Viro nobili et honesto comiti Thome viceiudici magnifici baronis Philippi palatini Bude residenti Conventus monasterii Waradyensis oraciones in Domino. Nobilitatis vestre litteras nobis transmissas recipientes reverenter earundem contineciam unacum Nicolao filio Dauch, homine vestro, hominem nostrum, Johannem videlicet sacerdotem ecclesie nostre de villa Neuyg pro testimonio transmisimus fidedignum, quo presente idem homo vester quandam possessionem Both generacionis magistri Emerici castellani domini regis de Leuua et Egidii fratris eiusdem de genere Bechegregor Bothteremeheli vocatam, iuxta continenciam litterarum comitis Stephani viceiudicis Dause condam palatini a fratre Dominico abbate monasterii Saxardiensis recuperata, convocatis commetaneis et vicinis ipsius possessionis statueret eisdem Emerico et Egidio magistris iuxta continenciam predictarum litterarum comitis Stephani perpetuo possidendam cum utilitatibus et pertinenciis suis universis si non fiet contradictum. Contradictoribus nichilominus contra Emericum et Egidium magistros ad nostram presenciam evocatis. Et post hec diem citacionis terminum assignatum ac nomina contradictorum et totius facti sue ubi iidem contradicciones citati fuerint in nostris litteris vestre nobilitati rescriberemus. Idemque homo vester cum predicto homine nostro postmodum ad nos reversus retulit nobis, quod ipse, unacum homine nostro feria secunda proxima ante octavas Omnium Sanctorum accedendo super faciem predicte possessionis Bothteremeheli vocate, que alio nomine Vruus vocatur, convocatis commetaneis et vicinis suis, viro religioso fratre Dominico clavigero domini abbatis de Cykador commetaneii dicte possessionis a partibus orientali, septemtrionali et occidnetali inibi conparente et nullam contradictionem faciente. Fratre vero Dominico abbate Saxardyensi conmetaneo predicte possessionis a parte meridionali non conparente, nec mittente ad vocacionem hominis vestri et nullam contradiccionem faciente, prefata vero possessionem Bothteremeheli vocatam statuisset et assignasset presente homine nostro memoratis Emerico et Egidio magistris in perpetuum et irrevocabiliter possidendam. Datum in octavis Omnium Sanctorum, anno Domini Mo CCCo XXo tercio.