Nos conventus monasterii Waradyensis memorie commendamus per presentes, quod cum iuxta continenciam memoralium litterarum nostrarum magister Paulus filius magistri Petri de Soklous totalem porcionem suam in civitate Soklous ipsum iure hereditarie contingentem inter fossatum eiusdem ci vitatis adiacentem cum omnibus utilitatibus et pertinenciis suis magistro Paulo filio Laurencii Tuus dicti pro quindecim marcis denariorum banalium olim pignori obligatam per eundem in presentibus octavis diei Penthecostes in predicta sumpma pecunie quindecim marcarum sub vinculo gravaminis in eisdem memorialibus litteris nostris expresso ab eodem magistro Paulo ad se et pro se redimere debuisset coram nobis. In illo termino adveniente idem magister Paulus ad nostram presenciam non venit neque misit nec eciam prescriptam porcionem suam in dicta pecunie quantitate re dimere procuravit de magistro Paulo antedicto per comitem Myken filium Dyonisii servientem et officialem prenominati magistri Pauli filii Laurencii cum sufficienti procuratorio pro eodem domino suo comparentem tribus diebus continuis et quarto die usque ad horam meridiei legitime expectatus coram nobis. Datum quinto die octavarum diei Penthecostes predictarum, anno Domini Mo CCCo XLmo quarto.