Nos conventus monasterii
Waradiensis damus pro memoria, quod Nicolaus et Corrardus, filii comitis Jacobi
de Kemud, in nostri presencia personaliter constituti, confessi extiterunt viva
voce, ut causam et accionem per nobilem dominam Elyzabeth vocatam in presencia
venerabilis in Christo patris domini Ladislai, episcopi Quinqueecclesiensis
feria quinta proxima post dominicam Letare nunc preteritam, contra ipsos filios
Jacobi habendam et movendam commisissent et commiserunt coram nobis Fabiano
servienti ipsorum exhibicioni presencium usque ad finalem decisionem ipsius
cause et accionis exequendam promovendam et peragendam ratum et firmum habituri
quequidem in ipsa causa et accione contra predictam dominam Elyzabeth, matre
videlicet Johannis de Vgy actum responsum seu ordinatum fuerunt exsequendo per
Fabianum servientem ipsorum prenotatum. Datum feria quarta post dominicam Letare
predictam, anno Domini Mo CCCo XXo primo.
Vissza
a listára