Nos conventus monasterii Waradyensis damus pro memoria, quod constitutis coram nobis personaliter Thoma filio Vturbeur de Aranya ab una parte, item Nicolao filio Luce de eadem ab altera propositum extitit per easdem vive voce, quod ipsi quandam possessionariam ... porcionem in eadem Aranya habitam ipsos attingente inter se in duas partes divisissent coequales. Ita videlicet, quod una pars seu equalis medietas eiusdem a parte occidentali existens, cum omnibus suis utilitatibus et pertinenciis suis quibuslibet cessisset et provenisset in porcionem Thome filii Vturbeur, altera vero equalis medietas eiusdem a parte orientali adiacens similiter cum omnibus suis utilitatibus et pertinenciis cessisset et provenisset in porcionem Nicolai filii Luce ... iure perpetuo et irrevocabiliter possidende tenende, pariter et habende in filios filiorum suorum et heredes, tali obligacione mediante, quod si qua parcium predictarum partem alteram super premissa composicionem seu divisionem ... in causa traheret vel malefacere acceptaret, extunc hec pars contra partem alteram in sex marcis ante litis ingressum deponendis absque judicis poricione convincere in ipso facto prout assumpserunt. Datum feria tercia proxima post festum beati Andree apostoli, anno Domini Mo CCCo XLmo nono.