Capitulum Domus Hospitalis Iherosolomitani de Alba. Omnibus cristiane fidei cultoribus quam presentibus tam futuris presentes litteras inspecturis salutem in eo qui est salus omnium. Omne quod memoriam et firmitatem appetit dignum est et rationi consentineum testimonio commendare litterarum ne terra caligine oblivionis prevalente a memoria succedentium evanescat. Quocirca universitati vestre harum serie litterarum declaramus quod Quetscem filius Mykse de villa Inatha ex una parte, Buzma et Petrus filii Ygscem de eadem villa ex altera in nostra presentia personaliter constituti sunt, se pari consensu et communi voluntate supra possessione sua in Chouz existente talem fecisse divisionem, ut divimidiis partes emptiorum molendini quod est suum in parte superiori in fundo curie. Quetscem cum dimidietate ipsi fundi, et tertia pars totius possessionis interiori dicte ville ipsos contingentis terre videlicet feneti, et silve, nec non tres homines quorum nomina sunt hec Maria filia nomine Marinna, et Buhtus filius eisdem Marinne, dimisissent eidem Quetscem. Aliis omnibus memorate possessionibus particulis et familia Buzme, et Petro remanentibus. Adiacerunt etiam obligendo se in solidum ut nullus ipsorum ab ipsa divisionis compositione posset aliqualiter resilire, vel eiusdem divisionis seriem perturbare. In cuius rei memoriam pleniorem ad instantiam et petitionem partium litteras presentes sigilli nostri munimine roboratas Quetscem concessimus sepedicto. Datum Anno ab incarnatione Domini Mo Cco Quinquagesimo sexto primo Idus Iunii. Fratre Bernardo preceptore, fratre Iohanne ecclesie nostre custode existentibus.