Nos conventus monasterii Waradyensis memorie commendamus per presentes, quod constitutis coram nobis personaliter Gregorio filio Stephani de Feldwar, iobagione magistri Tuteus filii Emerici de Bechey ab una parte, item comite Andrea serviente et officiali eiusdem magistri Tuteus pro eodem domino suo ab altera. Idem Gergorius filius Stephani quandam vineam suam, intra territorium et districtum memorate ecclesie nostre Waradyensis, in loco Mitharimal vocato existentem habentem conterminales et vicinos viam magnam a septemtrione et predictum magistrum Tuteus ab oriente a meridie et a parte occidentali eidem magistro Tuteus pro sex marcis denariorum banalium receptis integraliter ab eodem et per eum suis heredibus heredumque suorum inposterum successoribus vendidit coram nobis iure perpetuo et irrevocabiliter possidendam, tenendam pariter et habendam. Super quo eciam nos eidem magistro Tuteus nostrum privilegium concedemus dum presentes nobis fuerit reportare. Datum sabbato proximo ante dominicam Oculi, anno Domini Mo CCCo XXXo septimo.