Excellentissimo domino eorum, domino Karolo dei gratia illustri regi Hungarie, conventus monasterii Waradyensis orationes in Domino debitas et devotas. Litteras magnifici comitis Pauli iudicis curie vestre recepimus reverenter et iuxta earundem contienenciam unacum Philippo filio Vyze, homine magnitudinis vestre unum ex nobis, fratrem videlicet Johannem sacerdotem pro testimonio tranmisimus fidedignum ad citacionem faciendam velut in presentibus exprimetur, qui demum ad nos reversi nobis concorditer retulerunt, quod idem homo vester, presente predicto fratre nostro, feria quinta proxima ante dominicam Invocavit, Demetrium filium Demetri de Radwan, super possessione sua Zenmihal vocata, contra nobilem dominam relictam Ladislai de Seuna ad vestre magnitudinis presenciam citavisset diem medii Quadragesime nunc venturum eisdem pro termino assignato. Datum feria secunda proxima post predictam dominicam Invocavit, anno Domini Mo CCCo XXXo quinto.