Excellentissimo domino eorum, domino Karolo dei gratia illustri regi Hungarie, conventus monasterii Waradyensis orationes in Domino debitas et devotas. Litteras magnifici comitis Pauli iudicis curie vestre recepimus reverenter et iuxta earundem contienenciam unacum Thoma de Gerde, homine vestro hominem nostrum Mour sacerdotem ecclesie nostre de villa Boborch pro testimonio transmisimus fidedignum ad infrascriptam inhibicionem faciendam, qui demum ad nos reversi nobis concorditer retulerunt, quod ipsi feria sexta proxima post festum beati Demetri martiris ad villam domini episcopi Quinqueecclesiensis Narad vocatam accessisent, ubi prefatus homo vestre excellencie, presente predicto homine nostro, universos populos eidem ville Narad ab usibus et utilitatum percepcione cuiusdam terre seu possessionis magistrorum Tuteus et Vezeus filiorum Emerici de Bechey ad possessionem eorum Moysa vocatam pertinens prohibuisset verbo vestre regie maiestatis. Datum in vigilia festi Omnium Sanctorum, anno Domini Mo CCCo XXXo quarto.