Nos conventus monasterii Waradyensis damus pro memoria, quod cum iuxta quandam memoralium litterarum nostrarum, Paulus filius Churke racione vulnerum et effusione sanguinis sex iobagionum magistri Wezeus eidem magistro Wezeus quartam dimidiam marcarum latorum Wyennensium, quinque pensis pro qualibet marca computatis in octavis festi beati regis Stephani absque crastinacionem dare et persolvere debuisset coram nobis. Illo termino adveniente idem Paulus predictam quartam dimidiam marcarum latorum Wyennensium in persona magistri Wezeus Johanni officiali suo filio videlicet Sebastiani de Bery persolvit ex integro, quas ipse Johannes eisdem sex hominibus, videlicet Johanni filio Beke, Laurencio filio Thome, Nicolao filio Laurencii, Demetrio filio Johannis, Cosme filio Dominici et Staphano filio predicti Thome iobagionibus ipsius magistri Wezeus personaliter astantibus plenarie dedit et persolvit coram nobis, ubi eciam iidem sex homines recepta ad se predictam quarta dimidia marca pecunie, super effusione sangvinis ipsorum eundem Paulum filium Gyurke et Benkem filium Blasii reddiderunt expeditos seu absolutos de noticia ante eosdem ... dominus Paulus filius Gyurke nos se curavit et certificavit in hac parte. Datum secundo die termini prenotati, anno Domini Mo [CCCo XLmo] tercio.