Conventus monasterii
Waradiensis universis Christi fidelibus, presentibus pariter et futuris, presentes
litteras inspecturis, salutem in Domino sempiternam. Ad universorum noticiam
tenore presencium volumus pervenire, quod comes Leonardus de Nempty pro Dominico,
Dyonisio et Paulo filiis Berekun de villa Boxa, iobagiones castri de Koazd ab
altera, coram nobis personaliter constituti proposuerunt, quod cum super facto
cuiusdam particule terre ipsorum Pousa et Paulus in terra Dominici, Dyonisii
et Pauli filiorum comitis Leonardi predictorum Boxa vocata, quam iidem filii
comitis Leonardi ex regia donacione possident, communiter existentis, Kukynys,
Ehelleus comites, Stephanus de Bokona, Pobor, Bolosey de Peturd, et Sebastianus
filius Deme, in ipsa villa Boxa in quindenis residencie exercitus arbitrari
debuissent inter partes. Tandem mediantibus predictis Bolosey, filio Bolosey,
Sebastiano filio Deme, Ehelleo filio Mathey, et Stephano filio Jacobi per ipsas
partes de suis arbitris ad arbitrium faciendum ad ipsam villam Boxa adductis,
ipsisque arbitrantibus, predicte partes in talem pacis et concordie unionem
devenissent, prout seriem ipsius arbitrii factam per arbitros predictos inter
ipsas partes super particula terre predicte in litteris preceptoris domus milicie
templi et predictorum arbitrorum plenius vidimus contineri, quod predictam particulam
terre ipsorum Pousa et Paulus prefati arbitri separantes a terra Dominici et
suorum fratrum predictorum sub certis metis ab una parte reliquissent ipsis
Pousa et Paulus possidendam. Mete autem ipsius particule terre, que cessit in
porcionem Pousa et Paulus predictorum, hoc ordine distinguntur, prout distincciones
ipsarum metarum in ipsis litteris preceptoris et arbitrorum predictorum vidimus
contineri, sicut eciam predicte partes nobis retulerunt viva voce. Prima meta
incipit a parte Orientali a quodam fluvio, ubi sunt due mete terree, in quarum
una est gyabukur, ita videlicet, quod terra a parte Septemtrionali adiacens
cessisset Dominico, Dyonisio et Paulo predictis, alia vero parte, a parte Meridionali
existente remanente Pousa et Paulo memoratis. Deinde recte procedendo versus
Occidentem vadit ad unam arborem nucis, sub qua sunt due mete terree. Deinde
recte procedendo in eodem gyamege venit ad viam, que vadit ad villam Isip de
Boxa, iuxta quam viam sunt due mete terree. Abhinc procedendo venit ad duas
metas, in quarum una est dymulchynbukur; hinc venit ad duas metas, in quarum
una est arbor pomi. Exinde recte procedendo versus Occidentem venit ad magnam
viam, que de Boxa vadit ad villam Bugad, ubi sunt due mete terree angulares.
Deinde recte procedendo ad partem Meridionalem uenit ad duas metas terreas veteres
et antiquas, que separant a parte Meridionali terram filiorum Isip a terra Pousa
et Paulus predictorum, et a parte Occidentali a terra Dominici et sourum fratrum
prefatorum, ibique terminatur. Preterea quantitas ispius particule terre, que
cessit in porcionem Pousa et Paulus predictorum cum omnibus suis utilitatibus
est sufficiens culture duorum aratrorum, prout iidem arbitri visu potuissent
annotare. In cuius rei testimonium presentes litteras, cum alphabeto intercisas
concessimus sigilli nostri munimine roboratas. Datum anno Domini Mo CCo septuagesimo
sexto. Valtero decano, Bonifacio custode, eodemque cantore existentibus.
Vissza
a listára