Nos conventus monasterii Waradyensis memorie commendamus per presentes, quod Phillip filius Petri coram nobis personaliter comparendo est confessus oraculo vive vocis, quos ipse quandam vineam suam empticiam intra metas et districtum prefate ecclesie nostre Waradyensis in loco Mytharimal vocato existentem habentem, conterminales et vicinos Bedem de villa Bor ab oriente, Petrum plebanum ecclesie de Boul a parte meridionali, Georgium filium Mar-celli ab occidente et predictum Bedem a septemtrione, ex permissionem domini nostri abbatis ac omnium vicinorum et conterminalium suorum prefatorum, nobili viro magistro Tuteus filio magistri Emerici de Beche, pro duodecim marcis denariorum banalium receptis integraliter ab eodem ut dicebat et per eum suis heredibus heredumque suorum inposterum successoribus se vendidisse est confessus et vendidit coram nobis iure perpetuo et irrevocabiliter possidendam, tenendam pariter et habendam. Super quo eciam presentibus nobis reportatis nostrum privilegium concedemus. Datum feria secunda proxima ante festum nativitatis virginis gloriose, anno Domini Mo CCCo XXXmo sexto.