Magnifico viro et potenti domino Nicolao totius Sclavonie et Croacie bano capitulum ecclesie beati Petri de Posaga salutem et oraciones pro eodem ad dominum noveritis nos vestras recepisse litteras nobis directas in hec verba: Viris discretis et honestis capitulo ecclesie de Posaga amicis suis Nicolaus totius Sclavonie et Croatie banus amaciciam paratam cum salute, dicunt nobis magister Nicolaus, Ladislaus et Andreas filii Andree de Bachka, quod magister Johannes filius Laurencii de possessione Gelekouth post mortem magistri Stephani filii Opoii fratres ipsorum potencialiter veniendo quasdam duas possessiones ipsorum Sygeth vocatas pro se ocupari, privari domos transferi populos de eiusdem effugando et aliquas arbores fructiferas secari et sic ipsas possessiones desolari fecisset in ipsorum preiudicium et gravaman super quo petimus vestram amiciciam presentibus diligenter quatenus vestrum mittatis hominem pro testimonio fidedignum, quo presente Jacobus filius Johannis vel Stephanus filius Ladislai aut Stephanus filius Demetrii aliis absentibus homo nostre presente vestro testimonio a quibus diligenter et sciat et inquirat de premissis omnimodo veritate et post hac prout vobis veritas constitutus nobis amicabiliter rescribatis. Datum Zagrabie feria tercia proxima ante festum beati Gregorii pape, anno Domini Mo CCCmo XLmo nono. Item etiam rescribant modo premisso utrum possessiones predicte Zigeth vocate sint hereditarie possessiones magistri Stephani filii Opoii et filiorum Andree de Bachka predictorum vel qualiter eis dignoscantur. Nos itaque mandatis vestre magnificentie obedire cupientes ut tenemur secundum earundem litterarum vestrarum continenciam cum Jacobo filio Johannis homine vestro magister Andreas socium et concanonocum nostrum ad sciendum et inquirendum infrascripta pro testimonio transmissimus, qui postmodum ad nos reversi nobis concorditer retulerunt, quod supradictus magister Johannes filius Laurencii de prefata possessione Gelekouth vocata ante mediate post mortem ipsius magister Stephani filii Opoii fratris ipsorum propria veniendo quasdam duas possessiones ipsorum Zygeth vocatas pro se occupasset terras in eisdem arari per suos homines faciendo populos et iobagiones de eisdem cum dominibus ipsorum ad dictam possessionem Gelekouth vocatam transferri et transduci fecisset et aliquas arbores fructiferas ibidem secari fecisset et sic ipsas possessiones desolasset, retulerunt etiam idem homo vester et noster, quod predicte possessiones Zygeth vocate posessiones ipsius magistri Stephani filii Opoii et filiorum Andree de Bachka predictorum extitissent et eas continue titulo hereditario possedissent, nichilominus tamen dum quosdam tempore ipse possessiones alienate fuissent ab eisdem tunc dicti filii Andree per res et pecuniam eorum devenissent ad possessiones supradictas. Datum feria tercia proxima post octavas festi Pasce Domini, anno eiusdem Mo CCCmo XLmo nono.