Excellentissimo domino eorum, domino Karolo dei gratia illustri regi Hungarie, conventus monasterii Waradiensis orationes in Domino debitas et debitas [!]. Litteras magnifici viri comitis Pauli iudicis curie serenitatis vestre honore cum decenti recepimus haec tenore continentes [...] Nos igitur preceptis et mandatis ipsius comitis Pauli iudicis curie vestre excellencie obedire cupientes ut tenemur, cum Nicolao de Doboka cuius nomen in predictis ... litteras contentis Pauli est expressum et cum Thomam filio Balasey hominibus excellencie vestre duos homines nostros, scilicet fratrem Jacobum sacerdotem unum ex nobis, pro parte dominarum predictarum, et Andream sacerdotem ex parte ipsius domini episcopi pro testimonio transmisimus fidedignos ad premissa exequenda. Qui postmodum ad nos reversi, nobis concorditer retulerunt, quod ipsi in predictis octavis beati Michaelis archangeli super facie predictarum possessionum accessissent, et presentibus legitimis procuratoribus parcium earundem exhibitis ibidem in terminis predictis sex diebus iuxta continenciam eorundem in ipsam reambulationem processissent, ubi inter continencias ipsorum ... tanta quantitas possessionis in terris arabilibus, fenetis, silvis, nemoribus, pratis, fluvio Danobii, pisscinis, clausuris pisscinarum reperta extitisset per eosdem quamvis tam ipsi, propter terminum berevitatem easdem possessiones undique reambulare nequivissent usque ad finem quod iidem homines vestre excellencie eandem quantitatem possessionis, propter sui amplitudine mensurare et estimare se sentientes sufficere non posse, processum totum ipsius possessionarie reambulacionis absque gravamine utriisque partis ad deliberacione vestre magnitudinis transmisissent. Datum septimo die octavis festi beati Michaelis archangeli predicti, anno supradicto.