Conventus monasterii Varadiensis omnibus Christi fidelibus presentibus pariter et futuris presentes litteras inspecturis salutem in domino sempiternam. ad universorum tam presencium quam futurorum noticiam harum serie volumus pervenire, quod vir discretus magister Gallus canonicus ecclesie Quinqueecclesiensis et Jacobus filius Nicolai civis Quinqueecclesiensis civitatis in presencia reverendissimi in Christo patris domini Ladislai divina miseracione episcopi Quinqueecclesiensis, domini ipsorum, cum sufficientibus litteris procuratoriis ... ad nostram accedentes presenciam, exhibuerunt nobis patentes litteras magnifici viri domini Nicolai regni Hungarie palatini et iudicis Comanorum seriei infrascripta verbo et nomine ... domini episcopi ... nos cum instancia ... tenorem earundem patencium litterarum tenor talis est: ***. Nos igitur huiusmodi iustis et legitimis peticionibus prenotatorum procuratorum domini episcopi Quinqueecclesiensis satisfacere ... tenorem earundem patencium litterarum domini palatini non abrasarum, non cancellatarum nec in alia sui parte viciatarum de verbo ad verbum et de litteris ad nostram presentibus privilegialibus litteris nostris inseri nostro sigillo pendenti fecimus consignari. Datum feria tercia proxima post festum beati Viti et Modesti martirum, anno Domini ut supra, fratre Paulo decano, fratre et [!] Andrea custode et fratre Nicolao cantore existentibus, ceterisque fratribus una nobiscum iugiter Deo famulantibus et devote.