Nos, conventus monasterii Waradyensis memorie commendamus per presentes, quod cum secundum continenciam priorum litterarum nostrarum memorialium, magister Johannes, filius Gregorii de genere Scentemaguch, feria tercia proxima post Pasca Domini super facie terre Kubli vocate de terra Kubli, excepta super prefata terra Gregorius pater ipsius Johannis duas villas, Bykol et Zalatna vocatas dinoscitur fundavisse vetus privilegium nostrum quo mediante prefatus Gregorius et Petrus filius Bencenth eandem terram Kubli vocatam ab Ambrosio filio Barnabe dinoscuntur precio comparasse coram nobis restituere debuisset magistro Nicolao prenotato et Kaba Petrus homo domini regis presentibus testimoniis capituli Quinqueecclesiensis et nostro, super faciem predicte terre accedendo iuxta tenorem eiusdem privilegii nostri veteris ipsam terram per veteres metas suas ambulare et iuxta veteres metas erigere novas metas debuisset et si de parte possessionum hereditariarum predicti Johannes eiusdem terre metas ipsum privilegium nostrum non hostenderet, extunc secundum, quod Stephanus filius Gabriani et Kaba Petrus supra fidem eorum memorate terre metas sin hostenderent ambe partes tenerentur acceptare et idem Johannes litteras privilegiales capituli Quinqueecclesiensis et nostras super iamdictam terram Kubli prefato magistro Nicolao faceret emanari. Adveniente itaque ipso termino prenotatis, Johannes prefatum vetus privilegium nostrum super empcione dicte terre Kubli emanatum restituit coram nobis magistro Nicolao supradicto. Post hec autem unum ex nobis fratrem videlicet Benedictum sacerdotem unacum prefato Kaba Petro, homine domini regis super faciem memorate terre Kubli pro testimonio miseramus, qui quidem homo domini regis, cum predicto fratre nostro demum ad nos reversus, retulit nobis, quod ipse super faciem dicte terre Kubli, unacum viro discreto magistro Dyonisiis archidiaconus Tholnensis testimonio capituli Quinqueecclesiensis et fratre nostro, feria quinta proxima post Pasca Domini super faciem memorate terre accedendo, tandem reambulasset verum quia hereditariarum predicti Johannis filii Gregorii vetus privilegium nostrum metas non hostendit pro predictam terra Kubli prenotati Stephanus filius Gabriani et Kaba Petrus supra fidem eorum prestito sacramento novas metas pro predicta terra Kubli erexissent presentibus capituli et nostro prenotatis, quarum novarum metarum ereccionem ambe partes acceptassent. Cursus autem metarum novarum pro predicta terra Kubli de novo a parte possessionum hereditariarum dicti Johannis erectarum sicut nobis in scriptis reportarunt, hoc ordine distinguntur: Incipit enim prima et principlais meta dicte terre Kubli a parte meridionali circa fluvium Vorgan ubi sunt tres mete terree, una que est Stephani filii Gabriani, altera que est magistri Nicolai dicti Treutul, tercia vero que distinqit a possessione magistri Johannis filii Gregorii et fratrum suorum. Sicque paulisper eundo versus aquilonem tendit ad una, metam terream. Deinde per magnum spacium procedendo in eadem valle ubi sunt due mete terree. Abhinc directo modo incedendo pervenitur ad duas metas terreas iuxta magnam viam, qua itur versus villam Vorgan hinc et inde erectas. Deinde in eadem magna via eundo pervenitur ad finem ipsius ville Vorgan ubi sunt due mete terree super viam que vadit versus villa Zalatina. Abhinc declinando parum versus orientem in quadam valle tendit ad quandam arborem Jaurfa vocate sub qua est una meta terrea. Deinde prope vadit ad unam metam terream, abhinc vero ascendit ad quendam monticulum ubi est una arbor Borbouchafa vocata sub quaest una meta terrea. Abhinc descendendo versus septemtrionem pervenit ad duas metas terreas que sunt in una valle. Deinde exeundo tendit in late alterus montis et vadit per vineam ubi sunt due mete terree. Abhinc ascendendo in ipso monte sunt due mete terree in cacumine eisdem montis, quarum una separat magistro Johanni altera vero magistro Nicolai et sic ipsam terram Kubli vocatam prefatus homo domini regis presentibus predictis testimoniis statuisset predicto magistro Nicolao Treutul dicti pacifice et quiete in perpetuam possidendam nemine penitus contradictore existente. Idem igitur magister Nicolaus super quibuslibet processibus possessionum et causarum quarumlibet inter ipsum et prefatum Johannem hactenus ventillatis cassatis omnibus litteris suis eandem Johannem et fratres suos ac filios suos et fratrum suorum reddidit per omnia expeditos. Presentibus autem nobis reportatis nostrum privilegium concedemus. Datum sabbato proximo ante octavas Passce Domini, anno Domini Mo CCCo XXo quinto.