Nos Conventus Fratrum Domus Hospitalis de Alba, et Magister Ambrosius Budensis Canonicus Generalis Procurator eiusdem Domus vicem Magistri Provincialis gerens, significamus universis presentes litteras inspecturis,quod accedens ad nos Ipolitus filius Cwk proposuit coram nobis viva voce, quod cum consensu cognati sui Pauli filii Tarka, qui etiam personaliter astitit, et idem affirmavit, totam terram suan, nec non fenetum, et locum molendini, ac omnem porcionen possessionis, quam habebat in Moha communem cum dicto cognato suo Paulo, seu divisam et separatam ab eodem, vendidisset pro duodecim marcis argento Magistro Constantino Albensi Canonico metis undique antiquis assignatam, commetaneis in circuicione dicte terre undique comparentibus et non contradicentibus, sicut patuit nobis per hominem nostrum fidedignum super ipsam terram destinatum; precium etiam eiusdem terre dictus Ipolitus confessus est se totaliter recepisse, parim in rebus per viros idoneos estimatam, partim in argento. Obligauerunt insuper se, et sua bona, et suos heredes, Ipolitus videlicet et Paulus supradicti simul et in solidum, quod si processu temporis a Magistro Constantino ipsi possessionem totam, aut partem eiusdem quispiam requireret, ambo ipsi eam modis omnibus cum propriis expensis defendere et liberare tenebuntur; alioquin ipsam pecuniam, et totam valorem edificiorum, ac omnes atias expensas, quas interdum dictus Magister fecerit, eidem de aliis bonis eorum restituent, racione qualibet non obstante. Nos igitur ad peticionem et instanciam utriusque partis, quia proprium sigillum nostrum erat in maritima propter metum Tartarorum, litteras presentes sepedicto Magistro Constanino concessimus in testimonium et perpetuam firmitatem fratris Juliani Custodis fratris Luce, preceptoris domus nostre, et predicti Magistri Ambrosii sigillis communitas. Actum anno gratie Mo CCo XLo IIIo. Venerabili fratre Mikone de Buxunio magistro per totam Hungariam et Sclavoniam existente.