Nos, Beatus miseracione
divina abbas Waradyensis eiusdemque loci totus conventus significam[us t]am
presentibus quam futuris, quibus expedit, presencium per tenorem, quod Jacobus
filius Pous et Johannes filius Johannis de Gueredey, frat[er eiu]sdem ab una
parte, Nicolaus et Farcasius filii Meth de Fyzeth ab altera, coram nobis personaliter
constituti, iidem Jacobus et Johannes quandam particulam terre ipsorum ad ducenta
iugera minus viginti in terris arabilibus et fenetis terris eorundem Nicolai
et Farkasy vicinam existentem inter aquam Fyzeth ab Oriente et aquam Ochtou
vocatam ab Occidente, usque terminum ubi ipsa aqua Ochtou cadit in Fyzeth, quamquidem
terram a Septemtrione circuit terra eorundem Nicolai et Farkasy Harumhorozth
vocata, usque Orienetem, ubi et ipsi eidem terre vicinantur confessi sunt viva
voce presentibus, volentibus et permittentibus omnibus de generatione sua, necnon
vicinis et commetaneis universis vendidisse propter paupertatem incumbentem
dictis Nicolao et Farcasio ac eorum heredibus heredumque successoribus, pro
sedecim marcis denariorum receptis coram nobis plenarie ab eisdem perpetuo et
irrevocabiliter possidendam statuendo, et hoc firmiter assumpmendo, ut quandocumque
dicti Nicolaus et Farcasius pro iam dicta particula terre per aliquem de generatione
sua aut de commentaneis ac vicinis, processu temporum, impeterentur easdem dicti
Jacobus et Johannes ac eorum posteritates expedire tenerentur propriis laboribus
et expensis. In cuius rei memoriam et perpetuam firmitatem presentes, ad peticionem
partium concessimus sigilli nostri munimine roboratas. Datum anno Domini Mo
CCo quinquagesimo sexto.