Excellentissimo domino suo Karolo dei gratia illustri regi Hungarie, capitulum ecclesie beati Petri de Posaga orationes in domino debitas et devotas. Recepimus litteras vestre magnitudinis sub anulari sigillo hunc tenorem continentes: ***. Nos igitur mandatis vestre excellentie obedire cupientes, ut tenemur, secundum earundem litterarum vestrarum continentiam cum predicto Picuzyo vicecomite et Iwan filio Jacobi comite terestri dicti comitatus de Posaga hominibus vestre excellentie nostrum hominem Johannem succentorem chori nostri ad exsequendum premissa pro testimonio transmisimus, qui postmodum ad nos reversi nobis pariformiter retulerunt, quod idem comes Pituz(!) et comes Iwan filius Jacobi presente dicto testimonio nostro inter supradictum magistrum Stephanum comitem Pelesiensem et castellanum de Vyssegrad, ac Nicolaum filium Ambrosii filii Georgii Sclaui in supradictis possessionibus eorum Alsowkamaricha et Felselkaproncha vocatis in predicto comitatu de Posaga existentibus, excepta quadam portione ipsius possessionis Alsowkamaricha nominate a parte orientali adjacentis per vestram excellentiam ipsi magistro collata, que sine divisione permansisset, in prescriptis octavis festi beati Jacobi apostoli proxime preteritis juxta mandatum vestre sublimitatis divisionem fecissent perhempnalem tali modo, videlicet, quod de dimidietate ville Alsokamaricha nuncupate pars a parte meridionali existens cum terris arabilibus juxta eandem partem adjacentibus et aliis utilitatibus universis, exceptis terris arabilibus juxta fluvium Oriaua existentibus, que metis infrascriptis separabuntur, cessisset prenominato Nicolao filio Ambrosii in portionem suam et alia pars dimidietatis eiusdem villa juxta eandem partem, a parte aquilonis adjacens metis et terminis infrascriptis circumdata cum terris arabilibus intra easdem metas adjacentibus cessisset in portionem magistri Stephani castellani de Vissegrad prenotati. Item pars alie medietatis prelibate ville juxta portionem ipsius magistri Stephani a parte superiori adjacens cum utilitatibus universis provenisset prenominato Nicolao filio Ambrosii in suam portionem, et alia pars medietatis iamdicte ville, videlicet finalis a parte aquilonis adjacens metis infrascriptis distincta et separata devenisset in portionem magistri Stephani memorati. Cuius scilicet primarie portionis dicti magistri Stephani, prout idem homines vestri et noster nobis retulerunt prima meta incipit a parte orientali juxta quandam silvam, dictos scilicet magistrum Stephanum et Nicolaum communiter pertinentem in capite cuiusdam fluvii Cherna potoka vocati, inde directe eundo juxta terras eiusdem Nicolai versus occidentem cadit in fluvium Kamaricha et transit ipsum fluvium simyliter(!) versus occidentem et pervenit ad magnam arborem nyar, inde adhuc similiter versus occidentem juxta terram eiusdem Nicolai eundo ascendit in berch et pervenit ad arborem byk, ab hinc etiam versus occidentem eundo venit ad metam terream, deinde similiter versus occidentem eundo pervenit ad berch in commetaneitatem terre Grad potoka vocate, de hinc flectitur versus aquilonem et pervenit ad arborem twl, inde declinat versus orientem et eundo secus terras pretacti Nicolai filii Ambrosii pervenit ad duas arbores twl ubi cadit in predictum fluvium Kamaricha, inde in eodem fluvio per cursum aque descendendo venit ad locum ubi quidam rivulus Voyn potoka vocatus cadit in ipsum Kamaricha et contra cursum aque dicti rivuli versus orientem eundo pervenit ad silvam superius nominatam et ibi terminantur. Alterius vero portionis prelibati magistri Stephani, videlicet fraternalis prima meta incipit a parte orientis inferius predictam silvam juxta portionem prelibati Nicolai filii Ambrosii in arbore piri, inde descendit versus occidentem ad predictam villam et pervenit ad arborem prunellarum, sub qua est meta terrea, abhinc adhuc versus occidentem eundo venit juxta predictum fluvium Kamaricha ad metam terream ubi cadit in eundem fluvium, et contra cursum aque eiusdem fluvii eundo in bono spatio versus aquilonem exit de eodem versus occidentem ad dumum gymwlchyn, sub quo est meta terrea, inde directe eundo pervenit ad metam terream, de hinc similter versus occidentem eundo ascendit in montem et pervenit ad arborem gyertian sub qua est meta terrea, inde asscendendo ad cacumen eiusdem montis venit in commetaneitatem terre Grad potoka vocate ad arborem harasth, abhinc flectitur versus septemtrionem et venit ad puteum Sowkat dictum, inde per meatum eiusdem putei declinando cadit in prescriptum fluvium Kamaricha et per ipsum fluvium descendendo venit ad locum ubi meatus eiusdem fontis cadit in ipsum Kamaricha et in meatu ipsius fontis asscendendo versus orientem et transeundo caput ipsius fontis venit ad arborem gyertyan, de hinc directe eundo transit quandam vallem Zalawkueolgy vocatam et pervenit ad arborem harasth cruce signatam ubique terminatur. Supradictas autem terras arabiles juxta fluvium Oriaua adjacentes in portionem dicti magistri Stephani deventas a predictis terris arabilibus ad portionem prelibati Nicolai filii Ambrosii spectantibus distingunt mete infrascripte prout asserunt homines vestre excellentie et Johannes succentor homo noster prenotatus, videlicet incipiendo a parte sepetmtrionali juxta magnam viam, per quam itur ad Grad potoka in meta terrea, inde tendit versus meridiem et pervenit ad aliam metam terream juxta viam existentem, deinde per eandem viam eundo versus orientem venit ad metam terream juxta Kamaricha potoka existentem ubi cadit in eundem fluvium Kamaricha et per ipsum fluvium descendendo cadit in fluvium Oriaua et ibi terminatur. Item equalis medietas supradicte possessionis Felsewkaproncha vocate a parte aquilonis existens et medietas cuiusdam sessionis Aporkeyteluke vocate in eadem possessione Felsewkaproncha nominate a parte meridionali adjacentis equaliter cum fune mensurando cum suis utilitatibus universis cessissent in portionem magistri Stephani castellani de Visegrad supradicti, et alia medietas eiusdem possessionis Felsewkaproncha dicte cum medietate eiusdem sessionis Aporketeluke vocatis et aliis attinentiis suis universis cessisset prelibato Nicolao filio Ambrosii in portionem suam. Mete autem dictas portiones ab invicem separantes hoc ordine distinguntur, scilicet incipiendo a parte occidentali ab arbore berkenye, inde tendit versus orientem et transit ipsam villam Felsewkaproncha pervenitque ad arborem pomi, inde ad metam terream ubi cadit in fluvium Kaproncha et per ipsum fluvium descendendo versus meridiem venit ad metas terre Alsovkaproncha vocate ibique terminantur. Universas vero silvas in possessionibus iam divisis existentes et terras arabiles, que in eisdem silvis per loca haberentur, necnon molendina similiter in ipsis possessionibus habita supradictus magister Stephanus et Nicolaus filius Ambrosii prenotatus utentur(!) de communi, et ut idem comes Pituz ac comes Iwan frater Jacobi nec non Johannes succentor homo noster memoratus premissam divisionem fuisse factam nobis retulerunt, vestre sublimitati duximus rescribendum. Datum feria sexta proxima post festum assumptionis virginis gloriose, anno domini superius annotato.