Nos comes Lu(ca)cius(!) vicejudex magistri Akus comitis de Posaga, Nicolaus filius Nicolai capitaneus nobilium generationis Borich bani, ac Mogas filius Petri comes terrestris, damus pro memoria, quod magister Nicolaus dictus de Gucha aule regie myles(!), exactor marturinarum et fertonum in comitatu Posaga, constitutus asseruit coram nobis, quod magister Petrus filius magistri Emerici filii Gyleti fertones ex parte jobagionum suorum domine regine tempore sue dicationis et prout litteris capituli de Posaga ad solutionem eidem Nicolao obligavit, plenarie persolvisset, ratione quorum fertonum ipsum magistrum Petrum reddidit coram nobis expeditum et absolutum. Datum feria sexta proxima ante festum nativitatis beate virginis Marie, anno domini Mo CCCo XLo nono.