(C)apitulum ecclesie beati Petri de Posaga universis Christi fidelibus presentibus pariter et futuris presentes litteras inspecturis salutem in domino sempiternam. […] Ad universorum notitiam tenore presentium […] volumus pervenire […], quod Nicolaus, Petrus et Egidius filii Mauricii [Maurici] de Barana, pro se et pro Leukus fratre ipsorum in nostri presentia personaliter constituti, confessi sunt oraculo vive vocis, […] quod ipsi et predictus Leukus frater eorumdem dimidietatem possessionis Ilua nuncupate in districtu de Vereucha existentis, super qua capella sub honore beati Georgii martiris est constructa, portionem videlicet a parte castri Soploncha existentem, per ipsos filios Mauricii a Petro filio Dyonisii filii Gud, Nicolao filio Georgii fratris sui nec non domina Elyzabeth sorore eiusdem Petri uterina ac Jacobo filio ipsius mediantibus litteris privilegialibus capituli ecclesie Chasmensis pro triginta quinque marcis pretio comparatam, prout in eisdem litteris privilegialibus predicti honorabilis capituli ecclesie Chasmensis nobis ibidem exhibitis vidimus contineri, […] cum terris arabilibus, vineis, silvis, aquis, fenetis, locis molendinorum […] ac aliis utilitatibus universis ad eandem medietatem predicte possessionis pertinentibus, nobili viro magistro Nicolao dicto Treutul, comiti Posoniensi, similiter pro triginta quinque marcis ab eodem plene, ut dixerunt, […] receptis dedissent, tradidissent et […] vendidissent in heredum heredes […] jure perpetuo et irrevocabiliter […] possidendam, tenendam pariter et habendam, assumpmentes et […] obligantes se prenominati Nicolaus, Petrus et Egidius filii Mauricii super eo, quod si predictus Leukus frater ipsorum eo, quod idem in facto predicte venditionis possessionis prenotate coram nobis personaliter non comparuit, ratione dicte medietatis possessionis prelibate aut aliquarum utilitatum suarum […] adversus prefatum magistrum Nicolaum vel heredes suos ullo unquam tempore […] moveret ordine judiciario requisitionem aliqualem, extunc ipsi Nicolaus, Petrus et Egidius filii Mauricii, expedirent seu expedire ac defendere tenerentur […] propriis eorum laboribus ex expensis. In cuius rei memoriam perpetuamque firmitatem ad peticionem eorundem filiorum Mauricii presentes concessimus litteras sigilli nostri munimine roboratas. […] Datum per manus magistri Johannis lectoris ecclesie nostre, feria quinta proxima ante dominicam letare, anno ab incarnatione domini millesimo trecentesimo tricesimo septimo.