Excellentissimo domino eorum, domino Karolo dei gratia inclito regi Hungarie, conventus monasterii Waradiensis orationes in Domino debitas et devotas. Litteras magnifici comitis Pauli iudicis curie vestre nobis transmissas recepimus reverenter et iuxta earundem continenciam unacum Jacobo filio Johannis de Nogwagh homine vestro unum ex nobis, fratrem videlicet Nicolaum sacerdotem pro testimonio transmisimus fidedignum ad facienda at inqiurenda infrascripta, qui postmodum ad nos reversi, nobis concorditer retulerunt, quod ipsi in die festo Sancte Trinitatis eundo ad provinciam versus villam Gerede a nobilibus et ab aliis libere cindicionis hominibus premissam diligenti inquisicione et fideli scivissent, quod Philippus, Matheus, Laurencius et Andreas, filii Johannis de eadem Gerede quandam particulam possessionis Stephani et Beke filiorum Stephani de predicte villa Gerede, Fyzesth vocatam, inter Kuhidkerus et Fyzesth fluvios inventem a dominica Ramispalmarum cuius iam tercia adveniet revolucio annualis occupassent et usquemodo detinerent occupatam ac silvos ipsius possessionis penitus fecissent secari. Cuiusque iidem homo vester et homo noster, factam ipsam inquisicionem, dominum reverterent prenominatus Philippus de Gerede equm predicti Stephani filius Stephani coram homine vestro et nostro testimonio per hominem comitis de Barana propria sua auctoritate recipi fecisset lite tamen pendente inter ipsos. Datum feria quarta proxima post festum Sancte Trinitatis, anno Domini Mo CCCo XXo nono.