Nos conventus monasterii Waradyensis memorie commendamus per presentes, quod Laurencius, Petrus, Johannes et Demetrius, filiis comitis Kemen de Iuanus, coram nobis personaliter constituti, confessi sunt oraculo vive vocis, quod ipsi in possessione ipsorum hereditaria Iuanu vocata, in comitatu Tolnensis existente in presencia Stephani filii Markus et Johannis filii Zoym ac aliorum cognatorum proximorum suorum divisionem huiusmodi fecissent pacificam et concordem, quod una equalis dimidietatis situs ville ipsorum in predicta possessione eorum eorum [!] existentis a parte Komlou adiacens cum superiori molendino ipsorum ante domum eorundem situato et et cum feneto uno in eadem dimidietate existente distinctam et separatam ab alia medietate eiusdem sitis ville metis et terminis infrascriptis. Incipiendo scilicet a quadam stipite seu trunco nucum supra sessionem patris ipsorum meta terrea circumfuso existente abhinc eundo versus orientem pervenit ad locum eiusdem fornacis, ubi est meta terrea. Deinde iuxta sepes curie prefati Kemin progreditur versus orientem usque ad arborem piri silvestris meta terrea circumfusum. Inde vadit in quedam rivulum et paulis pereundo in eodem rivulo pervenit ad metam terream abinde ad huc eundo verus orientem pervenitur ad unum pontem, super fossato supradicti molendini existentis. Abhinc girando versus meridiem pervenit ad clausuram dicti molendini vulgariter gath dictam. Postmodum divisionis cessisset et provenisset in porcionem Johannis et Demetrii predictorum. Altera vero medietate eiusdem situs ville cum curia patris ipsorum et inferiori molendino ac cum quodam feneto in eadem existente a parte capelle beate Michaelis archangeli adiacente iuxta distinccionem predictorum terminarum separate ab alia medietate eiusdem sitis ville cedente et remanente in possessionem Laurencii et Petri prefatorum iure perpetuo et irrevocabiliter possidendam in filios suorum filiorum et heredes predicti termini et distincciones situs eisdem dimidie ville supradictis Johanni et Demetrio devolute qui ex parte Komlou a terris arabilibus et fenetis ipsorum eandem dimidietatem separant et distingunt sunt tales quod incipit a quadam loco Gudur dicto, eundo versus orientem usque lacum patris ipsorum ad predictum dimidium situm ville pertinentem et deinde eundo per modicum spacium subtus unam terram arabilem, cadit in unum fossatum molendini, et per idem fossatum eundo versus aquilonem pervenit ad predictum pontem, qui est communis terminus eorum termini vero qui aliam medietatem ipsius situs ville supradictis Laurencio et Petro per formam divisionis ut premittitur devolutam distinguo a terris arabilibus et fenetis ipsorum de parte capella beati Michaelis supradicti tales sunt, quod incipit a duobus stipicibus pirorum regulinorum, ubi sunt due mete terree, abinde vadit ad fossatum seu clausuram inferioris molendini ipsorum et in superiori fine magni feneti cadit in magnam viam qua itur in possessionem filii Kompoldi et in ipsa via eundo versus oriente pervenit ad duas dumos salicis abhinc progreditur in materiam vulgariter mege dictam feneti ipsorum et cadit in clausuram seu fossatum superioris molendini ipsorum. Item una medietas feneti ipsorum a parte Komlou existentis a parte eiusdem situs ville adiacens in cuius feneti medio quidam dumus viminum meta terrea circumfusus exstat pro distinccione. Item medietas magni feneti ipsorum a parte dicte capelle existentes in cuius fenetis medio similiter est una meta terrea posita pro signo distinccionis. Item equalis medietas silve eorum et terrarum arabilium terris metis et distinccionibus ab invice separare cessissent in porcionem Johannis et Demetri predictorum residua vero parte predictorum fenetorum silve et terrarum arabilium cedente et remanente in porcionem Laurencii et Petri prefatorum preterea quadam vinea Zenthesceley vocata et dimidie patris vinee ipsorum Gyurgsceley vocate a parte dicte ville existens cessisset in porcionem prenominati Demetri altera vero medietas eisdem vinee existentes a parte Komlou provenisset in porcionem Petri antedicti. Item quadam vinea ipsorum Farcassceley iuxta predictam vineam Gyurgsceley usque communem terram eorum et altera vinea ipsorum Petressceley vocata cessisset in porcione Johannis prenominati. Item due vinee ipsorum Radiznuk et Gykesceley vocate cessisent in porcionem Laurencii antedicti. Item vinea ipsorum Vgissceley vocata cessiset in porcionem Petri antedicti, iure perpetuo et irrevocabiliter possidende tali obligacione mediante, quod quicunque ex ipsis processu temporis hanc divisionem retractare niteretur malum aliqua aliis inferendo et id nobis constare posset ad inquisicionem nostram legiunt factam, extunc iis, ante litis ingressum decem marcas pecunie hanc divisionem observam [...] persolvere tenetur eo facto. Datum in dominica Reminiscere, anno Domini Mo CCCo XXo nono.