(C)apitulum ecclesie
beati Petri de Posaga universis Christi fidelibus presentibus pariter et futuris
presentes litteras inspecturis salutem in domino sempiternam. Ad universorum notitiam
tenore presentium volumus pervenire, quod Michael filius Samsonis filii Abrae
ab una parte, et Martinus filius Thomyzlo officialis magnifici baronis Demetrii
filii Alexandri de Nekche, magistri tawarnicorum domini regis pro eodem magistro
Deemetrio domino suo ex altera, ad nostram personaliter accedentes presentiam,
exhibuerunt nobis litteras compositionales excellentissimi principis domini nostri
Karoli dei gratia regis Hungarie continentes hunc tenorem: Exhibuerunt etiam nobis
alias litteras regales in hec verba: Nos itaque receptis et perlectis eisdem litteris
regalibus secundum continentiam earundem cum predicto Ladizlao filio Dyonisii
homine domini regis nostrum hominem Jacobum sacerdotem succentorem chori nostri
ad exsequendum premissa pro testimonio duximus transmittendum, qui scilicet homo
regis et noster unacum predicto Michaele filio Samsonis et predicto Martino officiale
magistri Demetrii ad nos redeuntes nobis concorditer retulerunt, quod idem Michael
filius Samsonis in quindenis festi penthecostes proxime preteritis ad faciem predicte
possessionis sue Lezkowycha vocate unacum ipsis accedendo de eadem possessione
sua unam particulam ex parte superiori, scilicet a parte possessionis Nekche vocate
metis infrascriptis ab alia possessione sua Lezkowycha vocata separando et distinguendo
cum omnibus utilitatibus et pertinentiis suis, scilicet terris arabilibus, silvis,
fenetis, vineis cultis et incultis et cum sessione ville Dragynech vocate in eadem
particula terre existente juxta extimacionem prenominatorum quatuor proborum virorum
ibidem factam, quadraginta duas marcas valentem presentibus ipsis, scilicet homine
domini regis et nostro testimonio assignasset et statuisset prenotato magistro
Demetrio jure perpetuo possidendam, econverso autem supradictus Martinus officialis
ipsius magistri Demetrii vice et nomine eiusdem magistri Demetrii domini sui prescriptam
villam Byharynech vocatam cum populis in eadem habitis et aliis utilitatibus ad
eandem spectantibus, similiter coram ipsis restituisset prefato Michaeli filio
Samsonis pleno jure possidendam. Mete autem supradictam particulam terre per eundem
Michaelem prefato magistro Demetrio modo premisso assignatam separantes et distinguentes,
sicut dixerunt, hoc ordine distinguntur: Prima meta incipit a parte occidentali
in Barazda ubi juxta magnam viam est meta terrea et in eadem via modicum eundo
versus orientem venit ad megye vinearum ubi est meta terrea et incipit habere
commetaneitatem cum terra Lobsycha vocata, et exit de predicta via descenditque
versus meridiem ad vallem ubi est meta terrea ibique cadit in potok, et contra
cursum ipsius potok modicum eundo venit ad arborem byk sub qua est meta terrea,
inde ascendit ad montem versus meridiem et venit ad metam terream, inde in eodem
monte versus meridiem eundo venit juxta vineam ad metam terream, inde descendit
adhuc versus meridiem, venit juxta silvam ad metam terream, inde flectitur versus
orientem et transeundo vallem venit ad arborem byk sub qua est meta terrea, et
incipit distinguere a terra predicti Michaelis Lezkowycha nuncupata, inde reflectitur
versus meridiem, cadit ad viam, per quam vadit ad silvam, in qua silva venit ad
arborem byk, sub qua est meta terrea, deinde in eadem via eundo versus meridiem
cadit in Karynapotok ubi est arbor byk, sub qua est meta terrea et transit ipsum
potok versus occidentem et ascendit ad berch ubi est arbor byk, sub qua est meta
terrea, inde directe eundo versus occidentem venit ad siccam vallem ubi est arbor
byk, sub qua est meta terrea, et in eadem valle eundo versus aquilonem venit ad
antiquam metam cuiusdam terre per predictum magistrum Demetrium a prefato Michaele
olim comparate et inde per metas eiusdem terre ipsius magistri Demetrii eundo
revertitur ad priorem metam ibique terminatur. In cuius rei memoriam perpetuamque
firmitatem eidem magistro Demetrio presentes concessimus litteras sigilli nostri
munimine roboratas. Datum per manus discreti viri magistri Petri lectoris ecclesie
nostre, die dominico proximo post festum beatorum Petri et Pauli apostolorum,
anno ab incarnatione domini millesimo trecentesimo vigesimo nono.
Vissza
a listára