Conventus cruciferorum domus Hospitalis de Alba. Omnibus presens scriptum inventibus salutem in domino sempiternam. Ad universorum notitiam presentium tenore volumus pervenire quod feria quinta proxima post dominicam Judica Bokoth filius comitis Ombud ab una parte et magister Petres filius Petres de villa Torvoy ex altera in nostra personaliter constituti presentia; iamdictus Bokoth proposuit quod terram suam totalem Suwen vocatam metis dupplicibus et terminis vallatam, incipiendo ab aqua Saar, que vulgariter et appellatur Eureym et per magnum siccum fossatum vadit ad magnam metam terream, et de ipsa meta ad metam que est in angulo terre, et inde revertitur ad apsam aquam Saar, que vulgariter Nogrev apellatur, et ibi terminatur, sub titulo emptionis possessam et suo tantum modo iuri pertinentem, ut dicebat, predicto magistro Petres pignori obligasset pro triginta marcis argenti mercimonalis receptis ab eodem hoc interposito quod si ipsam terram ipse vel aliqui commetaneorum eiusdem usque ad octavam Pentecostes subsequentem redimere vellent, memoratam summam pecunie refudendo, plenam haberent eam remidendi facultatem, si vero non, ex tunc illa terra pleno iure perpetuaretur magistro Petres prenotato irrevocabiliter possidenda, et huic contractu Martinus frater sepedicti Bokoth, Cheke centurio, Waro filius Theke, Pethe centurio et Stephanus filius Hyve de commetanea villa Kyliti pro se et pro populis eiusdem ville assistendo consensum prebuerunt et assensum et quia adveniente predicta octava Pentecostes expectante prenominato magistro Petres quinque diebus coram nobis continuis quinto autem die Bokoth sepius nominatus coram nobis comparavit cum conmetaneis omnibus ipsius terre nolentes ipsam redimere, postularunt a nobis viva voce quod ut contractum et seriem venditionis sepedicte terre nostro dignamremur privilegio confirmare, quod et fecimus, petitionem eorundem iustam et legitimam attendentes presente Theodoro filio Leustachy de villa Elias, qui pro se et Alexandro filio Baar et Luka filio Gogan commetaneis dicte terre coram nobis comparendo sepedictum contractum voluit pariter et laudavit. In cuius rei testimonium et firmitatem litteras presentes sigilli nostri munimine roboratas ad petitionem partis utriusque magistro Petres dedimus pluries nominato. Anno domini Millesimo Ducentesimo LXo septimo, XIIIIo Kalendas Julii. Benedicto priore et custode ecclesie nostre existente.