Nos conventus monasterii Waradiensis memorie commendamus ... quod cum ... Ladislaus . . episcopus Quinqueecclesiensis pro emenda mortis seu homicidii Nicolai villici de villa religiosarum dominarum sanctimonialium de claustro beate virginis Marie de Insula Leporum Budensi Cheley vocata per hospites iam dicti domini episcopi de villa Mohach casualiter interfecti, eisdem religiosis dominabus pecuniam quatuordecim marcarum partim in denariis partim vero in estimacione condigna quinque pensis pro qualibet marca computatis, in octavis Nativitatis beati Johannis Baptiste per eosdem hospites suos de Mohach dari et persolvi facere debuisset coram nobis, ipseque religiose domine ad recipiendam ipsam pecuniam quatuordecim marcarum in eisdem octavis verum et legitimum procuratorem cum sufficientibus literis procuratoriis earumdem debuissent illuc destinare ... tandem advedniente termino ipsius soucionis idem dominus episcopus prenominatam pecuniam quatuordecim marcarum pretacto modo pro ipsa morte seu homicidio per predictos hospites suos de Mohach eisdem religiosis dominabus ad manus magistri Jacobi cum sufficientibus procuratoriis literis ipsarum ad hoc per easdem dominas destinati integraliter persolvi fecit coram nobis ut debebat, qua siquidem quatuordecim marcarum pecunie quantitate ad se recepta ab eisdem ex integro, idem magister Jacobus vice et nomine religiosarum dominarum predictarum eundem dominum episcopum et hospites suos sepius nominatos nec non quoslibet pertinentes ad eundem super morte et homicidio perfati Nicolai villici reddidit expeditos et per omnia absolutos, easdem religiosas dominas ad hoc firmius obligando vigore predictarum procuratoriarum literarum mediante, ut ipse domine eundem dominum episcopum, hospites suos antedictos et quoslibet pertinentes ad eundem quos predictum tangit negocium, racione dicte mortis seu homicidii ab orphanis eiusdem Nicolai villici ac aliis quibuslibet impetitoribus et molestatibus in processu temporis teneantur expedire suis propriis laboribus et expensis, et is expedire non curarent vel non possent, extunc ante litis ingressum . . pretactam quatuordecim marcarum cum pena duppli earumdem ipsi domino episcopo restituere tenerentur ipso facto. Datum secundo die octavarum Nativitatis beati Johannis predictarum, anno domini Mo CCCo XXXo tercio.