Nos conventus monasterii Waradiensis damus pro memoria, quod constitutis coram nobis personaliter magistro Ladislao filio comitis Alexandri de Mosa pro se et pro Nicolao fratre suo carnali ab una parte, item magistro Nicolao filio comitis Jacobi filii Corrardi similiter pro se et pro Corrardo fratre suo carnali ab altera, propositum extitit per eosdem oraculo vive vocis, quod ipsi, super omnibus et omnimodis causarum requisicionum captivacionum et controversiarum quarumlibet articulis inter ipsos hinc et inde tam temporibus patrum suorum quam eciam temporibus ipsorum ventillatis et subortis usque modo seu usque datum presencium nostrarum litterarum datis et sopitis ac in nichilum redactis ipsis omnibus controversiarum articulis ad pacis et concordet unionem ... et quod ... parcium contra partem alteram super omnibus premissis controversiarum articulis iam preteritis et sedatis ut premittitur inter partes aliquam movere valeat malam conscionis ipsis in processu. Si qua vero parcium super omnibus premissis controversiarum articulis iam preteritis et sedatis ut premittitur inter partes adversus partem alteram aliquam conscionis maceriam movere temptaverit quincumque extunc hec pars parti alteri ante litis ingressum et absque iudicis porcione viginti marcas pecunie persolvere teneatur prout partes assumpserunt predictus et magister Nicolaus filius comitis Jacobi pro se et pro carnale fratre suo memorato magistro Ladislao pro se et pro Nicolao fratre suo astanti decem marcas denarorum banalium iuxta regni consuetudinem secundum tenorem priorum litterarum nostrarum in octavis beati Georgii martiris persolvit ex integro coram nobis. Datum in octavis beati Georgii martiris, anno Domini Mo CCCo XXo tercio.