Conventus Domus Hospitalis Jerosolomitani de Alba omnibus presentes litteras inspecturis salutem in Domino sempiternam. Ad universorum noticiam tenore presencium volumus pervenire, quod Gabrianus filius Jacou de Pochunta et Comes Herricus filius Nicolai de Vritnyak cum fratre suo Nicolao comite ad nostram presentiam accedentes retulerunt, quod idem Gabrianus terram Bobra vocatam in Comitatu de Wolko existentem, sex aratrorum quantitatis, certis et antiquis metis ac terminis ab omni parte sui distinctam, et a Dominico filio Egue de Dobra comparatam, titulo emptionis, nullo alio participante, sicut dixit, pro quindecim marcis argenti plene habitis et receptis predicto Comiti Herrico et sue posteritati se confessus est vendidisse et assignasse perpetuo possidendam; cui quidem Comiti Herrico racione commetaneitatis et vicinitatis sue dinoscebatur competere ad emendum. Assumpsit etiam idem Gabrianus ipsum comitem Herricum et suos heredes ac successores vel omni lite racione eiusdem terre emergente expedire suis laboribus et expensis. In cuius rei testimonium et perpetuam firmitatem presentes litteras nostro sigillo dedimus communitas, anno Domini Mo CCo LXXo quinto, quarto idus Aprilis, fratre Guillermo Priore, eodemque Custode ecclesie nostre; et fratre Ugone Preceptore Domus existentibus.