Excellentissimo domino eorum domino Lodovico dei gracia illustri regi Hungarie, conventus monasterii Waradyensis oraciones in domino debitas et devotas. Patentes litteras vestre serenitatis recepimus honore cum decenti, iuxta earundem contitenciam unacum Symone filio Balasey homine serenitatis vestre, unum ex nobis fratrem videlicet Nicolaum sacerdotem pro testimonio transmisimus ad infrascriptam inhibicionem faciendam, qui postmodo ad nos reversi nobis concorditer retulerunt, quod ipsi in festo divisionis apostolorum venerabilem in Christo patrem dominum Nicolaum episcopum Quinqueecclesinsem et universos jobagiones suos de Narad a percepcione omnium usuum, fructuum et utilitatum possessionis magistri Tuteus Lotha vocate legitime prohibuissent et contradixissent. Datum feria tercia proxima post predicti festi divisionis apostolorum, anno Domini Mo CCCo quinquagesimo secundo.