Excellentissimo domino
suo Carolo dei (gratia) inclito regi Hungarie, capitulum ecclesie beati Petri
de Posoga orationes in domino devotas. Recepimus litteras vestre magnitudinis
in hec verba: Karolus dei gratia rex Hungarie fidelibus suis capitulo ecclesie
beati Petri de Posoga salutem et gratia. Dicit nobis magister Nicolaus filius
Gylety de Posoga, quod velled(!) quasdam possessiones Oryaycha et Gradisca vocatas
metis et limitacionibus a vicinis et commetaneis suis separare, super quo fidelitati
vestre firmiter precipimus per presentes, quatenus vestrum mittatis testimonium,
coram quo Johannes filius Ypoliti, homo noster, prenominatas possessiones presentibus
vicinis suis et commetaneis reambularet per veteres metas et antiquas, et per
veterum metarum erectionem distinguat dictas possessiones a vicinis et commetaneis
suis, si non fuerit contradictum, contradictores autem si qui fierent contra ipsum,
ad nostram citet presentiam ad terminum competentem, et post hec facti seriem
nobis fideliter rescribatis. Datum in Wissegrad, feria quinta proxima ante dominicam
ramispalmarum, anno domini MoCCCo tricesimo. Nos itaque vestris preceptis obedientes,
ut tenemur, secundum earum vestrarum litterarum continentiam cum predicto Jhoanne(!)
filio Ypoliti, homine vestro, unum ex nobis discretum virum magistrum Johannem
custodem et concanonicum nostrum ad exequenda premissa pro testimonio duximus
transmittendum, qui postmodum ad nos reversi nobis concorditer retulerunt, quod
idem homo vester presente eodem testimonio nostro die dominico proximo post festum
ascensionis domini nunc preteritum ad faciem predicte possessionis magistri Gylety,
Gradisca vocate, accedendo, eandemque possessionem Gradisca convocatis vicinis
et commetaneis suis per veteres metas et antiquas reambulando, distinctionibus
metarum a vicinis et commetaneis suis, per circuitum separasse(n)t distinguendo,
prout mete inferius eiusdem seriatim exprimuntur, nullo ibidem contradictore existente.
Cuius scilicet possessionis Gradisca, prout predictus homo vester et noster nobis
in scriptis reportaverunt, mete taliter distinguntur: Prima meta incipit ab occidente,
ubi sunt due mete terree, inter terram generationis Elie et ecclesie de Gothow,
inde eundo juxta eamdem terram ecclesie de Gothow versus orientem cadit in fluvium
Kopornopotok, ubi junguntur terre Filphus filii Laurentii, inde ascendit ad berch,
de quo descendit in fluvium Kotlennapot(ok), et exeundo de eodem ascendit ad berch,
et venit ad magnam viam, in qua eundo versus aquilonem venit juxta terram Pauli
filii Abram, et duos dumos tylie, ubi est meta terrea, inde eundo versus meridiem,
juxta eamdem terram predicti Pauli venit prope liberam villam de Gradisca ad metam
terream, inde versus orientem eundo per berch ad montem venit ad metam terream,
de qua versus meridiem descendendo cadit in Koprinapotok, et per cursum eisdem(!)
patak(!) eundo venit ad terram Cheglen vocatam, ubi est arbor gertyanfa, sub qua
est meta terrea, inde ad campum eundo venit ad arborem (yo)hor, sub qua est meta
terrea, inde versus occidentem eundo per magnum spacium, venit juxta terram Nicolai
filii Inota, et cadit in Lopsam, et per eamdem aquam Lobsa(!) versus occidentem
eundo venit ad terram Michaelis filii Thome, ubi exit de Lopsa et cadit in fluvium
Gothow, in quo fluvio contra cursum eiusdem eundo venit juxta terram filiorum
Laurencii et Johannis filii Georgii, et ibi cadit in fluvium Medenigpotok, in
quo eundo versus aquilonem per magnum spacium exit de eodem potok, et venit iterato
juxta terram generationis Elie supradicti ad priorem metam ibique terminatur.
Datum feria secunda proxima post festum pentecostes, anno domini MCCCXXX. tricesimo.
Vissza
a listára