
videlicet magistrum Demetrium dictum de Posoga socium et concanonicum nostrum
pro testimonio transmisimus ad premissa mandata vestre celsitudinis exequenda,
qui idem homo vestre excellencie unacum eodem nostro testimonio ad nos reversi
nobis consona et conformi voce retulerunt, quod ipsi die dominico videlicet
in quindenis festi Penthecostes proxime preteritis accessissent ad predictum
locum monasterij in honore Beati Regi Ladislaji constructi in prefato monte
Lyulyahegh in comitatu Symigiense existentis et ad facies possessionum et possessionarium
porcionum prenotati quondam Johannis filij Pouka fratris videlicet dicti magistri
Pousa patruelis convocatisque vicinis et commetaneis eorundem legitime et presentibus
recaptivassent easdem per veras suas metas et antiquas recaptivatasque tam patronatu
pretacti monasterij, quam easdem possessiones et possessionarias porciones stauissent
ipsi magistro Pousa exceptis predictis duabus possessionibus et etiam quibusdam
alijs duabus possessionarijs porcionibus in eadem Lyulia et Torue habitis eo
iure, quo ad ipsos dynoscuntur pertinere perpetuo possidendas. Datum feria quarta
proxima post predictas quindenas festi Penthecostes, anno supradicto.
1340.
03. 03. (Dl.87101)
Nos capitulum ecclesie Quinqueecclesiensis damus pro memoria, quod anno Domini
Mmo CCCmo quadragesimo feria sexta proxima post diem cynerum Nicolaus de Zapudi
famulus magistri Teuteus in persona eiusdem domini sui nostram personaliter
adeundo presenciam nobis dixit protestando, quod quia Stephanus filius Demeter
et Gregorius ac Peteu filij Laurencii de Tarnuk ipsam possessionem Tarnuk per
iudicariam sentenciam comitis Pauli iudicis curie regie de se ipsis amisissent
et sic eidem comiti Paulo ipsam possessionem de iure deberet unde si ydem Stephanus
et filij Laurencii pro se ipsis eandem rehabere poterunt a comite Paulo antedicto
sinne quodam alio quoniam quoslibet extraneos ab occupacione possessionis predicte
racione vicinitatis et commetaneitatis prohiberet et prememoratus Nicolaus in
persona eiusdem domini per modum protestacionis prohibuit contradicendo et contradixit
prohibendo coram nobis. Datum in die et anno prenotatis.
1340.
07. 28. (Dl.67711)
Nobili viro magistro Paulo vice comiti de Barana amico eorum reverendo capitulum
ecclesie Quinqueecclesiensis paratam amiciciam cum honore receptis litteris
vestris prohibicionalibus iuxta earundem continenciam una cum Stephano filio
Mykour de Tyuadorfolua homine vestro nostrum hominem fidedignum, videlicet Vincencium
sacerdotem ecclesie nostre prebendarium pro testimonio transmissimus ad infrascripta
exequenda qui postmodum ad nos reversi nobis concorditer retulerunt, quod ipse
feria quarta, videlicet in crastino festi Beati Jacobi apostoli proxime preteriti
accessissent ad comitatum Barana et prefatus homo vester presente eodem nostro
testimonio Andree filium Johannis de Gerede super porcione sua possessionaria
in eadem Gerede habita, item comitem Phylpes et Petrum filium Laurencii ab usu
possessionum et porcionum possessionarum Stephani et Beke filiorum Stephani
de eadem Gerede et utilitatum earundem percepcione prohibuissent. Datum quarto
die predicti festi Beati Jacobi apostoli, anno Domini Mo CCCmo XLmo.
1340.
12. 07. (Dl.87113)
Nos capitulum ecclesie Quinqueecclesiensis damus pro memoria, quod anno Domini
Mo CCCo quadragesimo feria quinta proxima post festum Beati Nicolai confessoris
Nicolaus filius Johannis de Sumug dictus famulus magistri Teutus filij Emericy
de Beche pro eodem domino suo ad nostram personaliter accedendo presenciam nobis
dixit protestando quod nobilis domina relicta Stephani filij Deniper item Stephanus,
Nicolaus, Andreas, Cosmas et Mychael filij eiusdem porcionem ipsorum possessionariam
in Ormand habitam in vicinate ipsius domini sui adiacentem Petro filio Nicolai
filij Zonta vendere niterentur et de se ipsis alienare in eiusdem domini sui
preiudicium non modicum et iacturam quam quidem nobilem dominam et filios suos
supradictos ab huiusmodi possessionarie porcionis vendicione et quoquomodo alienacione
pretactum vero Petrum et quoslibet alios ab empcione eiusdem et occupacione
pretactus magister Teteus racione vicinitatis et commetaneitatis prohibuit et
prenominatus Nicolaus in persona eiusdem Domini sui per modum protestacionis
prohibuit contradixit prohibendo coram nobis Datum die et ano prenotatis.
1341.
04. 06. (Df.230372)
Nos capitulum ecclesie Qunqueecclesiensis memorie commendamus, quod Laurencius
filius Pauli et Johannes Elye de Wagh coram nobis personaliter constitutus totales
ipsorum porciones possessionarias in possessionibus Ogteluk, Luazzo et Kereztur
habitas ipsos quovis iure et titulo in eysdem contingentes cum omnibus earundem
utilitatibus et pertinentijs universis magistro Johanne filio Jacobi filij Ambrosij
de Nempty similiter in presentibus astanti pro sexaginta marcis denariorum banalium
marcarum, quamlibet cum sex pensis computando, prius plene habitis ab eodem,
ut asseruerunt et receptis venddidisse /sic/ sunt comfessi oraculo vive vocis
et vendiderunt coram nobis sibi et per eum suis heredibus heredumque suorum
successoribus iure perpetuo et irrevocabiliter possidendas, tenendas pariter
habendas salvis tamen iuribus aliorum in eysdem remanentibus presentes vero
privilegio promisimus comfirmare dum nobis fuerint reportare. Datum in parassceue
Domini, anno eiusdem Mo CCCmo XLmo primo.
1341.
07. 04. (Dl.69960)
Nos capitulum ecclesie Quinqueecclesiensis damus pro memoria, quod Nicolaus
filius Ders coram nobis personaliter constitutus protestando eo modo, quod magister
Petrus frater Gula de Suklous super facto cuiusdam fundi curie cum una vinea
eidem contigua seu vicina quem ipse a magistro Seleberio cive civitatis Quinqueecclesiensis
per quindecim marcis denariorum banalium redemisset taliter se obligasset quod
cum pecunia aliena seu accomodata ab ipso redimeret, non posse recipere aliquali
et licet magister Bartholomeus in persona eiusdem magistri Petri ipsas quindecim
marcas persolvere pro redempcione dictarum civi et viro voluisse tamen quia
ipsa pecunia quindecim marcarum non ipsius magistri Petri sed domini Ladislai
episcopi Zagrabiensis fore dinossceretur .................. ab hoc ipse recipere
nollet pecuniam quindecim marcarum prenotatam. Datum feria quarta proxima post
octavas festi nativitatis Beati Johannis Baptiste, anno Domini Mo CCCo XLmo
primo.
1341.
12. 18. (Df.259833)
Nos capitulum ecclesie Quinqueecclesiensis damus pro memoria, quod anno Domini
Mo CCCo XLmo primo feria tercia proxima ante festum Beati Thome apostoli magister
Nicolaus filius Jacobi de Kemed ad nostram personaliter accedendo presenciam
nobis dixit protestando, quod cum quidam iobagio magistri Mathyus fili Jacobi
filij Ambrosij de quadam possessione sua Geresth vocata, nomine Beke, in quodam
virgulto ad quandam suam villam Hassyagh vocatam pertinenti inter easdem villas
Hassygh et Geresth ac villam Chopkwth abito, ex sua permissione virgas et ligna
sequare voluisset homines similiter magistri Korrardy sui fratris carnalis ex
precepto eiusdem domini ipsorum super ipsum Beke irruendo eundem enormiter verberassent
et suis vestibus ipsum omnino denudassent securem etiam eiusdem abstulissent
in preiudicium suum atque derogamen lite tamen pendente inter ipsum et magistrum
Korrardum prenotatum. Datum die et anno prenotatis.
1342.
06. 21. (Dl.87136)
Excellentissimo domino ipsorum Karolo Dei gracia illustri regi Hungarie capitulum
ecclesie Quinqueecclesiensis oraciones in Domino litteras vestre serenitatis
patentes recepimus honore cum decenti et iuxta earundem continenciam una cum
Stephano de Bachya, quem vestra sublimitatis magistri Teteus et Weyzeus filijs
magistri Emericy de Beche ad citationes, inquisiciones possessionum reambulatione
et prohybiciones ac ad omnia alia que secundum regni nostri consuetudinem in
talibus processibus fieri consueverunt facienda per anni circulum suo concessit
pro pristaldo nostrum hominem Mychaelem sacerdotem chori ecclesie nostre pro
testimonio transmisimus ad infrascripta exsequuenda, qui postmodo ad nos reversi
nobis concorditer retulerunt, quod ipsi sabbato proximo post festum Beati Barnabe
apostoli proxime preterito accessissent, ad quasdam possessiones magistri Petri
filij quondam Herricy bani comitis de Budrugh Zekchu et Dawch vocatas et prefatus
homo vester presente eodem nostro testimonio ipsum magistrum Petrum et jobagiones
eiusdem ac ad ipsum pertinentes universos ab usu quarundam possessionum eorundem
Teteus et Weyzeus magistrorum Helgteluk, Dustelek et Byene vocatarum et utilitatum
ac fructuum earundem percepcione prohibuisset. Datum feria sexta proxima ante
festum nativitatis Beati Johannis Baptiste anno Domini Mo CCCo XLo secundo.
1343.
05. 06. (Df.261443)
Nos capitulum ecclesie Quinqueecclesiensis memorie commendamus, quod magister
filius Nicolaus Laurencij filii Nicolai dicti Bakou ad nost ram personaliter
accedendo presentiam exhibuit nobis quasdam litteras nostras patentes tenoris
infrascripti petens nos precum cum instantia ut easdem ad maiorem sui iuris
cautelam de verbo ad verbum transscribi transscriptasque nostris litteris pacem
petentibus inseri facere dignaremur quarum tenor talis est: Nos igitur peticionibus
eiusdem magistri Nicolai inclinati predictas nostras litteras patentes de verbo
ad verbun transscribi faciendo presentibus nostris litteris patentibus ad cautelam
duximus inserendas. Datum feria tercia proxima post festum invencionis sancte
Crucis, anno domini Mo CCCo XLmo tercio.
1343.
11. 11. (Dl.100013)
Capitulum ecclesie Quinqueecclesiensis omnibus Christi fibelibus presentibus
pariter et futuris presencium noticiam habituris salutem in omnium Salvatore
ad universorum noticiam harum serie volumus pervenire, quod Petrus filius Nicolai
de Soklous, Paulus, Stephanus et Nicolaus filij sui coram nobis personaliter
constituti proponentes sunt confessi oraculo vive vocis, quod ipsi septem curias
iobagionum in possessione seu villa ipsorum Soklous vocata habitas et existentes
Incipiendo de curia Demetri filij Potka per eandem plateam supra versus claustrum
ecclesie Sancte Anne fratrum suprapeliciatorum a parte meridiei cum akonibus
vini tam in Soklous, quam etiam in possessione eorum Chokma vocata, item quadam
tres vineas ipsorum in eadem possessione Chokma adiacentes simul cum uno iobagione
in dicta Chokma existenti, Custode scilicet dictarum vinearum ac quandam piscinam
Vijneteth vocatam prope villam Zenthmyhal circa Drawam existentem cum insulis
iam dicte Drawe ibidem adiacentibus et alijs utilitatibus ac pertinencijs quibuslibet,
videlicet terris, pratis, silvis, nemoribus, locis molendinorum seu territorijs
vinearum sub eisdem metis et terminis, quibus per ipsos usque modo possesse
extitissent et habite, magistro Paulo filio Laurencii dicto Tuz de Pukrij proximo
ipsorum karissimo in satisfactionem iuris quartalis nobile domine relicte condam
Petri bani, vave scilicet ipsius magistri Pauli ob amorem fraterne dilectionis
et per eum suis heredibus heredumque suorum successoribus dedissent, donassent
et tradidissent iure perpetuo et irrevocabiliter possidendas, tenendas pariter
et habendas, ymo dederunt et tradiderunt coram nobis serie presencium mediante.
In cuius rei memoriam firmitatemque perpetuam presentes litteras nostras privilegiales
pendentis et autentici sigilli nostri munimine roboratas duximus concedendas.
Datum actum undecimo die mensis novemberis anno ab incarnacione Domini Mmo CCCmo
XLmo tercio. Datum per manus magistri Johannis lectoris ecclesie nostre socij
et concanonici nostri presentibus hominibus et discretis viris dominis Johanne
cantore, Georgio custode, Demetrio Serimiensi decano ecclesie nostre ceterisque
quam pluribus discretis viris socijs et concanonicis nostris in ecclesia iugiter
deo devote famulantibus et existentibus.
1344.
03. 21. (Dl.87163, Dl.87166)
Excellentissimo domino ipsorumLodovico Dei gracia illustri regi Hungarie capitulum
ecclesie Quinqueecclesiensis oraciones in Domino, noverit vestra excellentia,
quod cum nos litteris magnifici viri comitis Pauli iudicis curie serenitatis
vestre formam sui iudicij exprimentibus honore cum decenti receptis et infradicta
continentibus una cum Phylpus de Gerede et Sebastiano de Balachy hominibus vestris
nostros homines videlicet discretum virum magistrum Johannem de Zekchu dictum
et canonicum nostrum et Vincentium presbiterum prebendarium ecclesie nostre
et sacerdotem altaris Beati Johannis Ewangeliste ad exequendum continencias
litterarum predictarum comitis Pauli iudicis curie sublimitatis vestre, que
inferius exprimentur inter partes infrascriptas transmisissemus ijdem postmodum
ad nos reversi nobis concorditer retulerunt, quod ipsi iuxta continenciam litterarum
predictarum comitis Pauli in octavis diei medy XLme nunc preteritis scilicet
feria quarta ad faciem medietatis cuiusdam possessionis Tuteus vocate in comitatu
de Baranaya exixtentis vicinis et commetaneis eiusdem universis legitime convocatis
illuc convenientibus presentibus Nicolao litterato procuratore Tuteus magistro
ianitorum vestrorum in persona eiusdem domini sui comparante et Mathya filio
Morouth de Pera accedendo reambulassent eadem iuxta directos cursus et limitaciones
metarum in litteris privilegialibus conventus Waradyensis per ipsum Mathyam
filium Morouth in specie inibi exhybitis contentarum et habita reambulacione
eandem medietatem possessionis metis et metarum limitacionibus conclusam seu
circumdatam in eisdem privilegialibus litteris conventus continentis repertam
statuissent ipsi Mathye eo iure quo sibi pertinere dinosscitur perpetuo possidendam
ipsi Mathye eo iure quo sibi pertinere dinosscitur perpetuo possidendam nullo
contradictore eistente nulla pars seu particula extra cursus et limites prescriptarum
metarum in dictis privilegialibus litteris contentarum que ipsum magistrum Tuteus
attingere potuisset remanisset et demum eodem die iuxta continenciam prescriptam
litterarum eiusdem comitis Pauli accesissent ad faciem alterius possessionis
Herend vocate in vicinitate contiqua simul cum predicta possessione Teteus adiacentis
que puondam filiorum Stephani in litteris predictis eiusdem comitis Pauli nominatim
expressorum fuisset similiter vicinis et commetaneis suis universis legitime
convocatis predictis Nicolao litterato procuratore eiusdem magistri Tuteus et
Mathya filio Morouth presentibus eadem consideratis utilitatibus provenientibus
qualitatibus et quantitatibus eiusdem una cum presentibus alijs nobilibus ad
se convenientibus pro sex marcis regni consuetudine requirente estimassent.
Datum in dominica Iudica, anno Domini millesimo CCCmo XLmo quarto.
1344.
05. 30. (Dl.69972)
Nos capitulum ecclesie Quinqueecclesiensis memorie commendamus, quod magister
Sebastianus frater domini Ladislai archyeiscopo Colocensis in persona Stephani,
Nicolai et Ladislai filiorum Petri de Suklos cum sufficientibus litteris nostris
procuracionis coram nobis personaliter constitutus quandam possessionem ipsorum
Palkanya vocatam cum omnibus suis utilitatibus et pertinencijs universis terris
videlicet arabilibus, silvis, pratis et nemoribus pisscinis et pisscinarum piscaturis
ac alijs omnibus utilitatibus ad eandme spectantibus magistro Nicolao filio
Ders similiter personaliter astanti pro viginti tribus marcis computi Budensis
cum quibus se in ipsarum magnis necessitatibus que ad presens inminebat expedivissent
prius plene habitis ab eisdem ut dixit et receptis confessus est, se pignori
obligasse tali condicione mediante, quod extunc quocunque temporis in processu
ijdem magister Sebastianus et filij Petri predicti prenominatam possessionem
pro quantitate premisse pecunie ab eadem magistro Nicolao redimere poterunt
extunc idem magister Nicolaus eisdem magistro Sebastiano et filijs Petri pretactis
absque difficultate et dissimulacione aliquali reddere et restituere tenerentur.
Datum in festo Sancte Trinitatis, anno Domini millesimo CCCmo quadragesimo quarto.
1344.
07. 19. (Df.209158)
Magnifico viro et honesto domino Nicolao regni Hungarie palatino et iudicis
comanorum amico ipsorum reverendo capitulum ecclesie Quinqueecclesiensis amiciciam
paratam debito cum honore litteras vestre magnitudinis recepimus in hec verba:
Amicis suis reverendis capitulo ecclesie Quinqueecclesiensis Nicolaus regni
Hungarie palatinus et iudex comanorum paratam debito cum honore noveritis, quod
Nicolaus litteratus Dominici de Echy ad nostram accedendo presenciam vice et
nomine Nicolai Sebastiani, Harazd et Stephani fliliorum Salamonis de Lok nobis
quasdam patentes litteras nostras minori sigillo nostro consignatas tenorem
et forman quarundam litterarum conventus Saxardiensis super reambulacione et
statucione possessionis Thoty vocate per hominem nostrum sub testimonio dicti
conventus dictis filijs Salamonis nullo contradictore apparente facta et per
ipsum conventum nobis rescripcionales de verbo ad berbum in se continentes presentavit
asserendo, quod licet dicta possessio Thoty iuxta formam litterarum conventus
Saxardiensis predictarum ipsis filijs Salamonis rite et ligitime nullo penitus
contradictore existente statuta tamen quia eadem per Johannem litteratum filium
Petri de Inche adhuc detineretur occupatam pro eo ijdem filij Salamonis ..........
per hominem nostrum sub vestri hominis testimonio in dominium et proprietatem
dicte possessionis Thoty se vellent facere introduci si per quempiam non foret
eis contradictum super quo amiciciam vestram petimus diligenter per presentes
quatenus vestrum mittatis hominem pro testimonio fidedignum coram quo Nicolaus
de Zapud vel Bedeu filius Stephani de Segyur aut Georgius de Zenlovol alijs
absentibus hono noster ad faciem dicte possessionis Thoty vocate accedendo ipsam
convocatis vicinis et commetaneis eiusdem universis specialiterque predicto
Johanne detentore eiusdem presentibus recaptivet et reambulet per veteres suas
metas et antiquas novas metas iuxta veteres si necesse fuerit erigendo reambulatamque
statuat perpetuo possidendam si non fuerit contradictum, contradictores vero
si qui fuerint contra eosdem ad nostram citet presenciam ad terminum competentem
et post hec ipsius possessionarie reambulacionis et statucionis seriem cum cursibus
metarum vel si qui fuerint nominibus citatorum et termino assignato nobis amicabiliter
rescribatis. Datum in Wyssegrad feria secunda proxima post quindenas festi Passce
Domini, anno eiusdem Mo CCCmo XXXXo quarto; Nos igutur peticionibus vestre magnitudinis
obtemperantes una cum predicto Nicolao filio Stephano de Zapud homine vestro
nostrum hominem, videlicet magistrum Georgium canonicum ecclesie Sancti Johannis
Baptiste de castro Quinqueecclesiense pro testimonio transmisimus ad premissa
exequenda, qui postmodum ad nos reversi nobis consona voce retuterunt, quod
ipsi feria sexta, videlicet in crastino festi divisionis apostolorum proxime
nunc preterita accessissent ad faciem prefate possessionis Thoty vocate in comitatu
de Bodrugh existentis vicinis et commetaneis suis universis legitime convocatis
et eisdem ac specialiter domina consorte eiusdem Johannis litterati et filio
suo detentoris eiusdem possessionis Thoty vocate presentibus eandem per veteres
suas metas et antiquas reambulassent reambulatamque et ab aliorum possessionibus
undique distinctam et separatam prefatus homo vestre magnitudinis presente eodem
nostro testimonio prefatis Nicolao, Sebastiano Harazth et Stephano filijs Salamonis
statuissent eo iure quo ad ipsos dinosscitur pertinere perpetuo possidendam
nullo penitus contradictore inibi existente. Datum feria secunda proxima ante
festum Beati Jacobi apostoli, anno supradicto.
1345.
05. 02. (Dl.69962)
Nos capitulum ecclesie Quinqueecclesiensis damus pro memoria, quod anno Domini
millesimo CCCo XLmo quinto feria sexta proxima post octavas Sancti Beati Georgij
martitis Johannes filius Mychaelis de Egry famulus magistri Nicolai domini sui
et Nicolai filij magistri Petri de Soklous ad nostram personaliter accedendo
presenciam per modum protestacionis nobis dixit, quod Stephanus filius prefati
magistri Petri de Soklous quandam possessionem suam Felseunyr vocatam in comitatu
de Barana existentem Ladislao et Dyonisio filijs Stephani Rufi de Vyzlou inpignorasset
et de se alienasset is ipsorum preiudicium et gravamen unde ipse prefatum Stephanum
ab huiusmodi possessionis sue et aliarum vendicione inpignoracione et quoquomodo
alienacione predictos vero Ladislaum et Dyonisium ac quoslibet alios ab empcione
earundem et occupacione ac detencione inhibuit contradicendo et contradixit
inhibendo coram nobis. Datum die et anno supradictis.
1345.
10. 07. (Dl.69964)
Nos capitulum ecclesie Quinqueecclesiensis memorie commendamus, quod Symon filius
Dominici de Kukenesfew in nostra presencia personaliter comparendo totalem possessionariam
suam porcionem in eadem Kukenesfeu habitam ipsum iure hreditario contingentem
videlicet loca sessionalia terras arabiles et campestres fenete et silvas ac
alias utilitates ad eandem spectantes magistro Nicolao filio Ders a data presencium
usque ad revolucionem quinque annorum infra computando pro decem marcis denariorum
banalium quolibet marcam cum quinque pensis computando prius plene receptis
ab eodem sicut dixit pignori obligasse est confsessus et obligavit coram nobis
ita videlicet quod adveniente ipsa quinta revolucione annuali si prefatus Symon
dictam possessionariam porcionem ab eadem magistro Nicolao redimere poterit
extunc idem magister Nicolaus rehabita sua pecunia eidem restituere teneretur
absyue difficultacione aliquali. Datum feria sexta proxima post octavas festi
Beati Mychaelis archangeli, anno Domini Mo CCCo XLo quinto.
1346.
02. 18. (Df.259826)
Nos capitulum ecclesie Quinqueecclesiensis memorie commendamus, quod magister
Nicolaus filius Jacobi filij Corrardi de Kemed ab una et magister Corradus filius
Kemen de Chemen parte ab altera in nostri presencia personaliter constituti
sunt confessi oraculo vive vocis, quod ipsi ob sincere proximitatis dilectionem
et statum ipsorum pacificum in possessionibus ipsorum infrascriptis tale concambium
fecissent quod primo prefatus magister Nicolaus quandam possessionem suam Kapulnassary
vocatam in comitatu Barana habitam cum omnibus suis utilitatibus et utilitatum
integritatibus, videlicet sessionibus, terris arabilibus, fimatis et campestribus,
silvis, pratis et fenilibus ac nemoribus et alijs pertinentijs quibuslibet sub
eijsdem metis et terminis quibus ipse eandem acthenus tenuisset et possedisset
dedisset et tradidisset prefato magistro Corrado filio Kemen et coram nobis
dedit, tradidit et assignavit sibi et per eum suis heredibus heredumque suorum
successoribus iure perpetuo et irrevocabiliter possidendam et tenendam, econverso
autem prefatus magister Corrardus filius Kemen quandam possessionem suam Perman
vocatam in dicto comitatu de Barana existentem iuxta fluvium Houdus adiacentem
apud prefatum magistrum Nicolaum pro sexaginta marcis huc usque habitam similiter
cum omnibus suis utilitatibus, scilicet sessionibus, terris arabilibus, fimatis
et campestribus, silvis, pratis et nemoribus, molendinis et locis molendinorum
cum medietate eiusdem fluvii Hodus ac quodam molendino prope villam Belwar habito
Heukapetermolma dicto sub metis infrascriptis dedisset et tradidisset predicto
magistro Nicolao dedit, tradidit ac contulit coram mobis iure perpetuo et irrevocabiliter
possidendam et tenendam in filios filiorum suorum et heredum per heredes ab
inpetitoribus etiam quibuslibet racione predictarum Kapulnassary et Perman vocatarum
alterutrum defendere assumpserunt et expedire ipsorum proprijs laboribus et
expensis tali condicione mediante, quod si prefatus magister Corrardus filius
Kemen racione predicte possessionis Perman ipsum magistrum Nicolaum et suos
heredes defendere nollet vel non curaret aut non posset extunc predictam possessionem
Kapulnassary cum omni plenitudine iuris remittere et resignari absque dificultate
aliquali si autem prefatus magister Nicolaus filius Jacobi vel sui heredes pretextu
predicte possessionis Kapulnassary ipsum magistrum Corradum filium Kemen vel
suos heredes defendere nollet vel non curaret aut non posset tunc prefatam possessionem
Perman persolutis sibi prius ipsis sexaginta marcis pro quibus sibi pignoricia
extiterat eijdem magistro Corrado et suis heredibus absque gravimine aliquali
remittere teneretur in facto autem cuiusdam alterius possessionis sue Wgh vocate
prope eandem possessionem Perman existentis ydem magister Corradus se et suos
heredes ultronea voluntate taliter obligavit, quod quandocunque ipsis in processu
temporum ipse vel sui heredes predictam possessionem ipsorum Wgh vendere inpignorare
vel per modum concambii aut aliomodo de se alienare vellent extunc nulli alteri
nisi predicto magistro Nicolao vel suis heredibus quoquomodo alienandi haberent
facultatem in triginta marcis absque iuduciaria porcione ante aditum litis persolvendis
convincerentur eo facto si secus facerent in premissis hoc ............... non
obmisso, quod si ipse magister Nicolaus et sui heredes ipsam possessionem Wgh
premisso modo habere nollent vel non possent et hoc predictus magister Corradus
vel sui heredes litteris nostris mediantibus probare possent tunc cuicunque
vellent aut possent sub qualicunque condicione alienare liberam et securam haberent
facultatem ad quod se partes personaliter et ipsorum heredes sponte submisserunt
coram nobis, methe autem ipsius possessionis Perman prout eedem partes retulerunt
hoc ordine procedunt, quod prima metha incipit in arbore Nyrfa prope predictum
fluvium Hodus a parte occidenti inde ad eandem partem eundo venit ad quoddam
Haruk abhinc ad arborem piry Slchuaneurchuek vocatam in quodam Gaukur habitam
deinde ad aliam arborem piry prope magnam viam existentem abhinc in eadem magna
via quasi ad partem aquillonis eundo venit ad arborem Scilfa inde vadit ad Wlghseu
retro Sedfeu habitam ibique terminantur, que quidem methe ad partem aquillonis
seperant (sic) predicto magistro Nicolao ad partem vero meridionalem magistro
Corrardo supradicto presentes autem nostro promisimus confirmare privilegio
dum nobis fuerint reprtate. Datum sabbato proximo ante festum Kathedre Beati
Petri apostoli, anno Domini Mo CCCo XLmo sexto.
1346.
04. 21. (Df.259827)
Nos capitulum ecclesie Quinqueecclesiensis memorie commendamus, quod cum ad
videndam, erectionem et assignacionem novarum metarum cuiusdam possessionis
Perman vocate in comitatu de Barana iuxta fluvium Hodus habite per magistrum
Corradum filium Kemen de Chemen in concambium seu permutacionem possessionis
Kapullnassari in eodem comitatu de Barana existentis mediantibus litteris nostris
exinde confectis magistro Nicolao filio Jacobi de Kemed quam idem magister Corardus
iuxta continenciam aliarum litterarum nostrarum obligatoriarum in quindenis
diei medy XLme preteritis coram nostro testimonio et alys probis viris commetaneis
per partes inibi adducendis facere debebat magistrum Michaelem de Nok dictum
socium et concanonicum nostrum pro nostro testimonio destinassemus idem postmodo
ad nos reversus nobis dixit, quod ipse in prefixo termino unacum predictis partibus
accessisset ad possessionem Perman supradictam, et predictus magistrer Corrardus
coram ipso et predicto magistro Nicolao ac alijs probis et nobilibus viris commetaneis
metas ipsius possessionis Perman erexisset isto modo, quod prima meta incipit
circa predictum fluvium Hodus in rippa eiusdem fluvij in arbore Narpha terris
pro metis de novo cummulata et alia terrea meta de novo erecta ab inde ad partem
occidentalem eundo asscendit quoddam Aruk et de ipso Aruk exeundo venit ad arborem
piri Olthuankurthuel vocatam, terris pro metis de novo cummulatam et aliam metam
terream de novo erectam deinde ad eandem partem currendo venit ad arborem Wodkurthuel
dictam terris pro metis de novo cummulatam et aliam metam terream de novo erectam
inde in vicinitate terre Mathie filij Moroth a parte meridiei eiusdem terre
ad predictam partem occidentalem eundo et ipsam terram currit eundo intrat in
quandam vallem et in eadem valle currendo venit ad duas metas terreas in quodam
Heghur de novo erectas abhinc ad predictam partem eundo in novo virgulto ubi
in exitu eiusdem virgulti venit ad tres metas angulares unam a parte aquilonis
Germektewlfa terris de novo cumulatam aliam a parte meridiei terream et terciam
a parte occidentis similiter terream nostram de novo erectas que quidem mete
preter nostram metam predictam a parte occidentis existentem ad partem aquilonis
separant et distingunt prefato magistro Nicolao ad partem vero meridiem magistro
Corrado supradicto ibique terminantur, presentes autem nostro promisimus confirmare
privilegio dum nobis fuerint reportate. Datum feria sexta proxima ante octavas
festi Pasce Domini, anno eiusdem Mo CCCmo XLmo sexto.
1346.
11. 17. (Df.253147)
Excellentissimo domino ipsorum Lodovico Dei gracia illustri regi Hungarie capitulum
ecclesie Quinqueecclesiensis oraciones in Domino; litteras vestre serenitatis
inquisitorias annulari sigillo vestro consignatas recepimus honore cum decenti
et iuxta earundem continenciam unacum magistro Ladislao filio Laurencii aule
vestre serenitatis milite et homine nostrum hominem, videlicet Cosmas chory
ecclesie nostre sacerdotem ad infrascripta inquirenda pro testimonio transmisimus,
qui postmodum ad nos reversi nobis concorditer retulerunt, quod prefatus homo
vestre celsitudinis presente predicto nostro testimonio in festo Beati Martini
confessoris sicut a nobilibus in comitatu de Vereuche existentibus et ab alijs
status et condicionis hominibus ex utraque parte fluvij Drave existentibus et
specialiter in congregacione comitis ipsius comitatus Vereuche universitati
nobilium de eodem in civitate Vereuche in predicto die celebrata scire potuisset
talem de infrascriptis scivisset veritatem, quod licet (Philippus)* villicus,
cives et universi hospites de Aranyas quasdam possessiones Varalya, Manykfalua
et Buscha vocatas in Berzeulchezengiurgh habitas ad predictam civitatem Aranyas
pertenuisse et pertinere debere asserentes per ipsum et sub nostri hominis testimonio
reambulari et metas erigi ac ad predictam civitatem Aranyas applicari fecerint
et tamen predicte possessiones cum omnibus earum utilitatibus videlicet terris,
silvis, pratis et nemoribus, fluvijs et piscinis ac alijs quibuslibet pertinencijs
magistri Symonis filij Mauricij et progenitorum suorum fuissent et essent hereditarie
et easdem progenitores ipsius magistri Symonis et per consequens ipse usque
ad predictum fluvium Drava absyue omni motu et inquietacione et ut ipsorum ius
hereditarium possedissent et tenuissent et nunquam ad predictam civitatem Aranys
pertenuissent. Datum feria sexta proxima ante festum Beate Elizabet anno Domini
Mo CCCmo XLmo sexto.
1347.
04. 12. (Dl.94419)
Excellentissimo domino ipsorum Lodovicus Dei gracia illustri regi Hungarie capitulum
ecclesie Quinqueecclesiensis oraciones in Domino, litteris vestre serenitatis
recepimus honore cum decenti in hoc verba: Lodovicus Dei gracia rex Hungarie
fidelibus suis capitulo ecclesie Quinqueeclesiensis salutem et graciam dicitur
nobis in personis Lancius filij Beke et domine Anko consortis eiusdem filie
Nicolai filij Joso, quod ipsi in possessionem Monirokerek vocatam in comitatu
Symigiensi iuxta Uylak existentem per eundem Nicolaum filium Iso mediantibus
privilegialibus litteris capituli ecclesie Casmensis ipsis datam mediante homine
nostro regio et vestro testimonio legitime vellent mittere nostre fidelitati
vestre firmiter precipiendo mandamus quatenus vestrum mittatis hominem pro testimonio
fidedignum quo presente Stephanus dictus Bogar vel Egidius filius Petri de Sancto
Gallo aut Paulus filius Domonici de Peturd alijs absentibus homo noster predictos
Lanchius et dominam consortem suam in predictam possessionem Monyurokerek in
presencia vicinorum et commetaneorum eiusdem legitime introducat et eandem per
veteres et antiquas metas eiusdem reambulatam novasque iuxta veteres erigendo
statuat ipsis perpetuo possidendam eo iure, quo ipsos dinosscitur pertinere
si non fuerint contradictum contradictoribus autem si qui fuerint contra dictum
Lanceus ad nostram presenciam ad terminum competentem legitime evocatis et post
hac seriem ipsius statucionis cum cursibus metarum vel nominibus contradictorum
nobis fideliter rescribatis. Datum Bude feria tercia proxima post dominicam
Letare, anno Domini Mo CCCmo XLmo septimo. Nos igitur preceptis vestre serenitatis
obtemperare cupientes ut tenemur una cum predicto Paulo filio Dominici de Peturd
homine vestro nostrum hominem videlicet Nicolaum chori ecclesie nostre sacerdotem
et magistrum altaris Sancti Nicolai martiris ad premissa exequenda pro testimonio
transmisimus, qui postmodum ad nos reversi nobis concorditer retulerunt, quod
prefatus homo vestre celsitudinis presente predicto nostro testimonio feria
sexta proxima post festum Passce proxime preteritum accessissent ad faciem possessionis
Monyurokerek vocate iuxta possessionem Wylak existentem et cum in eandem prefatos
Lancius et dominam consortem suam in presencia vicinorum et commetaneorum et
specialiter magistro Nicolao filij Mychaeli et magistro Petheu filij Petri,
Nicolao magni filio Johannis, Georgio, Mychaelo et Stephano filiorum Mychaeli
filij Arnoldij de iuxta Ramianya ac populis reginalibus de predictam Wylak legitime
introducere et eandem per veteres et antiquas metas eiusdem reambulare et eosdem
Lancius et consorti sue eo iure, quo ad ipsos dinosscuntur pertinere, statuere
voluisset et licet predicti vicini et commetanei ac populi de Wylak personaliter
inibi adherentes ipsam possessionem Monyurokerek ipsorum Lancius et domine consortis
sue fore dixerint et in statucione eiusdem nullo cotradictionis volumine ipsis
obiuaverint, tamen quia populi de predicta Wylak de parte ipsorum absque officiale
eorum et homine reginali quem ipsa domina regina ad separandum universas possessiones
suas in illis partis habitas a possessionibus nobilium specialiter destinasset
se metas extendare non posse dixissent, ideo ipsi ipsam itroductionem et statucionem
commode facere nequivissent alij autem vicini et commetanei metas de ipsorum
a parte extendare promti fuissent et parati. Datum feria quinta proxima ante
quindenam festi Passce Domini supradicti anno prenotato.
1350.
01. 26. (Df.253147)
Excellentissimo domino ipsorum Lodovico Dei gratia illustri regi Hungarie capitulum
ecclesie Quinqueecclesiensis oraciones in Domino litteras vestre serenitatis
maiori sigillo vestro consignatas recepimus honore cum decenti hunc tenorem
continentes. Lodovicus Dei gracia rex Hungarie fidelibus suis capitulo ecclesie
Quinqueecclesiensis salutem et graciam; dicit nobis magister Dominicus filius
Nicolai castellanus de Kukwlleu sua, item Laurencij et Nicolai fratrum item
Stephani filij Gregorij, Beke filij Kurnelij, Dominici filij Petri et Johannis
filij Marcelli proximorum suorum in personis, quod quedam possessio ipsorum
Lews vocata in comitatu de Baranya apud manus ipsorum habita reambulacione et
metarum renovacione indigere quare fidelitati vestre firmiter precipimus per
presentes quatenus vestrum mittatis hominem pro testimonio fidedignum quo presente
Johannes filius Andree de Filgewar vel Demetrius filius Thapaz aut Ladizlaus
filius Andree seu Stephanus filius Benedicti de Lypua alijs absentibus homo
noster ad faciem ipsius possessionis presentibus vicinis et conmetaneis suis
legitime convocatis accedendo reambulet ipsam per veteres suas metas et antiquas
novas iuxta veteres ubi necesse fuerit erigendo reambulatamque et metali renovacione
a possessionibus aliorum distinctam et separatam relinquat ipsam predictis nobilibus
eo iure, quo ad ? ipsos pertinere dinosscitur perpetuo possidendam si non fuerit
contradictum contradictores vero si qui fuerint citet ipsos contra eosdem ad
nostram presenciam ad terminum conpetentem et post hanc totius facti seriem
cum cursibus metarum terminoque assignato ac nominibus citatorum nobis fideliter
rescribatis. Datum in Sebus in terra Transilvana feria secunda proxima ante
octavas Beati Mychaelis archangeli anno Domini millesimo CCCmo XLmo nono. Nos
igitur preceptis vestre serenitatis optemperare cusientes ut tenemur unacum
preicto Johanne filio Andree de Filgewar homine celsitudinis vestre nostrum
hominem, videlicet magistrum Mychaelem dictum Sarkan canonicum ecclesie Sancti
Johannis de castro Quinqueecclesiensi ad premissa exequenda pro testimonio transmissimus
fidedignum, qui postmodum ad nos reversi nobis pari et consona voce retulerunt,
quod prefatus homo vestre celsitudinis presente predicto nostro testimonio sabbato
proximo post festum Beati Andree apostoli nunc preteritum ad faciem dicte possessionis
Lews vocate in dicto comitatu Baranya apud manus prefati magistri Dominici filij
Nicolai castellani de Kukulleu, item Laurencii et Nicolai fratrum, item Stephani
filij Gregorij, Beke filij Kurneli, Dominicij filii Petri et Johannis filij
Marcelli proximorum suorum habite accessisset et eandem convocatis vicinis et
conmetaneis eiusdem legitime universis et presentibus per veras suas metas et
antiquas novas metas iuxta veteres prout serius declaratur erigendo reambulasset
reambulatamque et metali renovacione a possessionibus aliorum distinctam et
separatam reliquisset eandem prenotatis nobilibus eo iure, quo ad ipsos pertinere
dinoscitur perpetuo per eosdem possidendam nulla penitus contradictione existente
mete autem ipsius possessionis Lews, quibus a possessionibus aliorum distinguntur,
prout ydem vestre serenitatis et nostre homines nobis recitarunt hee sunt, quod
inciperet prima meta in quatuor metis terreis angularibus, quarum una a parte
occidentis esset dicte possessionis Lews, alia a parte aquillonis nobilium de
Iwan, et tercia a parte orientis possessionis Bengh, inde iret per bonum spacium
ad partem meridionalem et veniret ad duas metas terreas antiquas inter dumos
Zylbukur habitas, que separant dictam possessionem Lews ad occidentem et possessionem
Bengh ad orientem, ab inde ad eandem plagam meridionalem iret in longitudine
unius iugeris terre, et transiret vallem Ymolasueug dictam, ubi essent due mete
terree antique, quarum una a parte occcidentis esset possessionis Leus, et alia
a parte orientis possessionis Bengh, deinde tenderet per bonum spacium ad eandem
partem meridionalem venit ad duas metas terreas antiquas, quarum una parte occidentis
esset possessionis Lews et alia a parte orientis possessionis Bengh, inde tenderet
ad dictam plagam et veniret ad tres arbores Zylfa terris pro metis cumulatas,
quarum una a parte occidentis esset possessionis Lews a parte meridieij possessionis
Bereffolua, et a parte orientis esset possessionis Bengh, inde ad dictam partem
meridionalem ad unam vallem aquosam, in qua essent due mete terree, quarum una
a parte occidentis esset possessionis Lews et alia apparte meridieij possessionis
Bereffolua, deinde ad eadem partem tendo venit ad duas arbores Zylfa terris
pro metis cumulatas, quarum una a parte occidentis esset possessionis Lews,
et a parte meridieij possessionis Bereffolua, ab inde ad partem meridionalem
iret ad arborem Thulfa Folyohatar dictam circa viam per quam itur de villa Lews
in villam Bengh, deinde ad aliam arborem Thul sub qua esset meta terrea antiqua,
ubi separaretur a conmetaneitate possessionis Bereffolua, ab inde flectitur
versus occidentem, et incipit tenere conmetaneitatem possessionis Bodmer, et
venit ad duas metas terreas antiquas circa lacum Chudum habitas, que ad partem
meridieij separarent dictam possessionem Bodmer ad partem vero septemtrionis
separant possessionem Leus antedictam ibique terminarentur. Datum secundo die
conversionis Beati Pauli apostoli anno Domini Mo CCCmo quinquagesimo.
1351.
08. 16. (Df.261942)
Nos capitulum ecclesie Quinqueecclesiensis omnibus Christi fidelibus presentibus
et futuris presentium noticiam habituris salutem in omnium salvatore, ad universorum
noticiam harum serie volumus pervenire, quod nos litteris excellentissimi proncipis
domini nostri Lodovici Dei gracia illustris regis Hungarie maiori sigillo suo
consignatas recipimus honore cum decenti hunc tenorem continentes, Lodovicus
Dei gracia rex Hungarie fidelibus suis capitulo Quinqueecclesiensi salutem et
graciam, dicitur nobis in personis Laurencij, Dominicy et Nicolai filiorum Nicolai
dicti Bobou, quod quedam possessiones ipsorum Chach et Wylak vocate apud manus
ipsorum habite reambulacione et metarum erectione indigerent, quare fidelitati
vestre firmiter precipiendo mandamus quatenus vestrum mittatis hominem pro testimonio
fidedignum, quo presente Ladizlaus filius Ipolici vel Johannes filius Pauli
de Budmer aut Johannes filius Andree de Harchafalu sive Andreas filius Stephani
de Kasad alijs absentibus homo noster predictas possesiones presentibus vicinis
et conmetaneis earundem reambulet et novas metas iuxta veteres in locis necessarijs
erigat reambulatasque relinquat eisdem iure, quo ad ipsos pertinere dinosscuntur
posssidendas si non fuerit contradictum contradictores vero si qui fuerint citet
eosdem contra ipsos ad nostram presenciam ad terminum competentem et post hanc
seriem ipsius reambulacionis nobis fideliter rescribatis. Datum Bude feria quinta
proxoma post festum divisionis apostolorum, anno Domini millesimo CCCmo quinquagesimo
promo. Nos igitur preceptis ipsius domini nostri regis optemperantes ut tenemmur
unacum precito Ladizlao filio Ipolici homine celsitudinis sue nostrum hominem,
videlicet Johannem chori ecclesie nostre sacerdotem et magistrum altaris Sancti
Ambrosij confessoris ad premissa exequenda pro testimonio transmisimus fidedignum,
qui postmodum ad nos reversi nobis pari et consona voce retulerunt, quod prefatus
homo regie excelencie presente predicto nostro testimonio feria sexta proxima
post festum Beati Laurencij martiris proxime preteritum predictas possessiones
ipsorum Laurencij, Dominicij et Nicolai filiorum Nicolai Chach et Wylak vocatas
in comitatu Baranya existentes vicinis et conmetaneis earundem universis legitime
convocatis et presentibus per veras earum metas et antiquas reambulasset reambulatamque
et ab aliorum possessionibus et possessionarijs porcionibus per cursus metarum
infrascriptarum separatas et distinctas easdem cum omnibus earum utilitatibus
pertinencijs et iuribus universis reliquisset filijs Nicolai supradictis eo
iure, quo ipsis pertinere dinosscuntur possidendas et habendas nullo penitus
contradictore existente, mete autem ipsarum possessionum Chach et Wylak nuncupatarum
principaliter autem terre ipsius possessionis Chach prout ydem homi ipsius domini
nostri regis et nostrum testimonium nobis recitarunt et infrascriptis reportarunt
sic procedunt, quod prima meta terre ipsius possessionis Chach inciperet in
quadam arbore Zylfa abhinc procederet versus septemtrionem et veniret ab arborem
piri Hatarkiuthuel dictam de hinc iret ad unam magnam viam, que diceret de villa
Leus in villam Wengey et in eadem via iret versus ipsam villam Vengey per modicum
spacium inde tenderet ad dictam partem septemtrionalem et curren..... per bonum
spacium veniret ad Teuismege et transiret ipsum Teuismege ad unam metam terream
circa quandam magnam viam Cyzewta dictam existentem et in eadem via per bonum
spacium versus orientem eundo exiret de ipsa via ad duas metas terreas, que
Zeeghatar dicerentur de hinc iret versus septemtrionem per bonum spacium et
veniret ad tres metas angulares, quarum una ad septemtrionem separaret nobilibus
de Wengey alia ad orientem nobilibus de Lyppou et tercia ad meridiem filijs
Nicolai supradictis, inde verteret versus orientem et veniret ad duas metas
terreas ab hinc iret versus meridiem et veniret ad unam vallem, in qua essent
due mete terree, que esset prope viam Kerekhut dictam, quarum una ad septemtrionem
separaret filijs Nicolai supradictis et alia ad orientem nobilibus de Lyppou
et de ipsa valle procedendo transiret predictam viam et iret iuxta quandam aquam
circa quam esset una arbor Almafa, que aqua exiret de fluvio Crassou, ubi terra
Zygetheley nuncuparetur et procederet in meatu ipsius aque veniret directe ad
medium fluvij Crassou et per medium eiusdem fluvij Crassou iret ad septemtrionem
ad arbore Nyarfa abhinc in eodem fluvio Crassou circa insulam Makuszygety dictam
tenderet versus septemtrionem ubi exiret de ipso fluvio Crassou et veniret ad
predictam arborem Zylfa unde inceperant ibique mete terre ipsius possessionis
Chach terminarantur. Item mete ipsarum possessionum Chach et Wylak simul sic
protenderent, quod inciperet prima meta super quandam terra Eregetheufeu vocata
et incideret in quandam viam magnam, que duceret in villam Lyppou et per modicum
spacium currendo veniret ad duas metas terreas ex utraque parte ipsius vie habitas
quarum una ad septemtrionem separaret nobilibus de Lyppou et alia orientem filijs
Nicolai supradictis abhinc in eadem via iret versus predictam villam Lyppou
per bonum spacium et veniret ad unam vallem que esset iuxta predictam viam ab
oriente et in eadem via currendo veniret ad unam metam terream inde tenderet
versus orientem et veniret ad metas terreas, quarum una ad septemtrionem separaret
nobilibus de Lyppou et alia ad meridiem filijs Nicolai supradictis abhinc ad
duas metas terreas, quarum una ad orientem separat nobilibus de Leus et alia
ad meridiem filijs Nicolai prenotatis de hinc procedendo versus .................
transiret unam viam et veniret ad arborem Thulfa, sub qua esset meta terrea,
inde ad unum monticulum qui dicitur Zartetu, ubi esset arbor Kurthuelfa pro
meta assignata inde versus meridiem procedendo veniret ad quadam aquam ( ) dictam
et transiret ipsam aquam ad arborem Nyrfa, que ad septemtrionem separat predictis
filiijs Nicolai et ad meridiem nobilibus de Leus abhinc in eadem aqua currendo
intraret in fluvium Crassou et in eodem fluvio per bonum spacium versus septemtrionem
eundo veniret ad unam unsulam Kumlouszygeth nuncupatam inde de ipso fluvio per
aquam Cer dictam exeundo veniret ad primam metam in ( ) Eregeteufeu habitam
ibique mete dictarum possessionum Chach et Wylak terminarantur. In cuius rei
memoriam firmitatemque perpetuam presentes concessimus litteras nostras privilegiales
pendentis sigilli nostri munimine roboratas. Actum sedecimo kalendis mensis
augusti anno ab incarnacione Domini supradicto. Datum per manus discreti viri
magistri Johannis lectoris ecclesie Quinqueecclesiensis presentibus discretis
viris magistris Nicolao cantore, domino Georgio custode, decano vacante ceterisque
quam pluribus iugiter Deo devote famulantibus et existentibus.
1352.
05. 28. (Dl.87267)
Excellentissimo domino ipsorum Lodovico Dei gratia illustri regi Hungarie capitulum
ecclesie Quinqueecclesiensis oraciones in Domino patentes litteras serenitatis
vestre maiori sigillo vestro consignatas magistro Teutheus magistro ianitorum
vestrorum et comiti Pilisyensi ad faciendas citationes inquisiciones prohibiciones
possessionum reambulaciones et recaptivaciones ac ad alia omnia que iuxta regni
vestri consuetudine talibus in processibus fieri consueverunt facienda per anni
curculum datas recepimus honore cum decenti et iuxta earundem continenciam una
cum Deseu de Boya homine celsitudinis vestre nostrum hominem videlicet magistrum
Demetrium Syrimiensem socium et concanonicum nostrum ad premissa et singula
earundem exequenda pro testimonio transmisimus fidedignum, qui postmodum ad
nos reversi nobis concorditer retulerunt, quod prefatus homo vesrte serenitatis
presente predicto nostro testimonio feria secunda proxima post festum invencionis
Sancte Cruis proxime preteritum a nobilibus comprovincialibuset ab alijs cuiusvis
status et condicionis hominibus palam et oculte scire potuisset talem de infrascriptis
scivisset veritatem quod Nicolaus et Demetrius filij Laurencii de Matachyna
tres jobagiones prefati magistri Teuteus eorum non........ graviter vulnerare
et vulnerari fecisset et silvam, terras arabilis possessionis eiusdem magistri
Teuteus Neguen vocate ad possessionem eorum Kach nuncupatam occupassent occupatisque
uteretur et uti facerent in preiudicium eiusdem magistri Teuteus et gravamen
eius qui idem filios Laurencii et universos jobagiones eorum de predicta Kach
a perceptione et occupacione omnium usuum et utilitatum dicte possessionis Neguen
super predicta possessione Kach legitime inhibuisset et contradixisset. Datum
feria secunda post festum penthecostes, anno domini millesimo CCCmo quinquagesimo
secundo.
1352.
05. 29. (Dl.87268)
Excellentissimo domino ipsorum Lodovico Dei gracia illustri regi Hungarie capitulum
ecclesie Quinqueecclesiensis oraciones in domino patentes litteras serenitatis
vestre maiori sigillo vestro consignatas magistro Teutheus magistro ianitorum
vestrorum et comiti Pilisyensi ad faciendas citationes inquisiciones prohibiciones
possessionum reambulaciones et recaptivaciones ac ad alia omnia que iuxta regni
vestri consuetudinem facienda per anni circulum datas recepimus honore cum dcenti
et iuxta earundem continenciam una cum Deseu de Boya homine celsitudinis vestre
in dictis litteris nominato nostrum hominem, videlicet magistrum Demetrium Vesprimiensem
sociumet concanonicum nostrum ad premissa et singula earundem exequenda pro
testimonio transmissimus fidedignum, qui postmodum ad nos reversi nobis concorditer
retulerunt, quod prefatus homo vestre serenitatis presente predicto nostro testimonio
feria secunda proxima post festum Invencionis Sancte Crucis proxime preteritum
Nicolaum et Laurencium filios Johannis de Bekaturuk ac universos ad ipsos pertinentes
super possessione eorum Zentdemeter vocata a percepcione omnium usuum ad ipsos
et utilitatum possessionis ipsius magistri Theutheus Neguen vocate legitime
inhibuisset contradicendo et contradixisset inhibendo. Datum feria tercia proxima
post festum Penthecostes, anno Domini millesimo CCCmo quinquagesimo secundo.
1353.
08. 07. (Dl.106125)
Excellentissimo domino ipsorum Lodovico Dei gratia illustri regi Hungarie capitulu
ecclesie Quinqueecclesiensis oraciones in Domino patentes litteras serenitatis
vestre maiori sigillo vestro consignatas religioso viro patri Bandono Cornuti
priori ordinis cruciferorum Sancti Johannis Jerosolimitani et fratribus sui
ordinis ad citaciones, inquisiciones, prohibiciones possessionum propriarum
apud manus eorundem existencium reambulaciones et metarum earundem reambulaciones(et)
ad omnia alia que iuxta rengi nostri consuetudinem fieri consueverunt facienda
per anni curculum datas et concessas per officionalem eiusdem fratris Bandoni
nobis exhibitas recepimus honore cum decenti iuxta earundem continenciam una
cum Petro filio Martini de Zabow homine celsitudinis vestre in eisdem litteris
vestris nominato nostrum hominem, videlicet Thomam presbiterum ecclesie nostre
prebendarium et magistrum altaris Sancti Demetrij martiris ad premissa et singula
earundem exequenda pro testimonio transmissimus, qui postmodum ad nos reversi
nobis concorditer retulerunt, quod prefatus homo vestre serenitatis presente
nostro testimonio die dominico proximo ante festum Beati Sexti pape proxime
preteritum Nicolaum filium Dominicy de Zenthlazlou super porcione sua possessionarie
in eadem Zenthlazlou habita ab occupacione terrarum et omni utilitacione possessionis
ipsorum cruciferorum Wdvarhel vocate et quorumlibet usuum et utilitatum eiusdem
percepcione et percipi factione inhibuisset contradicendo et contradixisset
inhibendo. Datum feria quarta proxima ante festum Beati Laurencij martiris,
anno Domini millesimo CCCmo quinquagesimo tercio.
1353.
12. 10. (Dl.69972)
Nos capitulum ecclesie Quinqueecclesiensis memorie commendamus, quod magister
Nicolaus filius Ders ad nostram personaliter accedens presenciam exhibuit nobis
quasdam litteras nostras patentes super inpignoracione possessionis Palkana
vocate in comitatu Baranya existentis, sibi facta emanatas petens, nos cum instancia,
ut quia ipse ina cum Ders et Gregorio filijs suis ipsam possessionem Polkana
iuxta continenciam litterarum composicionalium comitis Thome iudicis curie domini
regis, magistris Emerico et Dyonisio filijs Renoldi magni de Bakania sub eodem
inpignoracionis titulo, quo ad ipsum devoluta fuisset, et per ipsum possessa,
statuisset possidendam et pro impignoracione eiusdem possessionis Palkania,
copiam seu tenorem litterarum inpignoratoriarum, mediantibus quibus eadem possessio
Palkuna inter alias possessiones sibi inpignorata esset, eisdem magistris Emerico
et Dyonisio sub nostro sigillo dare assumpsysse, ideo copiam seu tenorem earundem
intrascipto sub nostro sigillo pro eisdem magistris Emerico et Dyonisio dari
et emanari facere dignaremur quarum litterarum nostrarum tenor talis est: ***.
Nos igitur peticionibus ipsius magistri Nicolai iustis et legitimis inclinati
tenore dictarum litterarum impignoratoriarum inpresenti transcripto sub nostro
sigillo eisdem magistris Emerico et Dyonisio dedimus pro impignoracione possessionis
Palkana supradicte. Datum quarto die octavarum festi Beate Andree apostoli,
anno Domini millesimo CCCmo quinquagesimo tercio.