Capitulum ecclesie
beati Petri de Posaga universis Christi fidelibus presentibus pariter et futuris
presentes litteras inspecturis salutem in domino sempiternam. […] Ad universorum
tam presentium quam futurorum […] notitiam tenore presentium […]volumus pervenire,
quod magister Paulus filius Laurencii filii Petri bani ab una parte, et magister
Nicolaus filius comitis Gyleti ex altera, coram nobis personaliter […] constituti,
idem magister Paulus confessus est oraculo vive vocis […], quod quandam possessionem
suam Tardas vocatam juxta possessionem Mortunwasara nuncupatam a parte aquilonis
adjacentem, cum omnibus utilitatibus eiusdem possessionis, sub eisdem metis et
terminis, sub quibus predecessores sui et per consequens ipse eandem possessionem
hereditarie possedisse dinoscuntur […], pro quinquaginta marcis denariorum dedisset
et […] vendidisset prenominato magistro Nicolao filio comitis Gyleti et per eum
suis heredibus heredumque suorum successoribus […] jure perpetuo possidendam,
tali modo, quod si aliquis vel quicumque […] eundem magistrum Nicolaum ratione
eiusdem possessionis processu temporum […] ordine judiciario impeteret, idem magister
Paulus assumsit expedire et defendere laboribus propriis et expensis […], quem
si expedire et defendere non posset, extunc precium ipsius possessionis, videlicet
quinquaginta marcas prenotatas ipse magister Paulus reddere et restituere tenebitur
magistro Nicolao supradicto. In cuius rei memoriam perpetuamque firmitatem ad
peticionem eiusdem magistri Pauli presentes dicto magistro Nicolao concessimus
litteras pendenti sigilli nostri munimine roboratas.[…] Datum per manus discreti
viri magistri Petri lectoris ecclesie nostre, sabbato proximo post festum beate
Margarethe virginis, anno ab incarnatione domini millesimo trecentesimo vigesimo
octavo.
Vissza
a listára