Nos conventus monasterii Waradyensis memorie commendamus per presentes, quod constitutis coram nobis personaliter Paulo filio Lorandi filii Baas de Manyuk ab una parte, item magistris Paulo Beseneu dicto de Kereztwr et Johanne de Chungurad ab altera per eundem Paulum filium Lorandi propositum extitit oraculo vive vocis et retulit, quod ipse universas possessiones et possessionarias porciones suas ipsum in comitatu Tolnensi quouismodo vel titulo contingentes videlicet medietatem dicte possessionis Manyuk et possessiones Egenzaraz et aliam similiter Egenzaraz vocatas, ac Chethuk et medietatem possessionis Izmyn cum possessione Tuteus vocata iuxta eandem possessionem Izmyn adiacentem, cum omnibus earundem utilitatibus, videlicet terris arabilibus, pratis, fenetis, silvis, nemoribus, molendinis locis molendinorum et aliis quibuslibet utilitatibus, pertinenciis et iuribus spectantibus ad easdem supradictis magistris Paulo Beseneu dicto et Johanni pro trecentis marcis denariorum promptorum, quibuslibet marca cum decem pensis denarii computando plene habitis et receptis ab eisdem pignori obligasset et obligavit coram nobis, tali condicione mediante, quod quincumque parte vel sui successores dictas possessiones vel possessionarias porciones suas in dictis trecentis marcis denariorum promptorum ab eisdem magistris Paulo Beseneu dicto et Johanne ad se et pro se redimere possint coram nobis, extunc esdem iidem magistri Paulis et Johannis cum ipsorum cum ipsorum ... domino Paulo filo Lorandi et suo successoribus cum omni plenitudine sui iuris reddere et resignare tenerentur, occasionem qualibet non obstante. Datum feria quarta proxima post octavas festi beati Michaelis archangeli, anno Domini Mo CCCo quinquagesimo tercio.