Excellentissimo domino eorum Karolo, Dei gratia inclito regi Hungarie, capitulum
ecclesie beati Petri de Posega, orationes in Domino. Receptis litteris vestre
magnitudinis in hec verba Karolus, Dei gratia rex Hungarie, fidelibus suis, capitulo
ecclesie beati Petri de Posega, salutem et gratiam. Noverit vestra fidelitas,
quod magister Thomas de Karthal, castellanus de Roholcha, fidelis noster, ad nostre
maiestatis accedens presentiam, sueque; fidelitatis servitia nobis inpensa proponens
et declarans, quandam possessionem Scenthbartholom vocatam, in districtu sive
provincia de Bokowa existentem, asserens eam fore hominis sine herede decedentis,
et ex eo nostre collationi devolutam, a nobis sibi et Ethele fratri suo dari et
conferri perpetuo postulavit. Sed, quia de qualitate et quantitate ipsius possessionis,
et utrum nostre collationi perlineat nec ne, nobis veritas non constat, fidelitati
vestre precipientes mandamus, quatenus vestrum mittatis hominem ydoneum pro testimonio,
coram quo Johannes clericus, vel Farcasius de Kuchuk, altero absente homo noster,
accedat ad faciem ipsius possessionis, vicinisque et commetaneis suis convocatis,
reambulet eandem per veras metas et antiquas ; et si invenerit eam nostre collationi
pertinere, statuat ipsam ipsis magistro Thome et Ethele fratri suo, perpetuo possidendam,
si non fuerit contradictum, contradictoribus si qui fuerint, contra eosdem, ad
nostram presentiam ad terminum competentem legitime evocatis, et post hec diem
citacionis, terminum assignatum, nomina citatorum, cum cursibus metarum, tociusque
facti serie, nobis fideliter rescribatis. Datum, in Wisegrad, in festo beati Martini
confessoris, annno Domini Millesimo CCCo vigesimo nono. Nos itaque vestris mandatis
obedientes, ut tenemur, secundum earumdem litterarum vestrarum continentiam, cum
predicto Johanne clerico, homine vestro, unum ex nobis, Johannem custodem ecclesie
nostre, concanonicum nostrum, ad exequendum premissa pro testimonio duximus transmittendum.
Qui demum ad nos redientes, nobis concorditer retulerunt: quod prefatus Johannes
clericus, homo vester, presente dicto magistro Johanne custode, testimonio nostro,
feria quinta proxima post festum beate Lucie virginis nunc preteritum, ad faciem
predicte possessionis Scenthbartholom vocate, in districtu seu provincia de Bokowa
existentis accedendo, et eandem, convocatis vicinis et commetaneis suis universis,
per veras metas et antiquas, prout inferius seriatim annotatur reambulando, vestreque
collationi pertinere inventam, statuisset prenominatis magistro Thome de Karthal
et Ethele fratri suo, perpetuo possidendam, nullo ibidem contradictore penitus
existente. Cuius scilicet possessionis Scenthbartolom vocate, prout predictus
homo noster et vester nobis in scriptis reportarunt, per circuitum mete hoc ordine
distinguntur; prima meta incipit a parte aquilonis, juxta terram nobilium de generatione
Gatal et eundo ad meridiem, venit ad metam terream, inde eundo cadit in fluvium
et contra cursum eiusdem fluvii, per magnum spatium eundo, ascendit ad montem,
ubi est arbor tylie et meta terrea, inde descendendo venit ad arborem tylie, inde
adhuc descendendo cadit in fluvium Dobonykpothok vocatum, et contra cursum eiusdem
fluvii eundo, versus occidentem, venit ad originem seu caput ipsius Pothok Dubnykfew
dictum, inde adhuc versus occidentem asscendit ad arborem byk, eundo per bonum
spatium, reflectiturque versus aquilonem et eundo in via per berch venit ad arborem
byk, cruce signatam, inde ad arborem ihor, inde ad arborem tylie, ubi est meta
terrea, inde per eandem viam eundo, intrat silvam et flectitur versus occidentem,
et eundo per bonum spatium venit ad arborem tylie cruce signatam, inde (sic!)
ad metam terream, inde per eandem silvam eundo in via, venit ad arborem harazth,
exitque de silva et venit ad arborem harazth cruce signatam et ibi jungitur terre
Bokowa, et eundo versus alquilonem, venit ad metam terream, inde descendit ad
vallem et venit ad arborem byk, inde transit fluvium et asscendit ad berch, ubi
est meta terrea, inde transit vallem et asscendit ad berch, ubi est meta terrea,
inde flectitur versus occidentem et descendit ad vallem, ubi est meta terrea,
inde cadit ad fluvium et exit de eodem fluvio, ascenditque ad berch ubi est meta
terrea, inde flectitur versus aquilonem et venit ad metam terream, inde versus
occidentem eundo jungitur terre filiorum Moys et modicum eundo jungitur terre
Johannis, filii Nicolai, et pervenit ad metam terream, inde descendit modicum
et ascendit ad berch, inde versus aquilonem descendit per eundem berch et venit
ad metam terream, inde descendit ad fluvium et exit de eodem, pervenitque ad metam
terream, ibi separatur a terra Johannis, filii Nicolai, et jungitur terre filiorum
Moys, et in commetaneitate terre eorumdem filiorum Moys, meatum declinando versus
orientem, flectitur versus meridiem, per magnum spacium eundo pervenit ad priorem
metam, ibique terminatur. Datum, die dominico proximo ante festum beati Thome
apostoli, anno Domini millesimo ccco vigesimo nono..
Vissza
a listára