Conventus monasterii Waradiensis omnibus Christi fidelibus presentibus pariter et futuris presentem paginam ...tuentibus salutem in eo, qui vera salus omnium. Ad universorum noticiam tam presencium quam futurorum litterarum serie volumus pervenire, quod magistro Korrardo filius Kemyn de Chymin de comitatu Baranya ab una, item magistro Nicolao filo comitis Jacobi de eodem comitatu ex altera parte coram nobis personaliter constitutis, prenominatus magister Korrardus est confessus ministerio seu oraculo vive vocis, quod ipse possessionem suam Perman vocatam in dicto comitatu de Baranya in vicinitate terre predicti magistri Nicolai filii Jacobi Gyula vocate a parte meridionali adiacentem sibi iusto et legitimo modo ac pretacto Kemyn patri suo olim devolutam supradicto magistro Nicolao filio Jacobi pro triginta marcis denariorum banalium receptis integriter ab eodem usque ad octavas beati Jacobi apostoli nunc venturas pignori obligasset et obligavit coram nobis. Quamquidem possessionem Perman nominatam cum omnibus suis attinenciis si idem magister Korrardus in prefixo termino cum sua propria pecunia et non alterius ab eodem magistro Nicolao redimere non curaret vel non posset in predicta pecunia triginta marcarum coram nobis, extunc idem magister Korrardus in dupli gravamine eisdem pecunie convinceretur eo facto idem eciam magister Korrardus interim prefatum magister Nicolaum ab impeditoribus quibuslibet racione predicte terre Perman et specialiter a magistro Korrardo carnali fratre eisdem magistri Nicolai assumpsit expedire suis propriis laboribus mediantibus et expensis. Et quia sepedictus magister Korrardus filius Kemyn in prehabitis octavis beati Jacobi apostoli dictam possessionem Perman pro quibus dant suis necessitatibus ab eodem magistro Nicolao in dicta summa pecunie triginta marcarum redimere nequivisset et in pena dupli quittus extitisset, idem sepememoratam possessionem Perman vocatam prelibato magistro Nicolao et suis heredibus ac eorum posteritatibus perpetuasset et perpetuavit coram nobis. Cuiusquidem prima et principalis meta incipit in media dominarum villarum, scilicet Vg et Perman, iuxta fluvium Hudus ab arbore Nyarfa a parte orientali existente tendendo abinde versusoccidentalem ad unum fossatum, abhinc directe procedendo ad eandem partem orientalem ad arborem Oltuankurtuely, adhuc per eadem partem ad arborem piri, qua est iuxta via viam per quam itur de Perman in Vgh. Inde reflectitur ad partem aquilonem ad arborem Salfa dictam, qua arbor separat terram Perman a possessione Sedfeu dictam, et ibi vadit ad arborem Ilicis qua est superius demactata in silva existentis et per eadem silvam ad partem occidentalem venit ad unam metam terream. Exhinc per eadem partem ad unam vallem, ad terras arabiles, ad arborem Ilicis terris cumulata. Inde procedit per eandem vallem ad partem meridionalem ab arborem Ilicis duos ramos habentem. Exhinc, per eandem partem ad unam viam magnam, et ibi separatur a vicinitate possessionis Sedfev. Inde per eandem viam magnam versus occidentalem venit ad unam vallem et in latere eisdem vallis currit versus occidentem ad unam arborem Magal dictam pars remanens a parte meridionali pertinet ad villam Vgh antedictam, sed pars existans a parte septemtrionali pertinet ad Perman. Ibi capit vicinitatem possessionis Thothvolgh et vadit ad aquilonem partem partem iuxta silvam quercus ad unam antiquus viam qua exit de Thotvolgh. Hinc per eandem partem ad arborem Magal qua est iuxta eandem viam et ibi separatur a Thotvolgh et capit vicinitatem possessionis Beran. Inde protenditur versus aquilonem ad arborem quercus. Inde directe ad unam metam terream qua est iuxta viam magnam per quam itur in Pech. Inde per eandem viam reflectitur versus meridiem in vicinitate possessionis eisdem magistri Nicolai et venit ad unam arborem Salfa existentem a parte occidentis circa eandem viam. Inde salit viam versus orientem et vadit ad unam arborem Scil qua arbor separat possessionem Perman et possessionem Kysgyulad dictam. Inde directe ad fluvium Hudus et per medium eisdem fluvii Hudus versus meridiem ad priorem metam et sic determinatur cursus metarum. Assumptum eciam extitit per predictum magistrum Korrardum quod si magister Nicolaus dictum privilegium ad aliquo capitulum vel aliquem conventum deferri contingerit vel per suos legitimos procuratores trans..., extunc idem capitulum vel conventus eidem magistro Nicolao litteras privilegiales modo premisso dare teneantur quod si idem magister Korrardus personaliter inibi conpariusset si propter aliquas suas necessitates personaliter inibi conparere nequievit. In cuius rei memoriam perpetuam et firmitatem ... concessimus sigillo nostro roboratas atque consignatas. Datum in octavis festi nativitatis beati Johannis baptiste, anno Domini Mo Co Co Co tricesimo qiunto. ... decano et custode, Nicolao cantore existentibus, ceterisque fratribus in ecclesia Dei famulantibus iugiter et devote.