Excellentissimo principi domino eorum Lodovico Dei gratia illustri regi Hungarie captitulum ecclesie Sancti Iriney martyris orationes in Domino assiduas et devotas. Litteras vestre celsitudinis pro filiis Johannis de Huzyubath omni honore quo tenemur recepimus in hec verba: ***. Nos igitur [vest]re sublimitatis obtemperantes mandatis ut tenemur unacum prenominato Stephano de Kuchyta homine vestro nostrum hominem Nicolaum videlicet presbiterum [ch]ori ecclesie [nostr]e predicte ad premissa exsequenda pro testimonio transmisimus fidedignum, qui demum ad nos reversi nobis uniformiter consona v[erb]a retuler[unt], quod cum idem homo vester presente testimonio nostro predicto die Dominico proximo in crastino videlicet festi Beati Thome apostoli proxime [pre]teriti ad fa[cies predict]arum possessionum Petroch et Gomol vocatarum ipsorum videlicet filiorum Johannis de Huzyubath vicinis et conmetaneis earum universis et specialiter [Johann]e filio Symonis de Bodon legitime convocatis et presentibus accedendo quandam particulam terre videlicet a medio seu medietate cuiusdam fossa[ti m]agni quod iuxta fluvium Zave progreditur a parte occidentis incipiens versus plagam orientalem tendendo prout ipsum fossatum mag[num v]ergitur et pervenit usque quandam viam magnam, que per medium ville Zymota vocate ipsius videlicet Johannis filii Symonis transiens perve[nit ad q]uandam viam parvam seu semitam herbosam per demonstrationem Dominici filii Buhtus procuratoris eorundem filiorum Johannis legitimi [ ] iuris hereditarii eorundem filiorum Johannnis ad easdem possessionis Petroch et Gomol vocatas pertinere allegantis reambulans memorat[is filiis] Johannis de Huzyubath perpetuo possidendam eo iure, quo ad ipsos pertinere dinoscitur relinquere voluisset, extunc memora[tus Jo]hannes filius Symonis et eosdem vestrum et nostrum homines a statutione memorate particule terre ipsis filiis Johannis facienda ten[eretur pro]hibendo. Ubi eodem die idem homo vester presente testimonio nostro predicto memoratum Johannem filium Symonis contra ipsos filios Joha[nnis de] Huzyubath videlicet Nicolaum et Johannem ad octavas diei Strennarum nunc venturas in vestre celsitudinis presentia citavisset r[ationem c]ontradictionis redditurum. Datum secundo diei citacionis prenotate, anno Domini supradicto.