Excellentissimo domino eorum, domino Karolo dei gratia inclito regi Hungarie, conventus monasterii Waradiensis orationes in Domino debitas et devotas. Celsitudinis vestre litteras patentes nobis transmissas recepientes reverenter iuxta earundem continenciam unacum comite Ladislao filio Pouse homine serenitatis vestre quem viro religioso fratri Stephano procurator possessionum religiosarum dominarum sororum de Insula beate virginis Marie circa Budam ad citandum adversarios suis quoslibet ad inquisiciones, inpediciones et recapciones possessionum faciendas ac ad alia negocia ipsius ecclesie beate virginis rite et legitime exequenda per unius anni revolucionem generalem in pristaldum vestra concessit magnitudo, unum ex nobis fratrem videlicet Johannem sacerdotem pro testimonio transmisimus fidedignum ad citandum homines infrascriptos. Idemque homo serenitatis vestre cum predicto fratre nostoro postmodum ad nos reversus, retulit nobis, quod ipse, presente fratre nostro sabbato proxima post quindenas Passce Domini, Paulum filium Seruusdei de Doboka, super possessione sua Doboka vocata Petrum Kun dictum et Ladislaum Sclavum, servientes suos eidem ad statuendum conmittendo item Johannem filium Bor de Bor, super possessione sua Bor vocata, contra predictum fratrem Stephanum procuratorem citasset ad presenciam vestre maiestatis octavas beati Georgii martiris nunc venturis eisdem pro termino assignando. Datum in vicesimo secundo die post quindenas Passce Domini, anno eiusdem Mo CCCo XXo tercio.