Nos, Conventus monasterii
Waradiensis, omnibus Christi fidelibus, tam presentibus quam futuris, presentes
litteras inspecturis significamus presencium per tenorem, quod Johannes filius
Both cum Laurencio de Laymer et Thoma fratre eiusdem ac Vincen filio Johannis
de eadem ab una parte, et Philippus filius Embil, ex altera, coram nobis personaliter
constituti, idem Johannes filius Both, confessus est viva voce, quod cum ipse
viginti et sex iugera terre, et unam sessionem cum loco orrey, de eisdem Laurencio,
Thoma et Vincen pro duabus marcis emisset, sicut eciam in privilegio abbatis
de Cykador exinde confecto vidimus contineri, placuisset sibi postmodum, ut
eandem terram cum sessione et loco orrei iam prefatis exponeret ad vendendum.
Igitur presentibus eisdem Laurencio, Thoma et Vincen, a quibus prius ipsam terram
comparaverat, necnon Petro, Gyula et Paulo, filiis predicti Thome presencialiter
astantibus, et emere nolentibus immo pocius consensum pacificum seu benivolum
presentibus vendidit idem Johannes filius Both, terram antedictam cum sessione
et loco orrei prefatis et cum omnibus utilitatibus suis pro duabus marcis denariorum
Philippo supradicto, in filios filiorum suorum, iure perpetuo et irrevocabiliter
possidendam et eandem pecuniam, dixit ab eodem plenarie recepisse. In cuius
rei testimonium perpetuamque firmitatem, ad peticionem earundem parcium, presentes
litteras concessimus sigilli nostri munimine roboratas. Datum anno Domini Mo
CCo LXXo nono.
Vissza
a listára