Nos capitulum ecclesie beati Petri de Posaga memorie commendamus per presentes, quod accedens ad nostram presentiam Phylpus filius Byharyn de Predescench(!) ab una, Paulus filius Barnabe famulus magistri Leukus filii Petri de Orboa in persona eiusdem magistri Leukus domini sui parte ex altera coram nobis personaliter constituti, idem Phylpus filius Byharyn de Predescench confessus est coram nobis oraculo vive vocis, quod ipse totam portionem suam possessionariam tam hereditariam quam etiam empticiam et generaliter quocunque modo comparatam in predicta possessione Predysynch vocata ipsum jure hereditario contingentem cum omnibus utilitatibus et pertinentiis eiusdem possessionis Predysynch, scilicet vineis, fenetis, pratis, silvis et terris arabilibus, eidem magistro Leukus filio Petri de Orboa vendidisse, tradidisse et donasse pro decem marcis promptorum denariorum veronensium plene ut dixit ab eodem magistro Leukus iam receptis in heredum heredes ipsius magistri Leukus pacifice possidendam, tenendam et irrevocabiliter pariter et habendam, hoc etiam interposito, quod quandocunque temporis in processu idem magister Leukus cum Thoma filio Ladislai et Michaele filio Gregorii necnon ceteris proximis ipsius Phylpus filii Byharyn, commetaneis videlicet ipsius possessionis Predisynch(!) divisionem facere vellet super ipsa possessione Predysynch, extunc ita possit justitia mediante facere, sic(ut) ipse Phylpus filius Byharyn prenotatus tali etiam modo, quod quandocunque particulam de predicta possessione Predysynch nuncupatam tam pater suus, scilicet Byharyn prenotatus, quam etiam ipse solus, videlicet Phylpus pretactus necessitate ipsorum cogente pignori cuicunque obligassent, idem Phylpus ipsi magistro Leukus coram nobis vigore nostrarum presentium donavit et contulit plenam et meram auctoritatem de quolibet redimendi, defendi et ordine juris mediante requirendi, presentes autem dum nobis reportare fuerint, nostro privilegio confirmabimus. Datum in festo sancte Elizabeth, anno domini Mmo CCCmo XLmo quinto.