Conventus domus Hospitalis Iherosolimitane de Alba omnibus Christi fidelibus presentes litteras inspecturis salutem in omnium salvatore. Ad uniuersorum noticiam tenore presentium volumus pervenire, quod cum receptis litteris excellencie Regie debito cum honore, hominem nostrum fidedignum cum magistro Gwylermo Canonico Wesprimiensi notario aule Regie misissemus coram quo idem magister Gwylermus terram ducalem Chuuz vocatam presentibus commetaneis ac vicinis et specialiter iobagionibus Tawarnicorum et Tawarnicis de villa Chuuz iuxta mandatum Regium Isakbano magistro Benedicto Albensis ecclesie canonico Magistro Paulo Lex et Ladizlao filiis comitis Sister statueret et assignaret demum iidem homo domini Regis et noster ad nos reversi personaliter retulerunt, quod prenotata terra Chuuz in presentia omnium vicinorum et specialiter Sikusd Centurionis et Wz ac aliorum iobagionum Tawarnicorum Regalium; Item Wycha, Mortun, Mortunus, Futas, Lazari, Ihonnis, Iwan ac aliorum omnium de villa Chuuz Tawarnicorum domini Regis, Item Lotur, Chepani et Puer Centurionum Reginaliurn et aliorum de villa Supuna ipsis non contradicentibus eisdem Isakbano, Benedicto et Paulo magistris ac fratribus eorumdem memoratis statuisset et assignasset possidendam cum arundineto videlicet feneto Insula terris arabilibus et aliis utilitatibus suis universis quam invenisse vacuam recitarunt et metis infrascriptis ab omni parte sui taliter per predictos Centuriones Tawarnicos et vicinos in presentia eorumdem hominis domini Regis et nostro separatam quod a parte orientali incipiendo a terminis terre nobilium de Bugud transeundo lacum posteriorem vulgariter Mugsar vocatum venitur in Insulam magnam in cuius margine sunt primo due mete quarum una separat terram ducalium altera Tawarnicorum de villa Chuuz et inde itur ad lacum exteriorem Eleusar wulgariter appellatum et eundem transeundo iuxta ipsum lacum a parte occidentis sunt alie due mete deinde directe curritur ad duas metas circa quemdam monticulum existentes et similiter directe abhinc eundo in planicie pervenitur ad duas metas in terra campestri existentes, a quibus terris dirigitur ad finem cuiusdam culte terre ubi etiam cum due mete exinde tenditur ad publicam stratam et saliendo eandem sunt due mete super terram campestrem et deinde per terram cultam transit in planiciem et directe iuxta terram Supuna pervenitur ad terminos terre Wepsem ubi ipsa terra terminatur. Cuius quidem terre ducalis in omni parte sui latitudo centum sexaginta quatvor amplexuum est iuxta regiam mensuram a metis nobilium de Curuntar usque ad metas terre Tawarnicorum de Chuuz mensurando, sicut per hominem domini Regis et nostrum nobis extitit recitatum. Postmodum etiam Sykusd Centurio et Wz iobagiones Tawarnicorum Regalium, Ihonnes filius Micaelis et Martinus filius Wycha memorati nomine, suo et aliorum omnium Tawarnicorum de villa Chuuz ab una parte Magister Benedictus et Magister Paulus pro se et pro aliis fratribus eorum filys comitis Sister ex altera coram nobis personaliter constituti concorditer retulerunt, quod predicti iobagiones Tawarnicorum et Tawarnici terram ducalem intra Tawarnicorum de Chuuz mixstim sitam quam dominus Ladizlaus illustris Rex Hungarie pro serviciis meritoris predictorum Isak bani Benedicti et Pauli magistrorum fratrum suorum contulerat de terra Tawarnicorum de Chuuz separasset et presentibus commetaneis distinctam sub certa quantitate sicut superius est expressum iuxta mandatum Regium ipsis magistris Benedicto et Paulo et fratribus ipsorum reliquissent in medietate possidendam in terram Chuuz et terram ducalem memoratas, positis terminis sive metis. Adiecerunt etiam partes quod super solucione sedecim marcarum quas predicti magistri et fratres ipsorum secundum tenorem litterarum Rolandi palatini super facto dampnorum nomine destruccionum secundum formam compositionis assumpserant persolvendas ipsam composicionem ambe partos revocantes taliter iterato concordassent, quod predicti magistri et fratres eorum coram nobis eisdem Tawarnicis et iobagionibus Tawarnicorum octo marcas solvere tenentur. Adveniente termino videlicet in octavis omnium sanctorum iidem filii comitis Sister ipsas octo marcas secundum continentiam priorum litterarum nostrarum compositionalium racione dampnorum ville Chuuz que per ipsos Tawarnicos de filiis comitis Sister sibi dicebantur fuisse irrogata Sikusd Centurioni et Wz iobagionibus Tawarnicorum Ihonni filio Micaelis et Martino filio Wycha sepedictis nomine suo et aliorum omnium Tawarnicorum domini Regis de predicta villa Chuuz comparentibus persolverent coram nobis et iidem Sikusd, Wz, Ihones et Martinus eosdem filios comitis Sister nomine suo et Tawarnicorurn de villa Chuuz super ipsam causam reddiderint expeditos, renunciantes omnibus litteris ipsorum contra dictos filios comitis Sister confectis est, specialiter litteris Rolandi palatini, que eciam composicionis formam prius in eodem facto habite continebant ita, ut ubicunque quandocunque et per quemcunque contra predictos filios comitis Sister exhiberentur casse sint et inanes, et careant robore firmitatis, eo etiam interposito et assumpto quod quemcunque et per quemcunque vontra filios dicti Comitis Sister procederetur in futurum in aliquibus articulis prenotatis iidem Sikusd ac Wz iobagiones Tawarnicorum Martinus, Ihones et alii Tawarnici de villa Chuuz expedire tenentur propriis laboribus et expensis. In quorum testimonium et firmitatem perpetuam dedimus litteras nostro sigillo communitas. Datum anno domini Mo CCo septuagesimo sexto. Tercio nonas Januarii fratre Gwylermo priore eodemque custode ecclesie nostre et fratre Ugone preceptore domus nostre existentibus.