Conventus monasterii
Waradyensis universis Christi fidelibus, presentibus pariter et futuris, presentes
litteras inspecturis, salutem in Domino sempiternam. Ad universorum noticiam
tenore presencium volumus pervenire, quod vir religiosus, frater Filius, abbas
monasterii Saxardiensis, frater Martinus custos, frater Petrus de conventu Saxardiensi
pro se, et pro toto conventu Saxardiensi cum procuratoriis litteris eiusdem
conventus, comes Zoch officialis dicti monasterii de Saxard, Gyalmaz, Bagza,
Nicolaus filius Peka, Mykou filius eiusdem, Timotheus, Kelemen, Zeme, Emericus
filius comitis Zoch, Iwanka de Wrus, et Johannes frater eiusdem, iobagiones
eiusdem monasterii Saxardiensis, pro se et pro omnibus aliis iobagionibus eiusdem
monasterii, similiter cum procuratoriis litteris ipsius conventus, ab una parte,
item nobilis vir comes Bodur filius Pouse, viceiudex Laurencii palatini ab altera,
coram nobis personaliter comparentes, prefatus Filius abbas, fratres predicti,
pro se et pro toto conventu Saxardiensi, ac prenotati officialis et iobagiones
dicti monasterii nomine suo, ac vice omnium aliorum iobagionum eiusdem monasterii,
quandam terram ipsius monasterii Saxardiensis, Peturd vocatam, in comitatu de
Baranya existentem, adhuc ante tempus insultus gentis Tartarice vacuam et desertam,
ac habitatoribus penitus destitutam, nullam aliam utilitatem, preter quandam
parvulam capellam, in eadem terra Peturd sub honore Beate Virginis Marie constructam,
et preter silvam desertam in se continentem, quamquidem terram Peturd per comitem
Boch de genere Bechegregor, nobili domine uxori sue pro sua dote et rebus suis
parafernalibus traditam, seu eciam assignatam, eadem nobilis domina matrona
pro sue anime remedio dicto monasterio Saxardiensi dudum noscebatur in perpetuum
possidendam assignasse et donasse, ex permissione pie memorie (!?) domini regis
Bele, et ex consensu ac assensu reverendissimi patris domini Philippi Strigoniensis
archiepiscopi, prout in eorundem patentibus litteris exinde confectis nobis
exhibitis et perlectis plenius vidimus contineri, presentibus eciam magistro
Macha filio Mychaelis homine domini regis et religioso viro fratre Thoma, abbate
de Felduar, homine domini Philippi Strigoniensis archiepiscopi per eosdem ad
circumdandam et reambulandam ipsam terram Peturd, coram suis vicinis et commetaneis
sub veteribus metis, et ad estimandum eandem cum suis vicinis coram uno ex nobis
fratre destinatis, vicinis quoque ipsius terre Peturd, videlicet comite Dyonisio
filio Petri de genere Bechegregor de Felwrus, Georgio filio Nicolai de Peturd,
Nicolao et Petro filiis eiusdem, Petro et Nicolao filiis Leustachii de Zapud,
ac Stephano filio Petri de Korunzo, patrono Monasterii de Bata, presencialiter
astabtibus, permittentibus et consencientibus ac non contradicentibus, prenominato
comiti Bodur pro sexaginta marcis, de quibus idem comes Bodur unam vineam suam
in Saxardia in territorio monasterii eiusdem, in medio vinearum predicti abbatis
Saxardiensis adiacentem, quamquidem vineam a Baal vinitore nostro ex nostra
permissione idem comes Bodur noscebatur precio comparasse, pro sex marcis, racione
concambii ipsius terre Peturd assignando, et quinquaginta quatuor marcas in
denariis, prenotatis abbati, fratribus, officiali et iobagionibus monasterii
Saxardiensis ipsam pecuniam cum predicta vinea ad se recipientibus persolvit
integriter coram nobis, et per eundem comitem Bodur suis heredibus heredumque
suorum in posterum successoribus, iure perpetuo et irrevocabiliter possidendam,
tenendam pariter et habendam vendiderunt coram nobis, eo quod ex precio ipsius
terre Peturd monasterio Saxardiensi maius commodum et maior utilitas succedere
videbatur, quam (sic!) vacua permansisset et deserta, ab impetitoribus eciam
quibuslibet occasione dicte terre Peturd iam vendite, predicti abbas, fratres,
officialis et iobagiones monasterii Saxardiensis cum eorum successoribus suis
propriis laboribus et expensis comitem Bodur prenotatum et eius posteritates
expedire et salvare assumpmentes. Hoc non pretermisso, quod si iidem Filius
abbas, fratres de conventu, officialis et iobagiones monasterii Saxardiensis,
aut successores eorundem ipsam terram Peturd iam venditam, ab eodem comite Bodur,
vel ab eiusdem successoribus requirere aut repetere attemptaverint quandocumque,
dicto comiti Bodur, et eius posteritatibus preter iudicem, ante litis ingressum,
sexaginta marcas denariorum persolvere, et insuper contra comitem Bodur et posteritates
ipsius sine strepitu alicuius iudicii pene calumpnie subiacere teneantur, prout
assumpserunt coram nobis. Cursus autem metarum dicte terre Peturd prefato comiti
Bodur vendite, usui viginti aratrorum, sicut ex visu oculorum datur considerare,
sufficientis, prout magister Macha, homo domini regis, Thomas abbas de Felduar,
homo domini Strigoniensis archiepiscopi, et unus ex nobis frater, ad circumdandam,
reambulandam et estimandam dictam terram Peturd cum eisdem hominibus domini
regis et domini archiepiscopi per nos transmissi regio mandato, nobis in scriptis
reportando predictis partibus vel vicinis ipsius terre Peturd presentibus coram
nobis perlegi fecerunt seriatim eiusdem vicinis in nullo contradicentibus, sed
pocius consencientibus in hac parte, taliter distinguuntur: prima eciam et principalis
meta incipit ab Oriente in capite cuiusdam sicce vallis, inter valles processus
egreditur ad Aquilonem a capite euiusdam putei Chabakuta vocati ubi sunt tres
mete terree capitalis, prope quatuor arbores magyal posite, ubi est terra monasterii
Saxardiensis Kuesd vocata, et terra comitis Dyonisii filii Petri Felwrus dicta,
eidem terre Peturd vicinantes, quarumquidem trium metarum una separat monasterio
Saxardiensi, altera comiti Dyonisio et tercia comiti Bodur. Inde, iuxta terram
Felvrws ab Oriente remanentem, progreditur directe versus Meridiem ad lacum
Gyoznoufertes vocatum in quo laco aqua pluvialis stagnare consuevit, ubi sunt
due mete terree, quarum una separat terre Felwrws, altera comiti Bodur. Deinde
reflectitur versus Occidentem, eundoque directe ad Occidentem, iuxta terram
Felwrws, a Meridie remanentem, venit ad quoddam fosstatum longum, aruk dictum,
ubi sunt due mete terree, quarum una separat terre Felwrws, altera comiti Bodur.
Abinde, iuxta ipsum fossatum in vicinitate terre Felvrws a Meridie remanentis
eundo directe versus Occidentem descendendoque ad quoddam nemus in valle situm,
et transeundo ipsum nemus ascenditur ad quendam berch, ubi sunt tres mete terree,
ubi vicinitas terre Felvrws voacate terminatur, et adiungitur terre comitis
Bodur, Peturd vocate, vicinitas terre Georgii filii Nicolai de Peturd, Nicolai
et Petri filiorum eiusdem, eciam Peturd vocate, a Meridie existentis, quarum
vero trium metarum una separat terre Felvrws, altera predicto Georgio et filiis
suis, tercia comiti Bodur. Inde descendendo per terram arabilem ad vallem, et
iuxta teram Georgii et filiorum suorum a Meridie remanentem inter arbores fructiferas
eundo directe versus terram Zapud vocatam, scilicet ad Occidentem ascenditur
per locum Zurdukut vocatum, ubi in capite ipsius Zurdukut sunt due mete terree,
una Georgio et filiis suis, altera vero comiti Bodur separantes. Abhinc, iuxta
terram Georgii et suorum filiorum a Meridie remanentem eundo directe versus
terram Zapud ad Occidentem venitur ad tres metas terreas angulares, ubi relinquitur
vicinitas terre Georgii et filiorum suorum et terra Petri ac Nicolai filiorum
Leustachii Zapud vocata, sita ab Occidente, incipit tenere vicinitatem cum terra
comitis Bodur, quarumquidem trium metarum una separat Georgio et filiis suis,
altera filiis Leustachi, tercia vero comiti Bodur. Hinc, iuxta terram Zapud
ab Occidente remanentem declinatur versus Septemtrionem, eundoque per fossatum
quoddam aruk dictum vadit ad duas metas terreas, terre Zapud et comiti Bodur
separantes, adhuc in vicinitate terre Zapud ab Occidente remanentis, per geminatas
metas terreas in octo locis novo positas, terre Zapud et comiti Bodur separantes,
in magno spacio eundo directe versus Septemtrionem venitur ad tres metas terreas
angulares, quarum una separat terre Zapud, cuius vicinitas illic terminatur,
altera terre monasterii de Bata Apaty vocate, que cum sua vicinitate ipsam a
terram comitis Bodur in modico attingit, et silve regali Mooragy nuncupate,
tercia vero comiti Bodur. Abhinc, relinquendo vicinitatem terre Apaty, in vicinitate
silve Moraag ab Aquilone remanentis, regreditur versus Orientem, venitque ad
duas metas terreas iuxta quandam vallem existentes, inter silvam Moraag et inter
comitem Bodur separantes. Hinc descenditur in vallem versus Orientem, iuxta
silvam Morag ab Aquilone sitam, saliendoque versus Orientem, ipsam vallem in
ascendendo in montem sive berch, in vicinitate silve Moraag ab Aquilone remanentis,
in eadem berch sunt due mete terree inter silvam Morag et inter comitem Bodur
separantes. Inde itur versus Orientem, ad duas metas terreas separantes inter
silvam Morag et comitem Bodur. Exinde vadit adhuc vertus Orientem ad duas metas
terreas in fine eiusdem berch sitas, inter silvam Moraag et inter comitem Bodur
separantes. Abinde in vicinitate silve Morag, ab Aquilone existentis, eundo
versus Orientem venitur ad duas metas terreas, similiter inter silvam Morag
et inter comitem Bodur distinguentes. Deinde, iuxta silvam Morag itur versus
Orientem, veniturque ad tres metas terreas angulares iuxta quoddam fossatum,
aruk vocatum, sitas, quarum una inter silvam Morag, cuius vicinitas illic terminatur,
altera inter terram Kuesd superius nominatam, cum qua incipit tenere vicinitatem,
tercia inter comitem Bodur distinguentes (sic!) de quibus tribus metis descenditur
in quandam vallem versus Orientem in vicinitate terre Kuesd, et ibidem in ipsa
valle sunt due mete terree eidem terre Kuesd et comiti Bodur separantes, de
ipsa quoque valle asscendendo versus Orientem ad finem cuiusdam gracilis berch
iuxta terram Kuesd venitur ad duas metas terreas distinguentes inter terram
Kuesd et inter comitem Bodur. Inde adhuc iuxta terram Kuesd eundo versus Orientem,
saliendo quendam tenuissimam berch, et adhuc ascendendo quoddam zurduk vel horhag,
transito ipso horhag, super ipsum horhag sunt due mete terree, inter terram
Kuesd et inter comitem Bodur distinguentes. Hinc, in vicinitate terre Kuesd
reflectitur versus Meridiem, et eundo iuxta vallem directe versus Meridiem,
terram tamen Kuesd illic ab Oriente relinquendo, venitur ad duas metas terreas
separantes inter terram Kuesd et inter comitem Bodur. Inde iuxta terram Kuesd
versus Meridiem adhuc directe eundo vaditur ad duas metas terreas distinguentes
similiter inter terram Kuesd et inter comitem Bodur. Abhinc, iuxta terram Kuesd
ab Oriente remanentem, adhuc versus Meridiem in magno spacio procedendo revertitur
ad tres metas capitales seu eciam pricipales, ibique terminatur. In cuius rei
memoriam et perpetuam firmitatem, ad peticionem parcium predictarum presentes
litteras cum alphapeto (sic!) intercisas concessimus sigilli nostri munimine
roboratas. Datum anno Domini Mmo ducentesimo LXmo spetimo, mense Februario.
Valentino decano, Bonifacio custode et Petro cantore existentibus, ceterisque
fratribus una vobiscum Deo famulantibus iugiter ac devote.