Conventus cruciferorum ordinis Sancti Johannis Jerosolomitani domus hospitalis ecclesie beati regis Stephani de Alba. Omnibus Christi fidelibus presentibus pariter futuris presentem paginam inspecturis salutem in omnium salvatore. Ad universorum notitiam harum serie volumus pervenire, quod Jacobus filius Chumur et Dominicus filius eiusdem de Hothvon ab una parte; Item Beke filius Ipoch de Boch ex altera coram nobis personaliter constituti; iidem Jacobus et Dominicus filius eiusdem confessi sunt medietatem portionis ipsorum possessionarie in villa Hothvon habite existentem Hothvon vocatam, scilicet medietatem sessionis ipsorum ab angulo ecclesie beati Stephani regis in eadem possessione constructe in vicinitate portionis eorumdem ab aquilone dicte ecclesie incipiens versus meridiem adiacentem cuius medietatis loci sessionalis latitudo cum mensura regia faceret triginta amplexus et longitudo eiusdem esset usque metas terre possessionis And vocate cum portione patronatus dicte ecclesie et medietatem portionis ipsorum possessionarie Hothvon et Jobag vocate cum omnibus utilitatibus suis, videlicet sessionibus terris arabilibus, fenetis pratis aquis et insulis et terris campestribus ac aliis utilitatibus suis [...]m quaque universis ad ipsam medietatem portionis ipsorum pretacte pertinentibus quam antei mediantibus litteris nostris memorato Beke pignori obligaverunt. Nunc vero urgentibus necessitatibus ipsorum predicto Beke filio Ipoch et per eum suis heredibus pro quadraginta marcis denariorum Bude currentibus plene receptis ab eodem de voluntate Andree filii Johannis fratris ipsorum personaliter astantis perpetuo et irrevocabiliter coram nobis vendidisse possidendo nichil iuris nichilque dominii vel proprietatis deinceps ipsis et eorum posteris reservando. Tali obligatione per eosdem Jacobum et Dominicum assumpta quod quicumque temporis in processu posteriorum Beke et suos heredes nomine dicte medietatis portionis possessionari molestat acceptarent. Extunc iidem Jacobus et Dominicus ipsorumque heredes sepedictus Beke et per consequens ipsius heredes ubique et coram quovis judice expedire tenebuntur propriis laboribus et expensis. In cuius rei memoriam stabilitatemque perpetuam, presentes litteras nostras privilegiales pendentis et autentici sigilli nostri maiori munimine roboratas duximus concedendas. Data in crastino festi Penthecostes. Anno Domini Mo CCC xlmo primo. Religiosis viris dominis fratribus Petro Cornuti priore Aurane prelato nostro, Donato preceptore, Andrea lectore, Johanne custode, ceterisque fratribus predicti ecclesie existentibus et Jugiter famulantibus regi sempiterno.