Conventus domus hospitalis Iherosolomitani de Alba omnibus christiane fidei cultoribus presentibus pariter et futuris presentes litteras inspecturis salutem in domino sempiternam. Ad cunctorum notitiam tenore presentium volumus pervenire quod Jeronimo venerabili abbate monasterii Thykoniensis et Petro filio Guza de Gamas ae Paulo filio Jolegen de Eurminus, iobagionibus naturalibus eiusdem monasterii ab una parte, Nemvog et Hecha, filiis Bosa, Pentuk et Petha filio eiusdem, Paulo, filio Reka, et Johanne, filio Nicolay de villa Zarozou ex altera coram nobis personaliter constitutis, propositum ab eisdem extitit, quod cum officium pulsatoriale, in quo dicto monasterio Nemveg et sui socii iamdicti tenentur, grave eisdem quodammodo videretur subportare et etiam ipsum monasterium minus indigeret ipsorum pretaxato servicio, ad ipsius Nemveg et suorum prefatorum sociorum instantem peticionem idem abbas et conventus monasterii prenotati concesserunt de consensu iobagionum predictorum, ut idem Nemvog et eius socii sepedicti eorumque successores seu heredes a singulis suis mansionibus singulis annis is festo beati Martini confessoris singula septem pondera cum iusto Albensi pondere dicto monasterio solvere tenebuntur, a prememorato pulsatoriali officio exempti pariter et penitus absoluti. In cuius rei testimonio et perpetuam stabilitatem ad utriusque partis peticionuem litteras presentes dedimus sigilli nostri munimine roboratas. Anno Domini Mo CCo LXo nono, XIIo Kalendas Februarii, fratre Tesselino priore eodemque custode ecclesie nostre existente.