Nos conventus monasterii Waradyensis memorie commendamus, quod cum iuxta tenorem patencium litterarum nostrarum, magister Corrardus filius Kemyn de Chymin, quandam possessionem suam Perman vocatam in comitatu de Baranya, in vicinitate terre magistrorum Nicolai et Corrardi, filiorum comitis Jacobi Gyula vocate a parte meridionali adiacente, supradicto magistro Nicolao filio comitis Jacobi pro triginta marcis denariorum banalium olim pignori obligatma per eandem in octavis beati Jacobi apostoli ab aodem magistro Nicolao in dictam sumpma pecunie triginta marcarum redimere debuisset coram nobis. Illio termino adveniente idem magister Corrardus filius Kemyn, ad nostram presenciam non venit nec pretactam possessionem suam Perman vocatam in prescripta pecunie triginta marcarum ab eodem magistro Nicolao ad se redimere procuravit ut debebat per discretum virum Marcum sacerdotem de predicta villa Gyula, capellanum eiusdem magistri Nicolai pro eodem domino suo inibi conparentem tribus diebus continuis et quarto die usque ad horam meridiei legitime expectatus coram nobis. Datum qiunto die octavarum beati Jacobi apostoli predictarum, anno Domini Mo CCCo XXXo quarto.