Conventus Domus Hospitalis Jerosolomitani de Alba omnibus Christi fidelibus presentes litteras inspecturis salutem in Domino sempiternam. Ad universorum noticiam tenore presentium volumus pervenire, quod Salomon filius Bek de villa Chegue de populis Moriasterii de Mayad pro se et pro ipso Bek patre suo, et pro Chama, et pro Johanne filiis ipsius Bek, fratribus suis, coram nobis constitutus quandam vineam suam empticiam, ut dicebat, in territorio ipsius ville Chegue in loco Egenkuth vocato, iuxta vineam Michaelis, Crestus et Jacobi filiorum Ibus de villa Gyug a parte meridionali super tribus ingeribus terrarum sitam, cum terra duorum iugerum pro plantanda vinea competenti ab oriente eidem vinee annexa Paulo clerico filio Stephani clerici de villa Olendred pro quatvor marcis denariorum perpetuo et pacifice possidendam est confessus vendidisse, et ipsam pecuniam ab eodem Paulo clerico plene recepisse; eo assumpto, quod quicunque predictam vineam vel terram duorum iugerum memoratam ab ipso Paulo clerico vel ab eius heredibus repetere voluerit in posterum, idem Bek et eins filii superius nominati, ac consequenter heredes ipsorum, semper et ubique expedire tenebuntur labore proprio et expensa. In cuius rei testimonium et memoriam pleniorem ad peticionem iam dicti Salomonis Paulo clerico sepedicto presentes dedimas litteras nostro sigillo communitas; anno Domini M° CC° septuagesimo septimo octavo idus Novembris. Fratre Robertho Priore eodemque Custode Ecclesie nostre, et fratre Wgone Preceptore Domus nostre existentibus.