Nos capitulum ecclesie bea(ti Petri de Posoga) […] memorie commendamus per
presentes, […] quod magister Paulus filius Laurencii dicti Twz de Pukur in nostri
presentia (per)sonaliter constitutus confessus est oraculo vive vocis, […] quod
cum ipse quandam possessionem suam Tordus vocatam nobili viro magistro Nicolao
filio Gylety mediantibus litteris nostris exinde confectis […] pro quinquaginta
marcis vendidisset, et ipse magister Nicolaus adhuc vivens dictam pecuniam, precium
videlicet possessionis prenotate, morte perventus sibi persolvere nequivisset,
tandem quia nobilis domina relicta magistri Nicolai filii Gylety memorati, predictas
quinquaginta marcas ad rationem precii prefate possessionis eidem debitas sibi
plenarie et integlariter persolvisset, pro eo supradictam possessionem Tordus
vocatam, quemadmodum eandem mediantibus litteris nostris exinde confectis prelibato
magistro Nicolao filio Gyleti vendidisse dinoscitur, ut premittitur, […] cum omnibus
utilitatibus suis pro supradictis quinquaginta marcis reliquisset, assignasset
et nichilominus […] vendidisset prefate nobili domine relicte eiusdem magistri
Nicolai jure perpetuo et irrevocabiliter […] possidendam. Datum feria tercia proxima
ante festum beati Laurencii martiris, anno domini MoCCCoXXXo quinto.
Vissza
a listára