Nos conventus monasterii Waradyensis damus pro memoria, quod magnificus vir magister Tuteus iuxta continenciam patencium litterarum nostrarum, racione precepcionis fructuum et utilitatum cuiusdam possessionis monasterii de Cykador Gerebuch vocate, sibi per dominum Thomam abbatem predicti monasterii de Cykador et conventum suum assignate de duobus annis subsequentibus duodecim marcas sex pensis pro qualibet marca computatas eidem domino abbati persolvit ex integro coram nobis. Super quarumquidem solucione duodecim marcas idem dominus abbas in sua et predicti conventus sui personis eundem magistrum Tuteus reddidit antedictum iustificatum et penitus ac per omnia expeditum seu absolutum. Datum sabbato proximo ante festum Omnium Sanctorum, anno Domini Mo CCCo XLmo sexto.