1348.
07. 14. (Df.285248)
Excellentissimo principi domino eorum Lodovico dei gratia illustri regi Hungarie
capitulum ecclesie Sancti Iriney martyris orationum suffragia devotarum ad filium
Virginis gloriose. Litteras vestre sublimitatis reambulatorias honore condecenti
recepimus sub hac forma ***. Nos igitur vestre excellentie obtemperantes mandatis
ut tenemur unacum prenominato Laurentio de Arky homine vestre sublimitatis nostrum
hominem discretum videlicet virum magistrum Paulum sacerdotem et concanonicum
nostrum ad premissa diligenter exsequenda pro testimonio transmisimus fidedignum,
qui deinde ad nos reversi concorditer nobis retulerunt, quod idem homo vester
presente testimonio nostro predicto feria quinta proxima ante festum Beate Margarete
virginis nunc preterita ad faciem prememorate possessionis Ikurd vocate in dicto
comitatu de Wolkou existentis accessisset, eandemque vicinis et conmetaneis
suis universis et specialiter Dominico filio Keled contiguo vicino et conmetaneo
suo legitime convocatis et presentibus per veras metas et antiquas reambulando
novas iuxta veteres ubi necesse fuisset erigendo statuisset prememoratis Johanne
filio Pauli et Demetrio filio Mychaelis de Zentpeter cum omnibus suis utilitatibus
et pertinentiis universis eo iuris titulo, quo ad ipsos pertinere dinoscitur
perpetuo possidendam, tenendam pariter et habendam sine preiudicio iuris alieni,
nullo penitus contradictore apparente. Cuius quidem possessionis Ikurd cursus
metarum sicut ab eisdem hominibus vestro et nostro nobis referentibus percepimus
taliter distinguntur, quod prima et principalis meta incipit per partem meridionalem
super unam metam terream iuxta ecclesiam in honore sancti Petri apostoli in
eadem possessione Ikurd constitutam prenominatos Johannem et Demetrium ac Dominicum
filium Keled communiter tangentem situatam, que quidem meta a parte orientis
distingit terre prescriptorum Johannis filiii Pauli et Demetrii filii Mychaelis
Ikurd prenotate, a parte vero occidentis distingit terre Dominici filii Keled
similiter Ikurd nominate, inde versus ipsam partem meridionalem tendendo pervenit
ad quandam silvam in cuius latere wlgo kare dicta est una arbor ilicis pro meta
posita et signata subter quam unam erexissent metam terream. Abhinc in medio
eiusdem silve versus premissam partem meridionalem itur ad quatuor arbores ilicis
sub quibus singulis arboribus sunt singule mete terree. De hinc versus clima
partis meridiei in eadem silva venitur ad unam arborem piri silvestri sub qua
est una meta terrea, abhinc progredeundo [!] et ipsam silvam transeundo et exeundo
in fine ipsius silve scilicet in latere eiusdem a plaga occidentis vadit ad
duas metas terreas quarum una a parte meridionali distingit terre prenominatorum
Johannis et Demetrii, alia a parte septemtrionis distingit terre Dominici filii
Keled prenotati de hinc versus ipsam plagam occidentis per aliquo spatium eundo
itur ad duas metas terreas quarum una a plaga meridionali distingit prememoratorum
Johannis et Demetrii, alia a parte septemtrionis distingit terre Dominici filii
Keled prenotati et de hinc versus plagam septemtrionis quibusdam metis currentibus
interpositis pervenit iuxta quandam viam magnam Wolkowth nominatam ad duas similiter
metas terreas quarum una a parte occidentis distingit terre prenominatorum Johannis
et Demetrii, alia a parte orientis distingit terre Dominici filii Keled prenotati
et abhinc circa eandem viam magnam versus plagam orientalem tendendo venit ad
ecclesiam Sancti Petri memoratam iuxta quam a plaga septemtrionis circa ipsam
viam magnam est una meta terrea, que quidem meta a parte occidentis distingit
terre prenotati Dominici filii Keled, a parte vero orientali distingit terre
Johannis et Demetrii sepius nominatorum ibique cursus et distinctiones metarum
terminantur. Datum feria secunda proxima post festum Beate Margarete virginis
anno Domini prenotato.