Nos conventus monasterii Waradyensis memorie commendamus per presentes, quod constitutus coram nobis personaliter magistro Corrardo filio Kemyn de Chymin ab una parte, item magistro Nicolao filio comitis Jacobi ab altera. Idem magister Corrardus filius Kemyn proponens est confessus oraculo vive vocis, quod ipse quandam possessionem suam Perman vocatam in comitatu de Baranya, in vicinitate terre predicte magistri Nicolai et Corrardi filiorum comitis Jacobi Gyula vocate a parte meridionali adiacentem sibi iusto et legitimario modo ac pretacto Kemin patri suo olim devolutam ut dicebat. Supradicto magistro Nicolao filio comiti Jacobi pro triginta marcis denariorum banalium receptis integraliter ab eodem, sicut dixit usque octavas beati Jacobi apostoli nunc venturas pignari obligasset et obligavit coram nobis. Quamquidem possessionem suam Perman cum omnibus suis attinenciis si idem magister Corrardus in prefixo termino cum sua propria pecunia et non alterius ab eodem magistro Nicolao filio comitis Jacobi redimere non curavisset vel non posset in predictam pecuniam triginta marcarum coram nobis extunc ipse magister Corrardus in duppli gravamine eidem pecunie convincentur eo facto, prout ad hoc se ulcionea voluntare obligavit coram nobis magister Corrardus antedictus. Idem eciam magister Corrardus interim prefatum Nicolaum filium comitis Jacobi ab impetitoribus quibuslibet racione dicte terre Perman et specialiter a predicto Corrardo filio comitis Jacobi assumpsit expedire suis propriis mediantibus et expensis. Datum feria quinta proxima post octavis Passce Domini, anno eiusdem Mo CCCo XXXo quarto.