Nos capitulum ecclesie
beati Petri de Posoga memorie commendamus per presentes, quod nobilis domina
Koprena vocata filia Rade relicta videlicet Byharyn filii Wzerad de Predysynch
et domina Wynka nuncupata filia eiusdem ab una parte, magister Leukus filius
Petri filii Kupse de Orboa ex altera coram nobis personaliter constituti, eedem
nobiles domine confesse sunt oraculo vive vocis, quod super facto jurium suarum(!)
de possessionibus condam predicti Byharyn nunc apud prefatum magistrum Leukus
habitis ipsis de jure provenientium, ita, quod dicta domina Koprena super facto
dotis et rerum parafarnalium suarum et prefata domina Wynka nuncupata super
facto quarte sue puellaris habita, sufficienti satisfactione ex parte dicti
magistri Leukus eundem magistrum Leukus reddidissent et nichilominus coram nobis
reddiderunt expeditum, absolutum et per omnia satisfactum. Datum sabbato proximo
post festum beati Laurencii martiris, anno domini millesimo CCCmo XLmo septimo.
Vissza
a listára