Nos capitulum ecclesie beati Petri de Posaga memorie commendamus per presentes, quod Petrus filius comitis Pytuzii nunc castellanus de Posagawar ab una parte, nobilis vir magister Ladislaus filius Thome de Velyke regni Hungarie vicepalatinus ex altera coram nobis personaliter constituti, idem Petrus filius Pytuzii confessus est oraculo vive vocis, quod quasdam sex sessiones, quatvor videlicet a Galter et Johanne filiis Gerzyn pro quatvor marcis denariorum, et duas ab eodem Johanne filio Gerzyn pro tribus marcis denariorum et media supradicto comiti Pytuz patre suo mediantibus litteris nostris patentibus ex modo confectis ut in eisdem vidimus contineri olym deventas in possessione Oryawcha vocata existentes cum omnibus utilitatibus et pertinenciis earundem sessionum dedisset, donasset et tradidisset prenotato magistro Ladislao filio Thome pro predicta pecunia, videlicet pro septem marcis denariorum et media ab eodem plene sicut dixit receptis sub eodem modo inpignoracionis in prescriptis litteris nostris seriatim contento possidendas, tenendas pariter et habendas. Datum sabbato proximo post festum Epiphanie Domini, anno eiusdem Mo CCCo XLo sexto.